20151024-徐緣：我的老鬼之道

徐緣：我的老鬼之道
2015/10/24 — 10:17

圖片來源：Cityu Secret 片段截圖

差不多是廿年前的事，記得當年畢業後，周末應邀回校參加屬會 AIESEC 的諮詢大會，期間有老鬼 Mean 到無倫，把新莊批鬥得體無完膚。表面上看似是激勵後輩的震撼式療法，但總覺滲出陣陣膠味，我認為淡淡定定循循善誘，有型百倍。

那位「Mean 王之王」比我大兩三年，樣貌有9分似「甜筒輝」，面色是經常便秘那種。看他的表情，相信在事業上很不順心，只有周末回母校對學弟學妹呼呼喝喝，以尋回自己所失去的自信。

輪到我發言，本想寸爆那老鬼，但想深一層也為他感到難過。我清楚記得自己最後這樣說：

「作為老鬼，我歡迎大家問我意見，但點 run 個莊其實你地唔使問我，依家依個係屬於你地嘅莊。

我過去上莊過癮咗一年，做自己相信嘅事，輪到你地，你地都應該做自己想做嘅嘢，唔係做上莊或者老鬼叫你做嘅嘢。前人嘅意見可以做參考，但真正最後話事嗰個，依家係你。

希望大家好好享受未來一年嘅莊期。Good Luck！」

我 Feel 到 「Mean 王之王」斜睥向我，而我選擇不與他作眼神交流。因為我覺得氣勢上已 KO 了他，不想再傷害他的脆弱心靈。


徐緣
壹傳媒首席營銷官、香港中文大學及香港大學專業進修學院兼職講師。 曾出版《型銷》、《購想》、《廣告@日本》及《消費者通識》等暢銷營銷廣告書籍，現亦在不同報章刊物發表有關營銷的專欄文章。希望透過不停寫作，有朝一日磨鍊成營銷界的「香江第一健筆」。