20160619-蘋果：【果籽影評】《初戀無限Jam》有好歌邊使大卡士
蘋果：【果籽影評】《初戀無限Jam》有好歌邊使大卡士
20160619
女主角的80年代打扮出色，主角及band友因應不同時期的音樂風潮改變，服裝、美指都做得極好。
嗰啲流雞MV造型真係笑到有腹肌。
男主角阿哥句句有有智慧，個樣超似雷神。
「I'll never make a film with supermodels again.」
I係導演John Carney，supermodel指的是Keira Knightley。嗰套令導演覺得出晒事的戲叫《Begin Again》（《一切從音樂開始》），戲裏的歌曲《Lost Star》被萬人cover過。好多人都話電影好touching，但我二百巴仙認同John Carney的話，Keira Knightley的演技與唱功都未及水平，嗰手結他都幾……唔ok。我唔會話成套電影比佢搞衰晒，我會話有佢出現的場口，部戲睇落衰衰地。
導演後來對mean爆言論道歉，係咪被逼？見人見智。真心話係逆耳。
想講導演2007年那部《Once》（《一奏傾情》），起用知名度不高，樣子平凡的真實歌手，演愛爾蘭失意音樂男與捷克窮困賣花女，佢一唱，你係真係毛孔都識感動，會感恩的，而且演出異常動人。記得當年睇完戲我立即9秒9衝去買原聲大碟，然後返屋企loop到天荒地老。到今時今日，仍然會翻聽。
其實呢，我係想介紹番新上映的《Sing Street》（《初戀無限Jam》）。以上唔是湊字數，我唔是按字數出糧的。只係我對於《Once》的鍾情與《Begin Again》的失望，令我對《Sing Street》寄望高過姚明，因為我知道電影是導演的自身成長故事，而且重返愛爾蘭兼用小卡士。結果我！好！喜！歡！然後又响度loop OST。我知我知我知，我依家先來推介係遲，遲都要推介，因為真心like。
John Carney電影有套路可捉，都係用一首首歌串聯劇情，但總有辦法令人好受落。今次背景係80年代都柏林，青春片格局，是個15歲細路為追16歲少女model而夾band的故事。見有人話男主角好似Paul McCartney，隊友有John Lenon神髓又幾同意。男主角出身音樂世家，唱得彈得，做戲做出青澀味；第二男主角是個全能音樂人，低調得來好charm，睇住二人一個寫詞一個譜曲，你改我改你。歌曲從無到有的創作過程，永遠是John Carney電影的迷人之處。
組band過程極盡低能搞笑，成員個個甩皮甩骨。主角為了女神拍粗劣MV，服裝拍攝化妝意念九流，成品竟然一流，笑到人淚流滿面，印證kai到盡頭就是型的道理。青春片一定有的原材料，例如破碎家庭、欺凌、反叛此片當然有，雖偶有俗套位，但有好音樂伴隨，陳腔味大減。今次曲好聽，歌詞言之有物，講初戀的happy sad，成長的困惑等。年少多好，有夢想多好。雖然結局似乎有點理想化，不過John Carney其實一直都用音樂演繹童話，又接受到喎！
《初戀無限JAM》
導演：約翰卡尼
演員：法迪亞華舒比路、露絲伯恩頓、艾頓基倫、積雷諾、瑪莉亞多爾甘迺迪
現已上映
評分： 90分
記者：葉青霞
20160619
女主角的80年代打扮出色，主角及band友因應不同時期的音樂風潮改變，服裝、美指都做得極好。
嗰啲流雞MV造型真係笑到有腹肌。
男主角阿哥句句有有智慧，個樣超似雷神。
「I'll never make a film with supermodels again.」
I係導演John Carney，supermodel指的是Keira Knightley。嗰套令導演覺得出晒事的戲叫《Begin Again》（《一切從音樂開始》），戲裏的歌曲《Lost Star》被萬人cover過。好多人都話電影好touching，但我二百巴仙認同John Carney的話，Keira Knightley的演技與唱功都未及水平，嗰手結他都幾……唔ok。我唔會話成套電影比佢搞衰晒，我會話有佢出現的場口，部戲睇落衰衰地。
導演後來對mean爆言論道歉，係咪被逼？見人見智。真心話係逆耳。
想講導演2007年那部《Once》（《一奏傾情》），起用知名度不高，樣子平凡的真實歌手，演愛爾蘭失意音樂男與捷克窮困賣花女，佢一唱，你係真係毛孔都識感動，會感恩的，而且演出異常動人。記得當年睇完戲我立即9秒9衝去買原聲大碟，然後返屋企loop到天荒地老。到今時今日，仍然會翻聽。
其實呢，我係想介紹番新上映的《Sing Street》（《初戀無限Jam》）。以上唔是湊字數，我唔是按字數出糧的。只係我對於《Once》的鍾情與《Begin Again》的失望，令我對《Sing Street》寄望高過姚明，因為我知道電影是導演的自身成長故事，而且重返愛爾蘭兼用小卡士。結果我！好！喜！歡！然後又响度loop OST。我知我知我知，我依家先來推介係遲，遲都要推介，因為真心like。
John Carney電影有套路可捉，都係用一首首歌串聯劇情，但總有辦法令人好受落。今次背景係80年代都柏林，青春片格局，是個15歲細路為追16歲少女model而夾band的故事。見有人話男主角好似Paul McCartney，隊友有John Lenon神髓又幾同意。男主角出身音樂世家，唱得彈得，做戲做出青澀味；第二男主角是個全能音樂人，低調得來好charm，睇住二人一個寫詞一個譜曲，你改我改你。歌曲從無到有的創作過程，永遠是John Carney電影的迷人之處。
組band過程極盡低能搞笑，成員個個甩皮甩骨。主角為了女神拍粗劣MV，服裝拍攝化妝意念九流，成品竟然一流，笑到人淚流滿面，印證kai到盡頭就是型的道理。青春片一定有的原材料，例如破碎家庭、欺凌、反叛此片當然有，雖偶有俗套位，但有好音樂伴隨，陳腔味大減。今次曲好聽，歌詞言之有物，講初戀的happy sad，成長的困惑等。年少多好，有夢想多好。雖然結局似乎有點理想化，不過John Carney其實一直都用音樂演繹童話，又接受到喎！
《初戀無限JAM》
導演：約翰卡尼
演員：法迪亞華舒比路、露絲伯恩頓、艾頓基倫、積雷諾、瑪莉亞多爾甘迺迪
現已上映
評分： 90分
記者：葉青霞
留言
張貼留言