20151227-蘋果：【專題籽】高官金句逆思考，煲碟睇書笑迎2016
蘋果：【專題籽】高官金句逆思考，煲碟睇書笑迎2016
21:35 27/12/2015
【專題籽：節日之後】
來到年尾，過完開心熱鬧嘅聖誕節，呢個周末大家不妨留喺屋企，睇書煲碟hea吓嚟休養生息，叉足電再上路，準備迎接2016年嘅新挑戰！雖然港人今年繼續俾班高官玩弄於股掌之間，不過各式千奇百怪嘅金句，幾有潛力玩二次創作。為免呢班政棍嘅笑料被掏空，龍叔叔同小燕妹妹揀咗啲靚碟同好書，畀佢哋充實吓創意同演技，希望廣大市民吹你哋唔脹之餘，來年仲繼續有啖笑吓。
特首必睇《選戰》 跟智叔學親民
“土地問題。”
689話長者服務不足係土地問題、六四又係土地問題，連鄭中基都深表認同，話多啲土地就會中六合彩。特首有先見之明，可惜無解決之法，龍叔叔就推介佢睇今年嘅災難片王《加州大地震》，戲入面幾乎震到成個加州散晒，土地問題嚴重過你多多聲。仲要學吓戲入面嘅主角咁，有番啲承擔，救人於水深火熱之中，唔要求你練到Douglas Johnson咁大隻兼識揸車揸快艇揸直升機，周身刀張張利，仲要老婆阿女成家人開開心心，求其剃光咗個頭就當你交到戲喇。
梁振英
《加州大地震》3D藍光影碟 約$230
《選戰》藍光影碟（一盒四碟） 約$580
“拉布都冇用，最後咪又通過。”
嘩，厚顏如此，要求689有政治智慧真係好高難度，但連丁點戲都懶得交，就真係枉費納稅人出糧畀你囉。真心推介港視套《選戰》畀佢，宋漫山不擇手段誓做特首嘅功架應該唔使學，要學嘅係智叔嘅演技，唔好一臉闊佬懶理嘅態度好喎。《選戰》首季共15集，講出政治黑暗嘅一面，智叔人前正義親民，人後陰濕躁狂，正到爆。票箱版box set早已斷貨，$580嘅普通版都唔算貴，希望套《導火新聞線》電影版搵到大錢，順勢拍埋《選戰》第二季或電影版就好喇。
“我睇實質論英雄㗎啫，你同我考12個A我睇囉。
照估計，叻哥懶理有冇12個A，最緊要賺到十幾億人個market，可能忙得滯，冇時間留意《蟻俠》句宣傳口號「英雄無分大小，呢啲就真係警世明言喇，12個A先係英雄，咁Tony Stark同Peter Parker使唔使考過試？做開小男人同鹹蟲角色，真係要睇多啲英雄片嚟提升使命感，咪做死一世「交通燈」先得㗎。湯告魯斯扮特工扮到第五集，喺《職業特工隊：叛逆帝國》依然有型有款，揸住寶馬M3窄巷甩尾大戰電單車黨，相當精采，動作場面都花過心思，輕輕鬆鬆娛樂120分鐘，OK啦。
陳百祥
《職業特工隊：叛逆帝國》3D藍光影碟 約$230
“聽精神病病人講得太多嘢，聽聽吓，自己都黐線埋。”
上星期立法會辯論緊網絡23條嗰陣，蔣議員嘅「黐線論」比高鐵超支二百個億更加震驚13億人。可能平日佢真係俾好多精神病人圍繞住，先會歇斯底里爆咗句心底話出嚟。輕鬆啲啦蔣議員，不如龍叔叔介紹番套《玩轉腦朋友》畀你吖。卡通片色彩繽紛又得意，當係洗滌吓個躁底心靈囉。最緊要同小朋友一樣，了解吓人腦同情緒嘅運作，學吓壓抑自己嘅負面情緒，個腦入面咪淨係得番乜都唔like嘅阿憎同頹到爆嘅阿愁先得㗎。
蔣麗芸
《玩轉腦朋友》3D藍光影碟 約$230
吳克儉
吳克儉
日本「好靚好靚」 局長用字由淺入深
“東京有兩個公園好靚㗎，呢個時候去都好靚㗎，嗰晚我去呢，個湖邊好靚，夜晚睇星好靚，啲紅葉影咗啲燈好唔同，好值得去。”
堂堂一個教育局局長，缺席TSA檢討會外遊，已經夠出人意表。更離奇嘅係佢豐富嘅詞彙，講到日本風景，得個靚字，我睇唔透月讀30本書嘅佢，點解要隱藏實力。正所謂「熟讀唐詩三百首，不會吟詩也會偷」，局長如果係真係詞彙貧乏，唔好怕醜，睇吓葉嘉瑩本《給孩子的詩詞》啦！葉嘉瑩係古典詩詞界嘅泰山北斗，書入面嘅詩詞，係佢特登為中文程度較低嘅人選取嘅，首首都係經典中嘅經典。呢本書設計簡約優美，只有寥寥幾句作者生平，作品冇註解，好適合背誦，平靜心境。局長熟讀之後，再去日本，就可以試吓拋書包，例如以「別有天地非人間」，取代「公園好靚」，個意境深遠好多；至於形容紅葉，不妨引用「霜葉紅於二月花」，唔使吓吓得個靚字吖嘛。
局長睇書咁快，推薦多本書畀佢先得。既然佢咁鍾意去旅行同閱讀，詹宏志寫嘅《旅行與讀書》，啱晒佢喇！詹宏志係PChome Online出版集團同城邦文化創辦人，每月睇50本書，多過局長少少咁。佢讀萬卷書、行萬里路，呢本個人化嘅旅行筆記，佈局好似推理小說咁引人入勝，又同多部旅行文學經典互相呼應，大受台灣人歡迎。更令人無限感慨嘅係，作者妻子王宣一經已離世，書裏面每一場旅行，「都有她低調而堅定的身影陪伴。」回憶旅行，像回憶愛妻，作者嘅情深，令人動容。
《給孩子的詩詞》葉嘉瑩
《旅行與讀書》詹宏志
行政長官具有超然於行政、立法、司法三個機關之上的特殊法律地位。”
究竟要食齊幾多種重金屬，先好似曉明大哥咁腦殘，喺廿一世紀幻想領袖地位係超然嘅呢？2014年全球百大最有影響力嘅思想領袖Moises Naim寫咗《微權力》一書，大膽論證「權力正在衰退」，又引述中國專家裴敏欣教授的話，指「政治局委員現今也公開談論過去的黃金歲月，羨慕中國共產黨過去的領導階層毋須因為部落客、駭客、跨國罪犯、素行不良的省級領導或每年達十八萬人的公開示威人士而感到困擾。」領導地位減弱，咁權力去咗邊？作者認為將會分散成「微權力」，由叛亂分子、邊緣政黨、新創公司、駭客團體及年輕群眾等人攪動既有嘅秩序，「這些人未必討喜，但都削弱了軍警、傳統電視台、傳統政黨反大型銀行的權力。」咦？我好似見到曙光。
張曉明
《微權力》（The End of Power）MoisesNaim
“You know this mom is not actually my biological mom?（你知道這位母親並非我的親生母親嗎？）”
天理何在，2015高登女神榜，齊昕居然20名不入？暫時得佢有能力激死689，令大家不至絕望，應該獲得更多關愛，尤其係佢成日疑似自殘。香港要贏，齊昕要書——一本撫慰心靈嘅好書。暢銷小說《無聲告白》描寫一個乖乖女失蹤數日後，被發現沉屍湖中。表面上佢順從父母，受盡寵愛，但過世後隱情才逐漸浮現。這本懸疑小說，描述了一個家庭成員為了和諧而隱藏自己，直到再也無法承受愛與死亡的重量。作者說：「本書的核心不外乎，父母在不自覺的情況下，加諸於自己孩子的壓力與期望，以及孩子又是如何下意識地覺得有必要貼近父母的期許，或是迫切想要脫離父母等，而這些事情又是如何拉扯着彼此。」唔知齊昕同香港嘅小朋友，會唔會感懷身世？
梁齊昕
《無聲告白》伍綺詩
撰文：龍叔叔、小燕妹妹
攝影：林栢鈞
編輯：陳國棟
美術：孔文彬
21:35 27/12/2015
【專題籽：節日之後】
來到年尾，過完開心熱鬧嘅聖誕節，呢個周末大家不妨留喺屋企，睇書煲碟hea吓嚟休養生息，叉足電再上路，準備迎接2016年嘅新挑戰！雖然港人今年繼續俾班高官玩弄於股掌之間，不過各式千奇百怪嘅金句，幾有潛力玩二次創作。為免呢班政棍嘅笑料被掏空，龍叔叔同小燕妹妹揀咗啲靚碟同好書，畀佢哋充實吓創意同演技，希望廣大市民吹你哋唔脹之餘，來年仲繼續有啖笑吓。
特首必睇《選戰》 跟智叔學親民
“土地問題。”
689話長者服務不足係土地問題、六四又係土地問題，連鄭中基都深表認同，話多啲土地就會中六合彩。特首有先見之明，可惜無解決之法，龍叔叔就推介佢睇今年嘅災難片王《加州大地震》，戲入面幾乎震到成個加州散晒，土地問題嚴重過你多多聲。仲要學吓戲入面嘅主角咁，有番啲承擔，救人於水深火熱之中，唔要求你練到Douglas Johnson咁大隻兼識揸車揸快艇揸直升機，周身刀張張利，仲要老婆阿女成家人開開心心，求其剃光咗個頭就當你交到戲喇。
梁振英
《加州大地震》3D藍光影碟 約$230
《選戰》藍光影碟（一盒四碟） 約$580
“拉布都冇用，最後咪又通過。”
嘩，厚顏如此，要求689有政治智慧真係好高難度，但連丁點戲都懶得交，就真係枉費納稅人出糧畀你囉。真心推介港視套《選戰》畀佢，宋漫山不擇手段誓做特首嘅功架應該唔使學，要學嘅係智叔嘅演技，唔好一臉闊佬懶理嘅態度好喎。《選戰》首季共15集，講出政治黑暗嘅一面，智叔人前正義親民，人後陰濕躁狂，正到爆。票箱版box set早已斷貨，$580嘅普通版都唔算貴，希望套《導火新聞線》電影版搵到大錢，順勢拍埋《選戰》第二季或電影版就好喇。
“我睇實質論英雄㗎啫，你同我考12個A我睇囉。
照估計，叻哥懶理有冇12個A，最緊要賺到十幾億人個market，可能忙得滯，冇時間留意《蟻俠》句宣傳口號「英雄無分大小，呢啲就真係警世明言喇，12個A先係英雄，咁Tony Stark同Peter Parker使唔使考過試？做開小男人同鹹蟲角色，真係要睇多啲英雄片嚟提升使命感，咪做死一世「交通燈」先得㗎。湯告魯斯扮特工扮到第五集，喺《職業特工隊：叛逆帝國》依然有型有款，揸住寶馬M3窄巷甩尾大戰電單車黨，相當精采，動作場面都花過心思，輕輕鬆鬆娛樂120分鐘，OK啦。
陳百祥
《職業特工隊：叛逆帝國》3D藍光影碟 約$230
“聽精神病病人講得太多嘢，聽聽吓，自己都黐線埋。”
上星期立法會辯論緊網絡23條嗰陣，蔣議員嘅「黐線論」比高鐵超支二百個億更加震驚13億人。可能平日佢真係俾好多精神病人圍繞住，先會歇斯底里爆咗句心底話出嚟。輕鬆啲啦蔣議員，不如龍叔叔介紹番套《玩轉腦朋友》畀你吖。卡通片色彩繽紛又得意，當係洗滌吓個躁底心靈囉。最緊要同小朋友一樣，了解吓人腦同情緒嘅運作，學吓壓抑自己嘅負面情緒，個腦入面咪淨係得番乜都唔like嘅阿憎同頹到爆嘅阿愁先得㗎。
蔣麗芸
《玩轉腦朋友》3D藍光影碟 約$230
吳克儉
吳克儉
日本「好靚好靚」 局長用字由淺入深
“東京有兩個公園好靚㗎，呢個時候去都好靚㗎，嗰晚我去呢，個湖邊好靚，夜晚睇星好靚，啲紅葉影咗啲燈好唔同，好值得去。”
堂堂一個教育局局長，缺席TSA檢討會外遊，已經夠出人意表。更離奇嘅係佢豐富嘅詞彙，講到日本風景，得個靚字，我睇唔透月讀30本書嘅佢，點解要隱藏實力。正所謂「熟讀唐詩三百首，不會吟詩也會偷」，局長如果係真係詞彙貧乏，唔好怕醜，睇吓葉嘉瑩本《給孩子的詩詞》啦！葉嘉瑩係古典詩詞界嘅泰山北斗，書入面嘅詩詞，係佢特登為中文程度較低嘅人選取嘅，首首都係經典中嘅經典。呢本書設計簡約優美，只有寥寥幾句作者生平，作品冇註解，好適合背誦，平靜心境。局長熟讀之後，再去日本，就可以試吓拋書包，例如以「別有天地非人間」，取代「公園好靚」，個意境深遠好多；至於形容紅葉，不妨引用「霜葉紅於二月花」，唔使吓吓得個靚字吖嘛。
局長睇書咁快，推薦多本書畀佢先得。既然佢咁鍾意去旅行同閱讀，詹宏志寫嘅《旅行與讀書》，啱晒佢喇！詹宏志係PChome Online出版集團同城邦文化創辦人，每月睇50本書，多過局長少少咁。佢讀萬卷書、行萬里路，呢本個人化嘅旅行筆記，佈局好似推理小說咁引人入勝，又同多部旅行文學經典互相呼應，大受台灣人歡迎。更令人無限感慨嘅係，作者妻子王宣一經已離世，書裏面每一場旅行，「都有她低調而堅定的身影陪伴。」回憶旅行，像回憶愛妻，作者嘅情深，令人動容。
《給孩子的詩詞》葉嘉瑩
《旅行與讀書》詹宏志
行政長官具有超然於行政、立法、司法三個機關之上的特殊法律地位。”
究竟要食齊幾多種重金屬，先好似曉明大哥咁腦殘，喺廿一世紀幻想領袖地位係超然嘅呢？2014年全球百大最有影響力嘅思想領袖Moises Naim寫咗《微權力》一書，大膽論證「權力正在衰退」，又引述中國專家裴敏欣教授的話，指「政治局委員現今也公開談論過去的黃金歲月，羨慕中國共產黨過去的領導階層毋須因為部落客、駭客、跨國罪犯、素行不良的省級領導或每年達十八萬人的公開示威人士而感到困擾。」領導地位減弱，咁權力去咗邊？作者認為將會分散成「微權力」，由叛亂分子、邊緣政黨、新創公司、駭客團體及年輕群眾等人攪動既有嘅秩序，「這些人未必討喜，但都削弱了軍警、傳統電視台、傳統政黨反大型銀行的權力。」咦？我好似見到曙光。
張曉明
《微權力》（The End of Power）MoisesNaim
“You know this mom is not actually my biological mom?（你知道這位母親並非我的親生母親嗎？）”
天理何在，2015高登女神榜，齊昕居然20名不入？暫時得佢有能力激死689，令大家不至絕望，應該獲得更多關愛，尤其係佢成日疑似自殘。香港要贏，齊昕要書——一本撫慰心靈嘅好書。暢銷小說《無聲告白》描寫一個乖乖女失蹤數日後，被發現沉屍湖中。表面上佢順從父母，受盡寵愛，但過世後隱情才逐漸浮現。這本懸疑小說，描述了一個家庭成員為了和諧而隱藏自己，直到再也無法承受愛與死亡的重量。作者說：「本書的核心不外乎，父母在不自覺的情況下，加諸於自己孩子的壓力與期望，以及孩子又是如何下意識地覺得有必要貼近父母的期許，或是迫切想要脫離父母等，而這些事情又是如何拉扯着彼此。」唔知齊昕同香港嘅小朋友，會唔會感懷身世？
梁齊昕
《無聲告白》伍綺詩
撰文：龍叔叔、小燕妹妹
攝影：林栢鈞
編輯：陳國棟
美術：孔文彬
留言
張貼留言