20171120-馬傑偉：你從哪裏來
馬傑偉：你從哪裏來
2017年11月20日
李飛教仔，和顏悅色。你從哪裏來？你是誰？你往哪裏去？我一聽，馬上想起八十年代的福音佈道會。嗰陣基督教好興用呢套logic：你從哪裏來呢？係上帝創造咗你，但你離棄咗上帝。你是誰？答案係「我是罪人」。你是按照神的形象而造的。You have a piece of God in you。你是神的兒女，只不過你迷失了，忘記自己的身分。你往哪裏去？若你接受耶穌成為你的救主，神在天家會為你預備地方。若你心裏剛硬得像花崗岩，不肯接受上帝的權柄，就不得永生，反遭滅亡。
當年真係經常聽到這個福音，演唱會大球場的架勢，著名牧師主講，你坐在台下，又唱聖詩又祈禱，而且台上主禮的執事長老，不會像李飛那樣平靜陰柔，個個激動宣揚福音，唱詩七情上面，呼籲罪人認罪悔改，陳詞懇切。不過，香港沒有聖詩法，就算唱「祢真偉大」嘅時候沒有肅立，都唔使坐監。話分兩頭，不要投訴李飛洗腦，香港基督教學校甚多，老師向學生傳福音，日哦夜哦，你如果唔肯認耶穌做大佬，基督徒人釘人mark實你，都好頭痕。
李飛講愛國，唔係傳福音。香港人從哪裏來？當然係從祖國嘅懷抱孕育出來。香港人是誰？當然是殖民地長大的民族孤兒，自己都唔知係神聖祖國嘅子民。往哪裏去呢？當然要浪子回頭，悟今是而昨非，承認政權就是主權，共享美好明天。
馬傑偉
2017年11月20日
李飛教仔，和顏悅色。你從哪裏來？你是誰？你往哪裏去？我一聽，馬上想起八十年代的福音佈道會。嗰陣基督教好興用呢套logic：你從哪裏來呢？係上帝創造咗你，但你離棄咗上帝。你是誰？答案係「我是罪人」。你是按照神的形象而造的。You have a piece of God in you。你是神的兒女，只不過你迷失了，忘記自己的身分。你往哪裏去？若你接受耶穌成為你的救主，神在天家會為你預備地方。若你心裏剛硬得像花崗岩，不肯接受上帝的權柄，就不得永生，反遭滅亡。
當年真係經常聽到這個福音，演唱會大球場的架勢，著名牧師主講，你坐在台下，又唱聖詩又祈禱，而且台上主禮的執事長老，不會像李飛那樣平靜陰柔，個個激動宣揚福音，唱詩七情上面，呼籲罪人認罪悔改，陳詞懇切。不過，香港沒有聖詩法，就算唱「祢真偉大」嘅時候沒有肅立，都唔使坐監。話分兩頭，不要投訴李飛洗腦，香港基督教學校甚多，老師向學生傳福音，日哦夜哦，你如果唔肯認耶穌做大佬，基督徒人釘人mark實你，都好頭痕。
李飛講愛國，唔係傳福音。香港人從哪裏來？當然係從祖國嘅懷抱孕育出來。香港人是誰？當然是殖民地長大的民族孤兒，自己都唔知係神聖祖國嘅子民。往哪裏去呢？當然要浪子回頭，悟今是而昨非，承認政權就是主權，共享美好明天。
馬傑偉
留言
張貼留言