20180521-月巴氏：重看《回魂夜》我哋究竟驚乜Q？
月巴氏：重看《回魂夜》我哋究竟驚乜Q？
20180821
壹週刊
「七孔流血」和「死」的確是兩個概念，但我們總是約定俗成地連結成一個因果關係。
《回魂夜》1995年，劉鎮偉執導
我超級鍾意睇鬼片。
人生中第一齣入場睇的鬼片，就是被譽為港產鬼片Final Boss的《凶榜》。當時我只是讀緊小學一年級，可想而知，在場內睇住秦祥林被猛鬼紅衫仔纏上的我，是勁驚的，是驚到（意識上）瀨屎的。
已成為大叔的我依然超級鍾意睇鬼片，我享受被嚇的滋味，但一散場，離開戲院回到Real World，我就不信有鬼——或者咁講，就算有，我都唔驚。
（信鬼兼怕鬼的）你可能會質疑：超～你都未見過，未見過你點知自己唔驚？
我會咁答：超～咁你見過啦咩？點解你明明未見過都照驚？
Yes，塵世間絕大部份人明明都沒有撞鬼經驗（有唔少人聲稱有撞鬼經驗，偏偏我們無法驗證他的經歷是否屬實），點解大部份人一講起鬼就立即戒慎恐懼？一到農曆七月就當堂唔敢去夜街？即使去夜街都唔敢拍埋牆行？
講到尾，我哋究竟驚乜Q？若把這問題用懶係學術一點的方式表述，即是：「恐懼」究竟是什麼一回事啊？
不妨參考《回魂夜》。
勇者無懼地拎出一篤屎，放在掌心，大聲問學員們：邊個敢掂？使唔使搞到玩屎咁嗱喳吖？
我哋究竟驚乜Q？若把這問題用懶係學術一點的方式表述，即是：「恐懼」究竟是什麼一回事啊？
捉鬼課程第一堂，Leon未入正題教授捉鬼方法，卻先花唇舌解釋「恐懼」之定義——他勇者無懼地拎出一篤屎，放在掌心，大聲問學員們：邊個敢掂？
其中一個向來睇唔起Leon的學員質疑，話使唔使搞到玩屎咁嗱喳吖？這時候，Leon講了一段堪稱香港電影史上最具哲學意味的對白：「你咁講係因為你懶係受過高等教育，出入又懶係上流社會，係你嘅懶係學識認為屎就係無聊同埋污穢嘅，就等於你老母或者大姨媽由細到大話畀你聽鬼就係恐怖嘅一樣，所以就算篤屎唔臭你都一樣睇佢唔起，鬼唔埋嚟咬你你都一樣會驚！」
屎是否無聊污穢？暫且按下不表，畢竟我們天生就識得屙屎，都見過聞過（甚至不排除執過）屎，對屎，有真實的認知。
鬼呢？我們最初對鬼的（所謂）認知，應該離唔開老母或姨媽姑姐等大人們的所知，至於嗰啲乜鬼十個鬼節禁忌，亦不排除來自老母或姨媽姑姐呢班大人的叮嚀……
但呢班大人見過鬼咩？如無意外，冇。咁佢哋點解可以講到咁言之鑿鑿鬼影幢幢？因為你老母同姨媽姑姐都係聽佢老母同埋姨媽姑姐講囉。
「鬼 = 恐怖」這觀念，經歷無數（不負責任的）口耳相傳，便在你個腦產生、滋長、成形、鞏固，從此擺脫唔到。
保安大隊長盧Sir爆石期間即使驚見有隻手從屎塔伸出來，他一樣保持鎮靜照屙如儀鐵膽一開水喉洗面，即使驚見噴出來的是血他一樣可以高歌「成盆係血當佢無事」，邊唱邊洗面……
周身馳和莫文蔚那身擺明Copy自《這個殺手不太冷》的造型
怎樣才可以克服對鬼的恐懼？Leon說：「如果我哋能夠反轉呢個觀念咁就得嘞。」所以，在李生李太回魂之夜，保安大隊長盧Sir爆石期間即使驚見有隻手從屎塔伸出來，他一樣保持鎮靜照屙如儀（只是一時大意忘記了抆屎而已）；鐵膽一開水喉洗面，即使驚見噴出來的是血，他一樣可以高歌「成盆係血當佢無事」，邊唱邊洗面……
「揸緊個信念，鬼都奈我哋唔何。」盧Sir和鐵膽便是成功示範。
當年入場睇《回魂夜》，只覺怪，怪在唔識幫齣戲分類（這又是另一個約定俗成的觀念，一定要幫電影分門別類）：說是笑片？又唔太好笑；當成鬼片？又唔算好驚……加上周身馳和莫文蔚那身擺明Copy自《這個殺手不太冷》（但又不必要）的造型，以及竟然連個半鐘都冇的片長，散場嗰刻，超級不是味兒……到後來出了碟，不斷翻睇，才愈覺好睇，好睇在劉鎮偉的劇本不斷拎各種約定俗成的「觀念」來玩：Leon明明被已變成鬼的李生搞到七孔流血，但竟然唔死得，仲行得走得，連鐵膽都搲晒頭，Leon只說：「七孔流血還七孔流血，死還死，兩回事嚟㗎，你千祈唔好混淆。」「七孔流血」和「死」的確是兩個概念，但我們總是約定俗成地連結成一個因果關係。
返本歸初，Leon點解要住精神病院？「因為我咩嘢都唔驚，所以啲人以為我黐線。」Yes，自命正常的人總是堅持，人生在世，點都會有恐懼的事或物，假如有條友咁把炮聲稱自己乜都唔淆，他不是講大話，就肯定有精神病。
鬼是否真的會回魂？又是否真的會趁農曆七月上陽間開Party？我唔知，我只知有啲人，間唔中就會閃出來，落力地為陽間提供各種製造恐懼的材料——所以，要多謝689，如果冇佢，我真的不知道陳浩天在FCC有演講。
如果真係要驚，我驚人多過驚鬼囉。
月巴氏
敬愛林振強。看了過百次《東邪西毒》和《一蚊雞保鑣》。沙田友。
壹週刊
20180821
壹週刊
「七孔流血」和「死」的確是兩個概念，但我們總是約定俗成地連結成一個因果關係。
《回魂夜》1995年，劉鎮偉執導
我超級鍾意睇鬼片。
人生中第一齣入場睇的鬼片，就是被譽為港產鬼片Final Boss的《凶榜》。當時我只是讀緊小學一年級，可想而知，在場內睇住秦祥林被猛鬼紅衫仔纏上的我，是勁驚的，是驚到（意識上）瀨屎的。
已成為大叔的我依然超級鍾意睇鬼片，我享受被嚇的滋味，但一散場，離開戲院回到Real World，我就不信有鬼——或者咁講，就算有，我都唔驚。
（信鬼兼怕鬼的）你可能會質疑：超～你都未見過，未見過你點知自己唔驚？
我會咁答：超～咁你見過啦咩？點解你明明未見過都照驚？
Yes，塵世間絕大部份人明明都沒有撞鬼經驗（有唔少人聲稱有撞鬼經驗，偏偏我們無法驗證他的經歷是否屬實），點解大部份人一講起鬼就立即戒慎恐懼？一到農曆七月就當堂唔敢去夜街？即使去夜街都唔敢拍埋牆行？
講到尾，我哋究竟驚乜Q？若把這問題用懶係學術一點的方式表述，即是：「恐懼」究竟是什麼一回事啊？
不妨參考《回魂夜》。
勇者無懼地拎出一篤屎，放在掌心，大聲問學員們：邊個敢掂？使唔使搞到玩屎咁嗱喳吖？
我哋究竟驚乜Q？若把這問題用懶係學術一點的方式表述，即是：「恐懼」究竟是什麼一回事啊？
捉鬼課程第一堂，Leon未入正題教授捉鬼方法，卻先花唇舌解釋「恐懼」之定義——他勇者無懼地拎出一篤屎，放在掌心，大聲問學員們：邊個敢掂？
其中一個向來睇唔起Leon的學員質疑，話使唔使搞到玩屎咁嗱喳吖？這時候，Leon講了一段堪稱香港電影史上最具哲學意味的對白：「你咁講係因為你懶係受過高等教育，出入又懶係上流社會，係你嘅懶係學識認為屎就係無聊同埋污穢嘅，就等於你老母或者大姨媽由細到大話畀你聽鬼就係恐怖嘅一樣，所以就算篤屎唔臭你都一樣睇佢唔起，鬼唔埋嚟咬你你都一樣會驚！」
屎是否無聊污穢？暫且按下不表，畢竟我們天生就識得屙屎，都見過聞過（甚至不排除執過）屎，對屎，有真實的認知。
鬼呢？我們最初對鬼的（所謂）認知，應該離唔開老母或姨媽姑姐等大人們的所知，至於嗰啲乜鬼十個鬼節禁忌，亦不排除來自老母或姨媽姑姐呢班大人的叮嚀……
但呢班大人見過鬼咩？如無意外，冇。咁佢哋點解可以講到咁言之鑿鑿鬼影幢幢？因為你老母同姨媽姑姐都係聽佢老母同埋姨媽姑姐講囉。
「鬼 = 恐怖」這觀念，經歷無數（不負責任的）口耳相傳，便在你個腦產生、滋長、成形、鞏固，從此擺脫唔到。
保安大隊長盧Sir爆石期間即使驚見有隻手從屎塔伸出來，他一樣保持鎮靜照屙如儀鐵膽一開水喉洗面，即使驚見噴出來的是血他一樣可以高歌「成盆係血當佢無事」，邊唱邊洗面……
周身馳和莫文蔚那身擺明Copy自《這個殺手不太冷》的造型
怎樣才可以克服對鬼的恐懼？Leon說：「如果我哋能夠反轉呢個觀念咁就得嘞。」所以，在李生李太回魂之夜，保安大隊長盧Sir爆石期間即使驚見有隻手從屎塔伸出來，他一樣保持鎮靜照屙如儀（只是一時大意忘記了抆屎而已）；鐵膽一開水喉洗面，即使驚見噴出來的是血，他一樣可以高歌「成盆係血當佢無事」，邊唱邊洗面……
「揸緊個信念，鬼都奈我哋唔何。」盧Sir和鐵膽便是成功示範。
當年入場睇《回魂夜》，只覺怪，怪在唔識幫齣戲分類（這又是另一個約定俗成的觀念，一定要幫電影分門別類）：說是笑片？又唔太好笑；當成鬼片？又唔算好驚……加上周身馳和莫文蔚那身擺明Copy自《這個殺手不太冷》（但又不必要）的造型，以及竟然連個半鐘都冇的片長，散場嗰刻，超級不是味兒……到後來出了碟，不斷翻睇，才愈覺好睇，好睇在劉鎮偉的劇本不斷拎各種約定俗成的「觀念」來玩：Leon明明被已變成鬼的李生搞到七孔流血，但竟然唔死得，仲行得走得，連鐵膽都搲晒頭，Leon只說：「七孔流血還七孔流血，死還死，兩回事嚟㗎，你千祈唔好混淆。」「七孔流血」和「死」的確是兩個概念，但我們總是約定俗成地連結成一個因果關係。
返本歸初，Leon點解要住精神病院？「因為我咩嘢都唔驚，所以啲人以為我黐線。」Yes，自命正常的人總是堅持，人生在世，點都會有恐懼的事或物，假如有條友咁把炮聲稱自己乜都唔淆，他不是講大話，就肯定有精神病。
鬼是否真的會回魂？又是否真的會趁農曆七月上陽間開Party？我唔知，我只知有啲人，間唔中就會閃出來，落力地為陽間提供各種製造恐懼的材料——所以，要多謝689，如果冇佢，我真的不知道陳浩天在FCC有演講。
如果真係要驚，我驚人多過驚鬼囉。
月巴氏
敬愛林振強。看了過百次《東邪西毒》和《一蚊雞保鑣》。沙田友。
壹週刊
留言
張貼留言