20170413-眾聞：《香港製造》隱喻九七，導演陳果20年前徬徨，早料港人不能為所欲為
眾聞：《香港製造》隱喻九七，導演陳果20年前徬徨，早料港人不能為所欲為
撰文: 記者盧曼思 | 發佈日期: 13.04.17 | 最後更新: | 2017-04-13 12:41:45
https://www.hkcnews.com/article/3312/%E9%99%B3%E6%9E%9C-%E9%A6%99%E6%B8%AF%E8%A3%BD%E9%80%A0-%E9%A6%99%E6%B8%AF%E5%9C%8B%E9%9A%9B%E9%9B%BB%E5%BD%B1%E7%AF%80-3313/%E3%80%8A%E9%A6%99%E6%B8%AF%E8%A3%BD%E9%80%A0%E3%80%8B%E9%9A%B1%E5%96%BB%E4%B9%9D%E4%B8%83-%E5%B0%8E%E6%BC%94%E9%99%B3%E6%9E%9C20%E5%B9%B4%E5%89%8D%E5%BE%AC%E5%BE%A8-%E6%97%A9%E6%96%99%E6%B8%AF%E4%BA%BA%E4%B8%8D%E8%83%BD%E7%82%BA%E6%89%80%E6%AC%B2%E7%82%BA
今屆香港電影金像獎有多位年輕新晉導演獲獎，陳果20年前拍攝成名作《香港製造》時只有37歲，《香港製造》放映後為他帶來無數香港及國際獎項殊榮。《香港製造》在1997年回歸前夕放映，隱喻對九七後香港的擔憂，結尾由一把高音尖女聲字正腔圓朗讀：「『世界是你們的，也是我們的，但是歸根結底是你們的。你們青年人朝氣蓬勃，正在興旺時期，好像早晨八九點鐘的太陽。希望寄托在你們身上。』你現在收聽嘅係香港人民廣播電台，以上播送嘅係毛澤東同志對年青代表的談話，現在讓我們用普通話來學習......」鏡頭對準掛在樹上的一隻斷線風箏。
陳果接受訪問時說：「你知道那把女聲是誰？是黃家駒的家姐，她當時在廣州工作，我特地叫她幫我用廣州腔讀出。」陳果鏡頭下的「香港人民廣播電台」，難道在內地出生、香港成長的陳果，20年前具有預視將來的超能力，早就能對2017年的香港作出諷刺？
陳果在內地出生，小時熟讀《毛語錄》，辦公室掛有一張毛澤東油畫。何君健攝
當下人人講本土，《香港製造》是以本土為題材的經典港產片，講述男主角李燦森飾演的古惑仔屠中秋，在公屋長大、讀書不成、被父母拋棄、身邊好友先後死去，電影說故事的方式，穿插了屠中秋的個人反思，當中隱喻香港人對九七後的擔憂。電影出現大量香港人熟悉的公屋場景，陳果記得：「我去過瀝源、蝴蝶、禾輋、蘇屋......我好似拍了5、6個屋邨，我都係住公屋長大，又平又正。」
公屋仔屠中秋，在片頭及片尾的自述，在電影中特別有意思：
片頭場景：公屋籃球場
「我叫中秋，我讀唔到中三已經畢咗業，原因係一半成績屎，點讀都讀唔嚟，而另一半係香港教育制度仲屎，你想讀都無得你讀。其實好似我呢類人，通街都係。」
片尾場景：墳場，屠中秋和他的朋友死亡
「我哋而家好開心，因為要面對一個未知數嘅世界，我哋已經得到免疫。」
陳果多次說，《香港製造》是一部講九七的電影，「當時沒有一部講九七的戲，有文化人睇完，本地的、大陸的、外國的，覺得部戲好勁，帶出了力量，將年輕人的徬徨躁動寫了出來。」
說到《香港製造》隱喻九七的劇情，很多人都想起結尾毛澤東的話，「毛澤東那句話本身唔係負面，係鼓勵年輕人，但出來嘅效果係咪咁呢，或者今日睇番係咪咁呢，就係解讀問題，你話反諷都得，你自己介定。」
《香港製造》20年來一直入不到內地放映，「最近我問過大陸的朋友，我話，部戲可否試吓申請審批，20年都過了，但朋友就話，聽講你反九七、對九七睇得好負面。我並無反九七，但我承認，當年我係徬徨嘅一群，我同好多香港人一樣，都唔知九七後會點。但《香港製造》並無強烈立場，只係將當時我見到嘅好多家庭和社會變化講出來。」陳果說，可能最後會放棄為電影申請大陸審批，「佢哋意識形態未必鍾意呢種講故仔方法，我知道唔得嘅機會大，雖然大陸社會開放，但政治係一潭死水，很難改變。」
在大陸出生、熟讀《毛語錄》的陳果，20年前拍《香港製造》時，早已預料到九七後，香港人不能為所欲為。
《香港製造》是本土獨立電影經典作品，也是李燦森的成名作。意大利烏甸尼電影節提供
《香港製造》片中穿插一些大陸人角色，例如屠中秋要槍殺的兩個講普通話大陸商人、屠中秋父親的二奶是大陸女人，陳果當時是否對大陸人已有忌諱？「我對大陸人無嘢，當時個社會係咁，兩個社會在文化上有衝突，永恒都有。當時我有很多朋友在大陸做生意，有成功有失敗，在電影我們會寫這些關係。文化衝突唔係今日先發生，五、六十年代，大陸戰火連天，難民走來香港的時候，和當時的本地香港人在文化上都有唔同。」今天在灰暗暗的維港上空下，再看《香港製造》，覺得電影有一種前瞻性，陳果說，拍攝時只是帶出當時社會實況，當然20年後今天再看，某些人的感受可能特別深，他尤其想知道90後年輕人對電影的看法。
「我當時的感受和現在一樣，沒有改變，拍戲時有無奈，但我係現實派，會拍反映當下的電影。當時我覺得香港好難落定論，究竟一國兩制的兩制有幾闊？可以行到幾遠？我到現在也不知道。」
陳果說，《香港製造》的屠中秋故事是殘酷青春，以當年古惑仔文化作為主題，講一個「有反省、有掙扎、有跌盪」的典型香港青年故事，「我諗一萬個古惑仔入面，未必有一個識反省，有古惑仔睇完同我講：『你部戲好有深度啊，好似教緊我哋做人咁啊。」
記者問陳果，20年後的今日，若他要再拍一部講年輕人的電影，他有什麼想法。現在年輕人關心政治，或者2014年的佔領運動，可會是一個拍攝題材？
陳果先打趣說：「我無諗過再拍殘酷青春片，香港都無劈友啦，如果劈友之餘另一方面又關心政治，咁又唔同啊，要睇吓點寫，但好容易被人話抽水，咁會好大鑊。」
在陳果眼中，佔中並非很戲劇性的事件：「示威係年輕人必有活動，全世界都有，年輕人對社會有不滿，唔係新鮮事，呢個世界永恆要年輕人出來搞事撐場，以前嗰代人都搞過一啲，但搞完咪又食蕉。」
「不嬲香港人都係政治冷感，廿年前我哋唔會做，今日年輕人會，係因為出路問題，還有很多原因。但佔中只係年輕人浪漫主義記憶，改變唔到乜嘢。嗰年我唔係香港，我係外地拍戲，但我知道必然無乜結果，一個政府唔會咁容易妥協。加上香港人係全世界好特殊嘅品種，記憶力非常衰弱，香港係消費嘅地方，佔中爭取唔到乜嘢，件事好快過去，唔會死撐，因為要搵食、要工作、要生存。」
「不過，每一代年輕人都肩負一個非常重要角色，就算駡他們一代不如一代也好，實在要有聲音出來，否則不叫年輕。年輕是樹立一種身分，敢作敢為，青春大把嘢可以消耗，就好似毛澤東咁講啦。」
「而且我覺得，新一代思考算係有進步，係社會環境迫出來。」
陳果兩年前將小說《那夜凌晨，我坐上了旺角開往大埔的紅VAN》拍成電影，也有對社會的隱瞞。網上圖片
說到政治大環境，陳果說：「你話一國兩制，香港就係其中一制，示威都唔俾？唔得吖嘛，咁你搞一制算啦，一制就無呢啲，一制算啦，唔好煩啦。」
而家香港嘅環境，政府領導後知後覺，係好大問題，太顧保皇。例如水貨問題，發生咗好多年，愈來愈離譜，但政府從來沒處理，係政府沒能，令人反感。你問我支持邊個特首？呢個遊戲唔係你玩，我對新特首沒期望，所有政府都後知後覺，你同佢講有乜用，有事發生先做，無啦，唉，盞攞嚟搞。香港人玩政治唔夠班，只能騎牆、聽話，唔可能有自己思考能力，邊個做都死。當年我拍《香港製造》無政治壓力，壓力只係錢、或者菲林唔夠。今日要拍的話，我估係有政治壓力，你睇《十年》。
「現在社會撕裂了，以前你有你講，而家大家歸邊，立場鮮明咗，反而難做咗，以前都無話左、右之分。」娛樂圈人要入大陸搵食，陳果都要搵食，但他對社會、對時事的看法，比起其他圈中人算講得多。早前一班演藝界人士表態撐七警，陳果沒有直接評論事件，只說：「他們不代表全部人，只代表一部分，唔出來嘅人，唔代表無立場。」
陳果沒參與近年的社會運動，回歸20周年將近，他回望當日拍攝《香港製造》時自己那個37歲的身影，如今57歲的他依然覺得，要面對一個未知數嘅世界，很多事情都難以改變，卻得不到免疫。
撰文: 記者盧曼思
撰文: 記者盧曼思 | 發佈日期: 13.04.17 | 最後更新: | 2017-04-13 12:41:45
https://www.hkcnews.com/article/3312/%E9%99%B3%E6%9E%9C-%E9%A6%99%E6%B8%AF%E8%A3%BD%E9%80%A0-%E9%A6%99%E6%B8%AF%E5%9C%8B%E9%9A%9B%E9%9B%BB%E5%BD%B1%E7%AF%80-3313/%E3%80%8A%E9%A6%99%E6%B8%AF%E8%A3%BD%E9%80%A0%E3%80%8B%E9%9A%B1%E5%96%BB%E4%B9%9D%E4%B8%83-%E5%B0%8E%E6%BC%94%E9%99%B3%E6%9E%9C20%E5%B9%B4%E5%89%8D%E5%BE%AC%E5%BE%A8-%E6%97%A9%E6%96%99%E6%B8%AF%E4%BA%BA%E4%B8%8D%E8%83%BD%E7%82%BA%E6%89%80%E6%AC%B2%E7%82%BA
今屆香港電影金像獎有多位年輕新晉導演獲獎，陳果20年前拍攝成名作《香港製造》時只有37歲，《香港製造》放映後為他帶來無數香港及國際獎項殊榮。《香港製造》在1997年回歸前夕放映，隱喻對九七後香港的擔憂，結尾由一把高音尖女聲字正腔圓朗讀：「『世界是你們的，也是我們的，但是歸根結底是你們的。你們青年人朝氣蓬勃，正在興旺時期，好像早晨八九點鐘的太陽。希望寄托在你們身上。』你現在收聽嘅係香港人民廣播電台，以上播送嘅係毛澤東同志對年青代表的談話，現在讓我們用普通話來學習......」鏡頭對準掛在樹上的一隻斷線風箏。
陳果接受訪問時說：「你知道那把女聲是誰？是黃家駒的家姐，她當時在廣州工作，我特地叫她幫我用廣州腔讀出。」陳果鏡頭下的「香港人民廣播電台」，難道在內地出生、香港成長的陳果，20年前具有預視將來的超能力，早就能對2017年的香港作出諷刺？
陳果在內地出生，小時熟讀《毛語錄》，辦公室掛有一張毛澤東油畫。何君健攝
當下人人講本土，《香港製造》是以本土為題材的經典港產片，講述男主角李燦森飾演的古惑仔屠中秋，在公屋長大、讀書不成、被父母拋棄、身邊好友先後死去，電影說故事的方式，穿插了屠中秋的個人反思，當中隱喻香港人對九七後的擔憂。電影出現大量香港人熟悉的公屋場景，陳果記得：「我去過瀝源、蝴蝶、禾輋、蘇屋......我好似拍了5、6個屋邨，我都係住公屋長大，又平又正。」
公屋仔屠中秋，在片頭及片尾的自述，在電影中特別有意思：
片頭場景：公屋籃球場
「我叫中秋，我讀唔到中三已經畢咗業，原因係一半成績屎，點讀都讀唔嚟，而另一半係香港教育制度仲屎，你想讀都無得你讀。其實好似我呢類人，通街都係。」
片尾場景：墳場，屠中秋和他的朋友死亡
「我哋而家好開心，因為要面對一個未知數嘅世界，我哋已經得到免疫。」
陳果多次說，《香港製造》是一部講九七的電影，「當時沒有一部講九七的戲，有文化人睇完，本地的、大陸的、外國的，覺得部戲好勁，帶出了力量，將年輕人的徬徨躁動寫了出來。」
說到《香港製造》隱喻九七的劇情，很多人都想起結尾毛澤東的話，「毛澤東那句話本身唔係負面，係鼓勵年輕人，但出來嘅效果係咪咁呢，或者今日睇番係咪咁呢，就係解讀問題，你話反諷都得，你自己介定。」
《香港製造》20年來一直入不到內地放映，「最近我問過大陸的朋友，我話，部戲可否試吓申請審批，20年都過了，但朋友就話，聽講你反九七、對九七睇得好負面。我並無反九七，但我承認，當年我係徬徨嘅一群，我同好多香港人一樣，都唔知九七後會點。但《香港製造》並無強烈立場，只係將當時我見到嘅好多家庭和社會變化講出來。」陳果說，可能最後會放棄為電影申請大陸審批，「佢哋意識形態未必鍾意呢種講故仔方法，我知道唔得嘅機會大，雖然大陸社會開放，但政治係一潭死水，很難改變。」
在大陸出生、熟讀《毛語錄》的陳果，20年前拍《香港製造》時，早已預料到九七後，香港人不能為所欲為。
《香港製造》是本土獨立電影經典作品，也是李燦森的成名作。意大利烏甸尼電影節提供
《香港製造》片中穿插一些大陸人角色，例如屠中秋要槍殺的兩個講普通話大陸商人、屠中秋父親的二奶是大陸女人，陳果當時是否對大陸人已有忌諱？「我對大陸人無嘢，當時個社會係咁，兩個社會在文化上有衝突，永恒都有。當時我有很多朋友在大陸做生意，有成功有失敗，在電影我們會寫這些關係。文化衝突唔係今日先發生，五、六十年代，大陸戰火連天，難民走來香港的時候，和當時的本地香港人在文化上都有唔同。」今天在灰暗暗的維港上空下，再看《香港製造》，覺得電影有一種前瞻性，陳果說，拍攝時只是帶出當時社會實況，當然20年後今天再看，某些人的感受可能特別深，他尤其想知道90後年輕人對電影的看法。
「我當時的感受和現在一樣，沒有改變，拍戲時有無奈，但我係現實派，會拍反映當下的電影。當時我覺得香港好難落定論，究竟一國兩制的兩制有幾闊？可以行到幾遠？我到現在也不知道。」
陳果說，《香港製造》的屠中秋故事是殘酷青春，以當年古惑仔文化作為主題，講一個「有反省、有掙扎、有跌盪」的典型香港青年故事，「我諗一萬個古惑仔入面，未必有一個識反省，有古惑仔睇完同我講：『你部戲好有深度啊，好似教緊我哋做人咁啊。」
記者問陳果，20年後的今日，若他要再拍一部講年輕人的電影，他有什麼想法。現在年輕人關心政治，或者2014年的佔領運動，可會是一個拍攝題材？
陳果先打趣說：「我無諗過再拍殘酷青春片，香港都無劈友啦，如果劈友之餘另一方面又關心政治，咁又唔同啊，要睇吓點寫，但好容易被人話抽水，咁會好大鑊。」
在陳果眼中，佔中並非很戲劇性的事件：「示威係年輕人必有活動，全世界都有，年輕人對社會有不滿，唔係新鮮事，呢個世界永恆要年輕人出來搞事撐場，以前嗰代人都搞過一啲，但搞完咪又食蕉。」
「不嬲香港人都係政治冷感，廿年前我哋唔會做，今日年輕人會，係因為出路問題，還有很多原因。但佔中只係年輕人浪漫主義記憶，改變唔到乜嘢。嗰年我唔係香港，我係外地拍戲，但我知道必然無乜結果，一個政府唔會咁容易妥協。加上香港人係全世界好特殊嘅品種，記憶力非常衰弱，香港係消費嘅地方，佔中爭取唔到乜嘢，件事好快過去，唔會死撐，因為要搵食、要工作、要生存。」
「不過，每一代年輕人都肩負一個非常重要角色，就算駡他們一代不如一代也好，實在要有聲音出來，否則不叫年輕。年輕是樹立一種身分，敢作敢為，青春大把嘢可以消耗，就好似毛澤東咁講啦。」
「而且我覺得，新一代思考算係有進步，係社會環境迫出來。」
陳果兩年前將小說《那夜凌晨，我坐上了旺角開往大埔的紅VAN》拍成電影，也有對社會的隱瞞。網上圖片
說到政治大環境，陳果說：「你話一國兩制，香港就係其中一制，示威都唔俾？唔得吖嘛，咁你搞一制算啦，一制就無呢啲，一制算啦，唔好煩啦。」
而家香港嘅環境，政府領導後知後覺，係好大問題，太顧保皇。例如水貨問題，發生咗好多年，愈來愈離譜，但政府從來沒處理，係政府沒能，令人反感。你問我支持邊個特首？呢個遊戲唔係你玩，我對新特首沒期望，所有政府都後知後覺，你同佢講有乜用，有事發生先做，無啦，唉，盞攞嚟搞。香港人玩政治唔夠班，只能騎牆、聽話，唔可能有自己思考能力，邊個做都死。當年我拍《香港製造》無政治壓力，壓力只係錢、或者菲林唔夠。今日要拍的話，我估係有政治壓力，你睇《十年》。
「現在社會撕裂了，以前你有你講，而家大家歸邊，立場鮮明咗，反而難做咗，以前都無話左、右之分。」娛樂圈人要入大陸搵食，陳果都要搵食，但他對社會、對時事的看法，比起其他圈中人算講得多。早前一班演藝界人士表態撐七警，陳果沒有直接評論事件，只說：「他們不代表全部人，只代表一部分，唔出來嘅人，唔代表無立場。」
陳果沒參與近年的社會運動，回歸20周年將近，他回望當日拍攝《香港製造》時自己那個37歲的身影，如今57歲的他依然覺得，要面對一個未知數嘅世界，很多事情都難以改變，卻得不到免疫。
撰文: 記者盧曼思
留言
張貼留言