20200127-壹週刊：【失國內生意不介懷】被內地列為滋事分子 匿名電話罵賣國賊 楊天命：香港人唔好認命
壹週刊：【失國內生意不介懷】被內地列為滋事分子，匿名電話罵賣國賊 楊天命：香港人唔好認命
10:19 27/1/2020
農曆新年到，人人例牌關心生肖運程及來年市況，每年之初更可謂是一眾堪輿學家最忙最旺的時間；惟對楊天命而言，今年情況已有所不同。先是新鮮出爐的運程書，懷疑被政見不同的人複製成pdf版在網上免費流傳；後被客人告知「楊天命」一名在內地已被列為滋事分子，提醒他小心說話。
由去年六月開始，楊天命已時常在社交網絡平台上發聲表態，立場明確，現身遊行更是等閒事。「我個袋入面會有口罩、鹽水等等，如果有事發生我會立即幫手。」訪問當天，楊天命明顯疲累，在招牌長髮下更顯憔悴；他直認不諱：「呢段時間邊會瞓得好。」頂著一雙黑眼圈，身心再俱疲，只要一談起警暴，說到這個荒唐政府時，楊天命立馬放下喝著的凍奶茶，眼神一秒變凌厲：「你（政府）用咁嘅手段，香港人係唔會接受！」他，依然是個不好惹的人，火並未因多方打壓而熄滅。
發聲的代價，不是人人願付出，時至今天有人眼盲有人喪命，數之不盡的他與她被清算，但有港人仍以搵錢至上，在催淚煙下若無其事地安逸過活。「好多人話我好勇敢，我又唔覺得自己勇敢，只係應該要做嘅事就做，其實我邊個都唔係，唔好認為明星行出嚟就好大件事，我哋絕對唔係英雄，只係普通人。最重要係其他200萬同路人都走出嚟，佢哋係英雄，保護孩子嘅人都係英雄。」楊天命聳聳肩指，內地生意沒了就沒了，他不介懷；他著緊的只有眼前這座城市，及還未能伸張的正義。
被罵賣國賊
邱騰華多番狠批「黃色經濟圈」，指此舉猶如劃地為牢，但實情中國才是專橫獨裁的表表者，早就極力打造「紅色經濟圈」；順其者昌，看藍絲藝人馬蹄露高調撐警後獲邀北上拍戲做貴妃就知道，逆其者則被嫖娼，或遭抺黑封殺樣樣齊。風水界與娛樂圈差無幾，要北上搵銀，知名度是身價的一部分，噤聲者眾，大家都錫身得很。對比同行，楊天命多年來相對低調，負面新聞甚少，這次卻在內地一下子彈了起來。
「我喺Facebook打咗篇文，有超過一萬個like，立刻有人打嚟騷擾我，叫我收聲，罵我係賣國賊。」那篇文，只是溫和地為抗爭的年青人說句話，希望大家多看各方資訊再分析。「有客話我知喺內地網搜尋，楊天命係被標示咗做滋事分子，所以我真係唔夠膽再返內地。內地客要算命，就專程飛到香港。佢哋都問：『師傅你點解要咁啊（發聲）？』我話無計，個天叫我咁做。」生意事小，關係事大，他較上心的，是跟一班相識多年的朋友政見不合。
「唔好同一班想法不同嘅人見面，因為見面你聽到個啲說話會唔開心，你一係怪佢唔夠精明，被某啲消息蒙蔽，又或係覺得佢未夠有良知，我唔想標籤佢哋，所以索性唔見。」他不否認這是逃避，「點解仲要令自己唔開心？呢個世界已經夠多唔開心。」避還避，楊天命無打定輸數，他對修補關係存有希望，「有可能呢件事喺三、四年後，突然有調查出現，好多事情水落石出，對方看法同方向有變時，先做返朋友。」然而政府卻從不理解，獨立調查的重要性。
誰不冀和平
楊天命再火爆，亦昐望過能和平解決一切，「我對暴力嘅事係絕對唔認同，我本身認為仲有其他辦法。」誰想流血收場？答案是沒有，但最可狠之處是，人善到頭來也只有被人欺；721元朗白衣人無差別襲擊，就有市民跪地求饒，換來被重拳擊倒的下場。
楊天命對此歷歷在目，氣在心頭，「個一幕721，我先知道我係夠膽同白衣人對抗，如果發生喺我樓下，我會立刻落街，我落去唔係救人，係會拎嘢同佢哋打過，個幕真係好離譜。721係引發咁多咁大嘅力量行出嚟，就係因為不公義。」他也由認為有其他辦法，到明白到勇武的行動，「因為對方用更加殘忍嘅辦法，更加唔公義嘅辦法，所以我絕對理解（勇武）。」
走了再回來
訪問期間，楊天命兩度眼泛淚光，一是談到721，二是論及勇武的犧牲。「佢哋連遺書都寫定，命都唔要係為咩？最勇武個班拉得已拉晒，又或移民去其他地方。」有家歸不得的滋味，上一代人亦嚐過。
移民潮，早在89民運、天安門事件後發生過。內地再努力抹去六四的存在，也抹不去人們對政權的不安和恐懼；香港大批有能力的中產及專業人士都紛紛出走，原名姚偉豪的楊天命，正是其中一員，在1992年舉家移民到加拿大。「我喺外國生活咗十年，但其實你嘅靈魂永遠都係愛香港呢個地方。」心之所向，身之所往，楊天命在2000年隻身回流香港，妻子及兩名兒子則長居加拿大。
「好多人話：『師傅，好心你就咪講啦，你表達咩啊？你都有外國護照啦。』我話唔關有無外國護照事，有緊係可以唔洗發聲，話之你哋，但我就係覺得唔公義，一定要講。」移過民，他才深明在外頭做香港人好與壞。這次的社會動盪、暴政下出現的種種苦況，跟六四不遑多讓，而且持續時間更長，但楊天命卻企得更硬：「我無打算再走，我會堅持，希望盡我綿力激勵一班真香港人繼續堅持，追求自己嘅理念。」
「變幻才是永恆，呢個世界係不停在變，算命嘅原因係咩？係算到你本身條命有咩界限，但最重要點解要算命係唔好認命，我哋唔要認命。」知命不認命，這非愚蠢，而是在各種「不可能」中尋找「可能」，從而在失敗中進步和改善，楊天命如是說。
撰文：黃綺敏
拍攝：梁正平 廖健昌
10:19 27/1/2020
農曆新年到，人人例牌關心生肖運程及來年市況，每年之初更可謂是一眾堪輿學家最忙最旺的時間；惟對楊天命而言，今年情況已有所不同。先是新鮮出爐的運程書，懷疑被政見不同的人複製成pdf版在網上免費流傳；後被客人告知「楊天命」一名在內地已被列為滋事分子，提醒他小心說話。
由去年六月開始，楊天命已時常在社交網絡平台上發聲表態，立場明確，現身遊行更是等閒事。「我個袋入面會有口罩、鹽水等等，如果有事發生我會立即幫手。」訪問當天，楊天命明顯疲累，在招牌長髮下更顯憔悴；他直認不諱：「呢段時間邊會瞓得好。」頂著一雙黑眼圈，身心再俱疲，只要一談起警暴，說到這個荒唐政府時，楊天命立馬放下喝著的凍奶茶，眼神一秒變凌厲：「你（政府）用咁嘅手段，香港人係唔會接受！」他，依然是個不好惹的人，火並未因多方打壓而熄滅。
發聲的代價，不是人人願付出，時至今天有人眼盲有人喪命，數之不盡的他與她被清算，但有港人仍以搵錢至上，在催淚煙下若無其事地安逸過活。「好多人話我好勇敢，我又唔覺得自己勇敢，只係應該要做嘅事就做，其實我邊個都唔係，唔好認為明星行出嚟就好大件事，我哋絕對唔係英雄，只係普通人。最重要係其他200萬同路人都走出嚟，佢哋係英雄，保護孩子嘅人都係英雄。」楊天命聳聳肩指，內地生意沒了就沒了，他不介懷；他著緊的只有眼前這座城市，及還未能伸張的正義。
被罵賣國賊
邱騰華多番狠批「黃色經濟圈」，指此舉猶如劃地為牢，但實情中國才是專橫獨裁的表表者，早就極力打造「紅色經濟圈」；順其者昌，看藍絲藝人馬蹄露高調撐警後獲邀北上拍戲做貴妃就知道，逆其者則被嫖娼，或遭抺黑封殺樣樣齊。風水界與娛樂圈差無幾，要北上搵銀，知名度是身價的一部分，噤聲者眾，大家都錫身得很。對比同行，楊天命多年來相對低調，負面新聞甚少，這次卻在內地一下子彈了起來。
「我喺Facebook打咗篇文，有超過一萬個like，立刻有人打嚟騷擾我，叫我收聲，罵我係賣國賊。」那篇文，只是溫和地為抗爭的年青人說句話，希望大家多看各方資訊再分析。「有客話我知喺內地網搜尋，楊天命係被標示咗做滋事分子，所以我真係唔夠膽再返內地。內地客要算命，就專程飛到香港。佢哋都問：『師傅你點解要咁啊（發聲）？』我話無計，個天叫我咁做。」生意事小，關係事大，他較上心的，是跟一班相識多年的朋友政見不合。
「唔好同一班想法不同嘅人見面，因為見面你聽到個啲說話會唔開心，你一係怪佢唔夠精明，被某啲消息蒙蔽，又或係覺得佢未夠有良知，我唔想標籤佢哋，所以索性唔見。」他不否認這是逃避，「點解仲要令自己唔開心？呢個世界已經夠多唔開心。」避還避，楊天命無打定輸數，他對修補關係存有希望，「有可能呢件事喺三、四年後，突然有調查出現，好多事情水落石出，對方看法同方向有變時，先做返朋友。」然而政府卻從不理解，獨立調查的重要性。
誰不冀和平
楊天命再火爆，亦昐望過能和平解決一切，「我對暴力嘅事係絕對唔認同，我本身認為仲有其他辦法。」誰想流血收場？答案是沒有，但最可狠之處是，人善到頭來也只有被人欺；721元朗白衣人無差別襲擊，就有市民跪地求饒，換來被重拳擊倒的下場。
楊天命對此歷歷在目，氣在心頭，「個一幕721，我先知道我係夠膽同白衣人對抗，如果發生喺我樓下，我會立刻落街，我落去唔係救人，係會拎嘢同佢哋打過，個幕真係好離譜。721係引發咁多咁大嘅力量行出嚟，就係因為不公義。」他也由認為有其他辦法，到明白到勇武的行動，「因為對方用更加殘忍嘅辦法，更加唔公義嘅辦法，所以我絕對理解（勇武）。」
走了再回來
訪問期間，楊天命兩度眼泛淚光，一是談到721，二是論及勇武的犧牲。「佢哋連遺書都寫定，命都唔要係為咩？最勇武個班拉得已拉晒，又或移民去其他地方。」有家歸不得的滋味，上一代人亦嚐過。
移民潮，早在89民運、天安門事件後發生過。內地再努力抹去六四的存在，也抹不去人們對政權的不安和恐懼；香港大批有能力的中產及專業人士都紛紛出走，原名姚偉豪的楊天命，正是其中一員，在1992年舉家移民到加拿大。「我喺外國生活咗十年，但其實你嘅靈魂永遠都係愛香港呢個地方。」心之所向，身之所往，楊天命在2000年隻身回流香港，妻子及兩名兒子則長居加拿大。
「好多人話：『師傅，好心你就咪講啦，你表達咩啊？你都有外國護照啦。』我話唔關有無外國護照事，有緊係可以唔洗發聲，話之你哋，但我就係覺得唔公義，一定要講。」移過民，他才深明在外頭做香港人好與壞。這次的社會動盪、暴政下出現的種種苦況，跟六四不遑多讓，而且持續時間更長，但楊天命卻企得更硬：「我無打算再走，我會堅持，希望盡我綿力激勵一班真香港人繼續堅持，追求自己嘅理念。」
「變幻才是永恆，呢個世界係不停在變，算命嘅原因係咩？係算到你本身條命有咩界限，但最重要點解要算命係唔好認命，我哋唔要認命。」知命不認命，這非愚蠢，而是在各種「不可能」中尋找「可能」，從而在失敗中進步和改善，楊天命如是說。
撰文：黃綺敏
拍攝：梁正平 廖健昌
留言
張貼留言