20150423-【專題籽】林敏驄，梁栢堅，改詞點只得啖笑
【專題籽】林敏驄，梁栢堅，改詞點只得啖笑
21:54 23/4/2015
林敏驄 著名填詞音樂製作人，多年來為譚詠麟、張國榮、陳百強、張學友等天王巨星創作過無數經典金曲；先後跟杜德偉、曾志偉主持搞笑節目《點解咁好笑》及《開心主流派》，其後與曾志偉以《冇有線電台》系列出碟。近年轉戰YouTube開發新頻道《冇有線電視台》，大玩惡搞同時創作無厘頭歌曲。
林敏驄
著名填詞音樂製作人，多年來為譚詠麟、張國榮、陳百強、張學友等天王巨星創作過無數經典金曲；先後跟杜德偉、曾志偉主持搞笑節目《點解咁好笑》及《開心主流派》，其後與曾志偉以《冇有線電台》系列出碟。近年轉戰YouTube開發新頻道《冇有線電視台》，大玩惡搞同時創作無厘頭歌曲。
【專題籽：音樂入魂】
「這夜我又再獨對，夜半無人的沼氣。穿起你的椰衣，重演某天的好戲。」早在李逸朗未唱哭喪版《傻女》前，林敏驄在九十年代已把這首陳慧嫻金曲歌詞改成《傻佬》。那時二次創作蓬勃，無厘頭只求得啖笑，還可出碟，Why not？現在改詞，同一首歌收起一點無厘頭，多點諷刺時弊，變成：「似被老豆困住了，沒法完成這齣戲，慘給拘禁的齊昕，行蹤每天都詭秘。」《狼女》改詞人之一梁栢堅說，生於不同年代都有一個命、一份責任，以改詞幽政治一默不是最和平的抗爭方法嗎？八九十年代的改詞人，以無厘頭見證百花齊放的年代；現在網上改詞人，以鍵盤見證一個抗爭年代。
林敏驄：文字威力 一言難盡
要認識一個填詞人，當然由歌詞開始。既可寫到深情的《忘不了你》：「如何喜歡你，如何結識你，我似是一一的淡忘」、獨具慧根的《梵音》：「慾望就是一種虛空的苦痛，由它虛空」，又可以寫到玩廣東話俚語的《狂野的蕃茄》（惡搞郭富城《狂野之城》）：「二十六夜，廿六舊蕃茄，食到我嘴都歪」，能夠遊走大智慧與無厘頭之間，被譽為惡搞始祖，林敏驄玩弄文字的功力無可置疑，「文字嘅威力可以去到幾盡？真係一言難盡。」大師有何高見？愛故弄玄虛的他也有認真時，「如果只以填詞嚟講，你攞張A4紙出嚟，畀支筆你，叫你寫幾隻字，可以令到人笑、令到人喊，咁你話威力有幾大？」
自言出道幾年已經寫盡所有想寫的詞，林敏驄填詞一直以快見稱，今次為郭子健新戲《全力扣殺》作主題曲，只用了半小時填詞，「已經冇乜挑戰性，唯一未寫過悼詞。」九十年代，他已經與曾志偉在亞視主持《開心主流派》，不斷惡搞當時的熱門歌曲，以前惡搞完全不怕被人告侵權，還可以出碟賺錢，「嗰陣我哋已經搞緊二次創作，只不過以前好似冇乜人做過，觀眾一聽就覺得好勁，一隻惡搞碟《冇有線電台》都可以賣到幾十萬隻。」那年代就算連大台的《歡樂今宵》都正正式式惡搞鬥扮嘢，有誰會不記得盧海鵬扮羅文穿件乾濕褸唱《幾許瘋語》？還有燦神扮蔡楓華唱《蝕到空虛》？「惡搞背後目的係乜？我哋以過癮為出發點，好似《酒杯敲你頭》咁，冇意思㗎，但你笑囉。」冷面笑匠似笑非笑的說。無厘頭惡搞是八九十年代最大特色，也是其中一個主流文化，低趣味、玩食字、爛gag是用另一個角度表現粵語味道，每個年代都有獨特的幽默風格，早在四五十年代的鄧寄塵和新馬仔，甚至是七十年代的尹光及鄭君綿，都曾把英文歌、民謠、粵曲或廣東小曲改詞，成為琅琅上口、充滿本土特色的歌曲。
場地：The Metroplex
星影匯
林敏驄在YouTube成立《冇有線電視台》，有惡搞亦有原創節目。
MP3出現判音樂死刑
不少填詞人小時候都惡搞過熱門歌曲，鹹濕、粗口、諧音，曾經是不少人童年回憶，「我中學都係將許冠傑首《紙船》惡搞畀啲同學唱咋嘛，二次創作一向都有生存價值，有啲現成嘢畀你去做，等你覺得自己係個創作人咯。」誰最怕二次創作呢？「俾人笑、尷尬嗰個一定最唔開心㗎，我唱咗首歌好紅嘅，你就整到鬼五馬六，佢咪可能唔鍾意囉，好似鄭敬基首《酒杯敲鋼琴》，整到酒杯敲你個頭，仲要你阿媽話痛喎……但諗深一層其實都係幫你宣傳箒，冇乜所謂啦。」說到原創，曾在訪問中提過收歌曲版權費都夠飯食、已是既得利益者的他不屑地說：「自從MP3出現後，所有音樂都已經死晒，香港音樂界已經係夕陽工業，做嚟都係多餘，自己𠱁自己。」身為創作人都落井下石，還是只眷戀自己的美好年代？
投身YouTube開《冇有線電視台》
林敏驄自稱不認識現在集合了最強創意的高登論壇，「我淨係識Golden Scene。」看似沒與時代接軌的他其實早幾年已投身YouTube，成立《冇有線電視台》（《Moyaosin TV Channel》），看準網路人流大而成為YouTuber，不時惡搞電影，創作無厘頭歌，「網民同一般電視機觀眾都一樣，都係鍾意坐喺個mon前面搞吓呢樣搞吓嗰樣，喜歡睇一啲與別不同嘅元素。對創作人嚟講其實冇衝突，原創又好，改編又好，都係想做一啲好創作出嚟之嘛。」
講到尾，其實只想博你一笑，就如今次在郭子健新戲《全力扣殺》中飾演一名儍儍癡癡、經常飲醉酒的前羽毛球國家隊冠軍球員一樣，笑料百出，可以說是最搶眼角色，「角色冇得選擇，導演派乜角色我就演乜，正如你一出世嗰日，畀乜角色你你就演乜角色，順其自然。」每個人都有自己的時代角色，由樂壇最百花齊放的年代走來，林敏驄的角色已達無厘頭化境，「得啖笑，開心咪算咯。」
林敏驄說最好的演技就是行出來已經是那個角色，《全力扣殺》裏的角色好像為他度身訂做，「又唔係吖，郭子健冇叫服裝幫我度過身。」
《全力扣殺》的音樂好有日本勵志片感覺，「好有超人feel，能人所不能、衝破極限，齊心去做一件事，好正面。」
梁栢堅 七十後著名惡搞改詞人，同時亦為主流歌手填詞。經常遊走網絡世界與高登仔合作改詞。詞風啜核，愛諷刺時弊，絕不留手，曾把陳奕迅的《富士山下》改成《富士康下》而廣被瘋傳。近期得意之作有諷刺「慈母」的《大學堂》（LMF《大懶堂》）以及《七警》（梁漢文《七友》）。
梁栢堅
七十後著名惡搞改詞人，同時亦為主流歌手填詞。經常遊走網絡世界與高登仔合作改詞。詞風啜核，愛諷刺時弊，絕不留手，曾把陳奕迅的《富士山下》改成《富士康下》而廣被瘋傳。近期得意之作有諷刺「慈母」的《大學堂》（LMF《大懶堂》）以及《七警》（梁漢文《七友》）。
梁栢堅：你拎住報紙×佢冇用㗎！
《七警》改編自梁漢文《七友》，「『暗角黑警好多，未入罪打人的有太多個，多過六個，警署惡警好多，你信禿鷹還是太傻』，點解會寫到呢啲詞，因為你對呢啲事太不滿或覺得太荒謬。」梁栢堅說。他曾出版評論廣東歌詞的散文集《雷詞》，林振強是他最欣賞的填詞人，現在全職寫作的他一年前還在中環銀行上班，公餘才填詞。他自小已改教會學校詩歌集《崇拜手冊》歌詞，改詞經驗三十年，認為改詞應盡量貼近原唱版本，界線越模糊越好，「如果連阿神（Eason）喺演唱會都唱錯，分唔清唱緊惡搞定原唱版本，咁就最高章。最經典例子係『龍虎豹好睇，好睇，但又好鬼貴』，好多人都未必知出自譚詠麟《夏日寒風》。」文字威力有多大，身穿黑色「D7689」tee的他拿《蝙蝠俠》裏的小丑做比喻，「佢話乜係破壞力最強？火，然後燒晒啲銀紙。成本細，破壞力強。」
當一首高登改詞歌點擊率可以高過主流歌，有人甚至會聽完改詞版本才找原唱版本來聽的時候，這反映了大部份人已轉向網上世界聽所謂的主流歌，也表現了文字的影響力。星星之火可以燎原，更何況這個上網還多過看電視機的時候，這足以讓當權者害怕、尷尬，「每日發生咁多荒謬嘅事情，你拎住報紙×佢冇用㗎，咁咪自己落手落腳用呢啲方法抗爭，呢種方法仲和平幽默，得啖笑！」網上二次創作最大特色是諷刺時弊，政府近年急不及待修訂版權條例，縱然口裏說保障作者版權利益，但卻疑似在收窄言論自由，梁栢堅竊笑：「你可以控制人嘅行為，但你控制唔到我哋嘅思想，除非殺晒啲人囉。」未有互聯網的年代，唱片業蓬勃，音樂人台前幕後都賺錢，填詞人可全職寫詞為生，拆版稅、演唱會播或唱幾多就分幾多，「八九十年代香港歌手其實好有錢，多錢到一個地步係乜都夠膽玩，乜題材都有，冇所謂㗎，連無綫嘅《笑聲救地球》呢類有政治成份嘅節目都可以照播。如果我生於嗰個年代，我填嘅詞都可能只係風花雪月，一定唔係做緊𠵱家嘅嘢。」
以筆作劍 笑中有火
相比八九十年代的無厘頭惡搞、二次創作可公然在大台播放，現在生態轉變，「主流冇嘅，啲人咪自己做番出嚟咯，好似Mocking Jer（學舌鳥）咁，自己拍片作歌擺上網，收視分分鐘比主流媒體高。人係有創造力㗎嘛，後生仔創造力仲勁，周不時係佢哋嚇番啲大人，你睇吓班學民思潮！」訪問中，梁栢堅多次盛讚現在的年輕人創意超強，最表現到香港人性格特色──靈活變通！「網絡係佢哋對主流嘅定義，一起身就上網睇有乜hit，即改即出，𠵱家係個主流跟番佢哋走，你睇吓《紅Van》同《一路向西》就知。」生於亂世，惡搞歌詞充滿政治色彩，以幽默對抗不公不義。反觀主流樂壇，歌手自動滅聲，即使填詞人「有話說」也只能隱隱晦晦，只盼有心人聽到弦外之音，音樂其實是啟蒙的咒語，「唔同年代出世，都有你要做嘅嘢同角色。」他的時代角色便是以筆作劍，調侃諷刺，極盡搞笑之能事，笑中有火！
梁栢堅電話不離身，一有靈感即刻填詞，最快可以十五分鐘改詞。
繼二○一一年出版廣東歌詞散文集《雷詞》後，今年準備推出《甜詞》，與認識三十年好友合寫鹹歌，鹹到入膠袋！
政治態度鮮明，經常在facebook、IG、微博揶揄政府，認真夠薑。
記者：胡靜雯
攝影：黃子偉
編輯：陳漢榮
美術：吳子豪
21:54 23/4/2015
林敏驄 著名填詞音樂製作人，多年來為譚詠麟、張國榮、陳百強、張學友等天王巨星創作過無數經典金曲；先後跟杜德偉、曾志偉主持搞笑節目《點解咁好笑》及《開心主流派》，其後與曾志偉以《冇有線電台》系列出碟。近年轉戰YouTube開發新頻道《冇有線電視台》，大玩惡搞同時創作無厘頭歌曲。
林敏驄
著名填詞音樂製作人，多年來為譚詠麟、張國榮、陳百強、張學友等天王巨星創作過無數經典金曲；先後跟杜德偉、曾志偉主持搞笑節目《點解咁好笑》及《開心主流派》，其後與曾志偉以《冇有線電台》系列出碟。近年轉戰YouTube開發新頻道《冇有線電視台》，大玩惡搞同時創作無厘頭歌曲。
【專題籽：音樂入魂】
「這夜我又再獨對，夜半無人的沼氣。穿起你的椰衣，重演某天的好戲。」早在李逸朗未唱哭喪版《傻女》前，林敏驄在九十年代已把這首陳慧嫻金曲歌詞改成《傻佬》。那時二次創作蓬勃，無厘頭只求得啖笑，還可出碟，Why not？現在改詞，同一首歌收起一點無厘頭，多點諷刺時弊，變成：「似被老豆困住了，沒法完成這齣戲，慘給拘禁的齊昕，行蹤每天都詭秘。」《狼女》改詞人之一梁栢堅說，生於不同年代都有一個命、一份責任，以改詞幽政治一默不是最和平的抗爭方法嗎？八九十年代的改詞人，以無厘頭見證百花齊放的年代；現在網上改詞人，以鍵盤見證一個抗爭年代。
林敏驄：文字威力 一言難盡
要認識一個填詞人，當然由歌詞開始。既可寫到深情的《忘不了你》：「如何喜歡你，如何結識你，我似是一一的淡忘」、獨具慧根的《梵音》：「慾望就是一種虛空的苦痛，由它虛空」，又可以寫到玩廣東話俚語的《狂野的蕃茄》（惡搞郭富城《狂野之城》）：「二十六夜，廿六舊蕃茄，食到我嘴都歪」，能夠遊走大智慧與無厘頭之間，被譽為惡搞始祖，林敏驄玩弄文字的功力無可置疑，「文字嘅威力可以去到幾盡？真係一言難盡。」大師有何高見？愛故弄玄虛的他也有認真時，「如果只以填詞嚟講，你攞張A4紙出嚟，畀支筆你，叫你寫幾隻字，可以令到人笑、令到人喊，咁你話威力有幾大？」
自言出道幾年已經寫盡所有想寫的詞，林敏驄填詞一直以快見稱，今次為郭子健新戲《全力扣殺》作主題曲，只用了半小時填詞，「已經冇乜挑戰性，唯一未寫過悼詞。」九十年代，他已經與曾志偉在亞視主持《開心主流派》，不斷惡搞當時的熱門歌曲，以前惡搞完全不怕被人告侵權，還可以出碟賺錢，「嗰陣我哋已經搞緊二次創作，只不過以前好似冇乜人做過，觀眾一聽就覺得好勁，一隻惡搞碟《冇有線電台》都可以賣到幾十萬隻。」那年代就算連大台的《歡樂今宵》都正正式式惡搞鬥扮嘢，有誰會不記得盧海鵬扮羅文穿件乾濕褸唱《幾許瘋語》？還有燦神扮蔡楓華唱《蝕到空虛》？「惡搞背後目的係乜？我哋以過癮為出發點，好似《酒杯敲你頭》咁，冇意思㗎，但你笑囉。」冷面笑匠似笑非笑的說。無厘頭惡搞是八九十年代最大特色，也是其中一個主流文化，低趣味、玩食字、爛gag是用另一個角度表現粵語味道，每個年代都有獨特的幽默風格，早在四五十年代的鄧寄塵和新馬仔，甚至是七十年代的尹光及鄭君綿，都曾把英文歌、民謠、粵曲或廣東小曲改詞，成為琅琅上口、充滿本土特色的歌曲。
場地：The Metroplex
星影匯
林敏驄在YouTube成立《冇有線電視台》，有惡搞亦有原創節目。
MP3出現判音樂死刑
不少填詞人小時候都惡搞過熱門歌曲，鹹濕、粗口、諧音，曾經是不少人童年回憶，「我中學都係將許冠傑首《紙船》惡搞畀啲同學唱咋嘛，二次創作一向都有生存價值，有啲現成嘢畀你去做，等你覺得自己係個創作人咯。」誰最怕二次創作呢？「俾人笑、尷尬嗰個一定最唔開心㗎，我唱咗首歌好紅嘅，你就整到鬼五馬六，佢咪可能唔鍾意囉，好似鄭敬基首《酒杯敲鋼琴》，整到酒杯敲你個頭，仲要你阿媽話痛喎……但諗深一層其實都係幫你宣傳箒，冇乜所謂啦。」說到原創，曾在訪問中提過收歌曲版權費都夠飯食、已是既得利益者的他不屑地說：「自從MP3出現後，所有音樂都已經死晒，香港音樂界已經係夕陽工業，做嚟都係多餘，自己𠱁自己。」身為創作人都落井下石，還是只眷戀自己的美好年代？
投身YouTube開《冇有線電視台》
林敏驄自稱不認識現在集合了最強創意的高登論壇，「我淨係識Golden Scene。」看似沒與時代接軌的他其實早幾年已投身YouTube，成立《冇有線電視台》（《Moyaosin TV Channel》），看準網路人流大而成為YouTuber，不時惡搞電影，創作無厘頭歌，「網民同一般電視機觀眾都一樣，都係鍾意坐喺個mon前面搞吓呢樣搞吓嗰樣，喜歡睇一啲與別不同嘅元素。對創作人嚟講其實冇衝突，原創又好，改編又好，都係想做一啲好創作出嚟之嘛。」
講到尾，其實只想博你一笑，就如今次在郭子健新戲《全力扣殺》中飾演一名儍儍癡癡、經常飲醉酒的前羽毛球國家隊冠軍球員一樣，笑料百出，可以說是最搶眼角色，「角色冇得選擇，導演派乜角色我就演乜，正如你一出世嗰日，畀乜角色你你就演乜角色，順其自然。」每個人都有自己的時代角色，由樂壇最百花齊放的年代走來，林敏驄的角色已達無厘頭化境，「得啖笑，開心咪算咯。」
林敏驄說最好的演技就是行出來已經是那個角色，《全力扣殺》裏的角色好像為他度身訂做，「又唔係吖，郭子健冇叫服裝幫我度過身。」
《全力扣殺》的音樂好有日本勵志片感覺，「好有超人feel，能人所不能、衝破極限，齊心去做一件事，好正面。」
梁栢堅 七十後著名惡搞改詞人，同時亦為主流歌手填詞。經常遊走網絡世界與高登仔合作改詞。詞風啜核，愛諷刺時弊，絕不留手，曾把陳奕迅的《富士山下》改成《富士康下》而廣被瘋傳。近期得意之作有諷刺「慈母」的《大學堂》（LMF《大懶堂》）以及《七警》（梁漢文《七友》）。
梁栢堅
七十後著名惡搞改詞人，同時亦為主流歌手填詞。經常遊走網絡世界與高登仔合作改詞。詞風啜核，愛諷刺時弊，絕不留手，曾把陳奕迅的《富士山下》改成《富士康下》而廣被瘋傳。近期得意之作有諷刺「慈母」的《大學堂》（LMF《大懶堂》）以及《七警》（梁漢文《七友》）。
梁栢堅：你拎住報紙×佢冇用㗎！
《七警》改編自梁漢文《七友》，「『暗角黑警好多，未入罪打人的有太多個，多過六個，警署惡警好多，你信禿鷹還是太傻』，點解會寫到呢啲詞，因為你對呢啲事太不滿或覺得太荒謬。」梁栢堅說。他曾出版評論廣東歌詞的散文集《雷詞》，林振強是他最欣賞的填詞人，現在全職寫作的他一年前還在中環銀行上班，公餘才填詞。他自小已改教會學校詩歌集《崇拜手冊》歌詞，改詞經驗三十年，認為改詞應盡量貼近原唱版本，界線越模糊越好，「如果連阿神（Eason）喺演唱會都唱錯，分唔清唱緊惡搞定原唱版本，咁就最高章。最經典例子係『龍虎豹好睇，好睇，但又好鬼貴』，好多人都未必知出自譚詠麟《夏日寒風》。」文字威力有多大，身穿黑色「D7689」tee的他拿《蝙蝠俠》裏的小丑做比喻，「佢話乜係破壞力最強？火，然後燒晒啲銀紙。成本細，破壞力強。」
當一首高登改詞歌點擊率可以高過主流歌，有人甚至會聽完改詞版本才找原唱版本來聽的時候，這反映了大部份人已轉向網上世界聽所謂的主流歌，也表現了文字的影響力。星星之火可以燎原，更何況這個上網還多過看電視機的時候，這足以讓當權者害怕、尷尬，「每日發生咁多荒謬嘅事情，你拎住報紙×佢冇用㗎，咁咪自己落手落腳用呢啲方法抗爭，呢種方法仲和平幽默，得啖笑！」網上二次創作最大特色是諷刺時弊，政府近年急不及待修訂版權條例，縱然口裏說保障作者版權利益，但卻疑似在收窄言論自由，梁栢堅竊笑：「你可以控制人嘅行為，但你控制唔到我哋嘅思想，除非殺晒啲人囉。」未有互聯網的年代，唱片業蓬勃，音樂人台前幕後都賺錢，填詞人可全職寫詞為生，拆版稅、演唱會播或唱幾多就分幾多，「八九十年代香港歌手其實好有錢，多錢到一個地步係乜都夠膽玩，乜題材都有，冇所謂㗎，連無綫嘅《笑聲救地球》呢類有政治成份嘅節目都可以照播。如果我生於嗰個年代，我填嘅詞都可能只係風花雪月，一定唔係做緊𠵱家嘅嘢。」
以筆作劍 笑中有火
相比八九十年代的無厘頭惡搞、二次創作可公然在大台播放，現在生態轉變，「主流冇嘅，啲人咪自己做番出嚟咯，好似Mocking Jer（學舌鳥）咁，自己拍片作歌擺上網，收視分分鐘比主流媒體高。人係有創造力㗎嘛，後生仔創造力仲勁，周不時係佢哋嚇番啲大人，你睇吓班學民思潮！」訪問中，梁栢堅多次盛讚現在的年輕人創意超強，最表現到香港人性格特色──靈活變通！「網絡係佢哋對主流嘅定義，一起身就上網睇有乜hit，即改即出，𠵱家係個主流跟番佢哋走，你睇吓《紅Van》同《一路向西》就知。」生於亂世，惡搞歌詞充滿政治色彩，以幽默對抗不公不義。反觀主流樂壇，歌手自動滅聲，即使填詞人「有話說」也只能隱隱晦晦，只盼有心人聽到弦外之音，音樂其實是啟蒙的咒語，「唔同年代出世，都有你要做嘅嘢同角色。」他的時代角色便是以筆作劍，調侃諷刺，極盡搞笑之能事，笑中有火！
梁栢堅電話不離身，一有靈感即刻填詞，最快可以十五分鐘改詞。
繼二○一一年出版廣東歌詞散文集《雷詞》後，今年準備推出《甜詞》，與認識三十年好友合寫鹹歌，鹹到入膠袋！
政治態度鮮明，經常在facebook、IG、微博揶揄政府，認真夠薑。
記者：胡靜雯
攝影：黃子偉
編輯：陳漢榮
美術：吳子豪
留言
張貼留言