20160130-王迪詩：最女人——香港再來人渣村
王迪詩：最女人——香港再來人渣村
22:52 30/1/2016
最近走在街上，不時會有途人跟我說：「Daisy！我有睇《我係乜乜乜》，好睇呀！」我自己也很高興能參與這個港台製作的電視節目，由怪獸家長、港豬、港女、廢青、灰到核爆、鍵盤戰士……到今晚播出的最後一集大中華膠，七集《我係乜乜乜》便圓滿結束了。有一位娛樂圈潮爸拖着兒子同我講：「個節目好睇呀，我最鍾意怪獸家長那一集。」有大學生告訴我成班同學在宿舍一齊睇這個節目，有OL說每次看完還要上網重溫，每集都看兩次。觀眾的支持令我很感動，其實拍攝過程好辛苦呀！每集都詳細傾了很多次，實驗片段更是港台同事們花大量心血去拍攝的。播出來短短二十多分鐘的節目，背後是港台同事莫大的付出。
訪問癮還未盡
《我係乜乜乜》播完了，但我訪問癮起，意猶未盡呢！有些人我是很想訪問的，例如紅遍全港的「大帽山惡女」……嘅男朋友，很好奇想知道他平時點忍佢女友；也想訪問真係見過Steve Jobs那位勁到爆嘅局長，想知道他現在每晚仍有沒有撞見蘋果教主。於是我決定在即將重演的talk show「香港應該有條人渣村」加插「我係Jenny乜」、「我係乜焗腸」……由我親自演繹一班奇人異士的內心世界。係，我係冒住得罪「大帽山佔領之母」的危機去做這個show，但條命係我自己嘅，點解要限制我嘅自由？
但所謂情人眼裏出西施，我們覺得「大帽山惡女」難頂，但可能男友覺得她好純情。我將於talk show現場演繹「如果我係大帽山惡女龜縮男友」、代替他真情剖白「點解我咁愛Jenny乜？」。我覺得佢會答：「喂差佬出名惡㗎啦，但我女友Jenny BB連差佬都夠膽鬧喎，幾威！佢仲夠薑大番個記者，話同佢鬥hit rate，你條女敢咩？呢啲不畏強權又有主見嘅女友，去邊度搵？」
「如果我同女友去旅行，飛機去到太平洋上空，我話搭飛機好悶，想即刻飛去關島玩跳降傘，Jenny BB二話不說，即刻打開艙門話要跳降傘，空姐阻止佢，但佢據理力爭：『條命係我自己嘅！』空姐話危險，會危害其他人安全。BB就反駁：『救人係你哋航空公司嘅職責！』然後仲叫航空公司要派人喺海中心接番我哋上岸，一個旅程多種享受，呢個極品女友係我先有！」
「同我班friend出去食飯，講明AA制，但食完之後Jenny BB話唔想夾錢，跟住我班friend好嬲，話我同Jenny BB食最多，冇理由唔畀錢！但Jenny BB據理力爭，佢話點解要限制我哋食幾多嘢嘅自由？唔好咁non-sense啦！最後我哋一毫子都唔使夾，你條女得咩？」
誰是你心目中的村長
除了以上新增環節，我還會於talk show「香港應該有條人渣村」跟你分享在這個人渣當道的反智時代，王迪詩獨有的生存法則，寸爆職場和愛情人渣，大談一人一票選香港人渣村村長，誰是你心目中的候選人？帶你暢遊「愛情人渣村」，踢爆愛情騙局，寸爆賤男！同你深入「職場人渣村」，寸盡見高跪拜、見低狂踩的職場攝石人。這個show的目的就是同香港人一齊發洩一晚，大笑一場！有興趣來看的朋友可到以下網站點擊「最新消息」下載優先訂票表格：www.daisywong.com.hk。
王迪詩
22:52 30/1/2016
最近走在街上，不時會有途人跟我說：「Daisy！我有睇《我係乜乜乜》，好睇呀！」我自己也很高興能參與這個港台製作的電視節目，由怪獸家長、港豬、港女、廢青、灰到核爆、鍵盤戰士……到今晚播出的最後一集大中華膠，七集《我係乜乜乜》便圓滿結束了。有一位娛樂圈潮爸拖着兒子同我講：「個節目好睇呀，我最鍾意怪獸家長那一集。」有大學生告訴我成班同學在宿舍一齊睇這個節目，有OL說每次看完還要上網重溫，每集都看兩次。觀眾的支持令我很感動，其實拍攝過程好辛苦呀！每集都詳細傾了很多次，實驗片段更是港台同事們花大量心血去拍攝的。播出來短短二十多分鐘的節目，背後是港台同事莫大的付出。
訪問癮還未盡
《我係乜乜乜》播完了，但我訪問癮起，意猶未盡呢！有些人我是很想訪問的，例如紅遍全港的「大帽山惡女」……嘅男朋友，很好奇想知道他平時點忍佢女友；也想訪問真係見過Steve Jobs那位勁到爆嘅局長，想知道他現在每晚仍有沒有撞見蘋果教主。於是我決定在即將重演的talk show「香港應該有條人渣村」加插「我係Jenny乜」、「我係乜焗腸」……由我親自演繹一班奇人異士的內心世界。係，我係冒住得罪「大帽山佔領之母」的危機去做這個show，但條命係我自己嘅，點解要限制我嘅自由？
但所謂情人眼裏出西施，我們覺得「大帽山惡女」難頂，但可能男友覺得她好純情。我將於talk show現場演繹「如果我係大帽山惡女龜縮男友」、代替他真情剖白「點解我咁愛Jenny乜？」。我覺得佢會答：「喂差佬出名惡㗎啦，但我女友Jenny BB連差佬都夠膽鬧喎，幾威！佢仲夠薑大番個記者，話同佢鬥hit rate，你條女敢咩？呢啲不畏強權又有主見嘅女友，去邊度搵？」
「如果我同女友去旅行，飛機去到太平洋上空，我話搭飛機好悶，想即刻飛去關島玩跳降傘，Jenny BB二話不說，即刻打開艙門話要跳降傘，空姐阻止佢，但佢據理力爭：『條命係我自己嘅！』空姐話危險，會危害其他人安全。BB就反駁：『救人係你哋航空公司嘅職責！』然後仲叫航空公司要派人喺海中心接番我哋上岸，一個旅程多種享受，呢個極品女友係我先有！」
「同我班friend出去食飯，講明AA制，但食完之後Jenny BB話唔想夾錢，跟住我班friend好嬲，話我同Jenny BB食最多，冇理由唔畀錢！但Jenny BB據理力爭，佢話點解要限制我哋食幾多嘢嘅自由？唔好咁non-sense啦！最後我哋一毫子都唔使夾，你條女得咩？」
誰是你心目中的村長
除了以上新增環節，我還會於talk show「香港應該有條人渣村」跟你分享在這個人渣當道的反智時代，王迪詩獨有的生存法則，寸爆職場和愛情人渣，大談一人一票選香港人渣村村長，誰是你心目中的候選人？帶你暢遊「愛情人渣村」，踢爆愛情騙局，寸爆賤男！同你深入「職場人渣村」，寸盡見高跪拜、見低狂踩的職場攝石人。這個show的目的就是同香港人一齊發洩一晚，大笑一場！有興趣來看的朋友可到以下網站點擊「最新消息」下載優先訂票表格：www.daisywong.com.hk。
王迪詩
留言
張貼留言