20141029-陳沛敏︰地主會的牌局
陳沛敏︰地主會的牌局
19:47 29/10/2014
■田北俊（右）或會因要求梁振英辭職而被免去政協身份。資料圖片
雨傘運動剛滿一個月，幾個富豪早已習慣了金融中心的交通狀況。這天，大家比平日還要準時，差不多同一時間到達牌局的地方。在金權世界，他們是利益競爭者；牌局當然不為交誼，只是給大家一個場合，處理一些需要當面擺平的瓜葛。
這天的氣氛卻有點不一樣，大家都顯得心不在焉。
駙馬爺忍不住先開腔：「誠哥，你真係醒。」
首富：「世姪，做乜咁講？當年你老婆伯爺，比我仲要早上京見鄧小平，佢先係表表者。」
乜叔這時也按捺不住：「唉！今時唔同往日囉。當年國家需要我哋，為咗改革開放又好，為咗統戰又好，禮遇有加。誠哥，當年你同佢伯爺大戰英資，大家仲記憶猶新。𠵱家？居然整篇咩嘢署名文章，點名鬧冇積極響應主席號召。之前吹雞叫我哋幾廿友上京面聖，我哋即刻上；叫我哋反佔中，我哋明明已經出嚟講完又講，咁都唔收貨？」
駙馬爺：「咪係。不過，後尾上面抽番段稿兼補鑊，算係……」
所謂人老精鬼老靈，乜叔忍不住打斷駙馬爺的說話：「咁又點？整篇咁嘅嘢出嚟，即係代表上面至少有人咁諗。北京形勢幾複雜，你又唔係唔知。仲有，你睇田家大少單嘢，講兩句箒，咁都要郁，心寒呀。」
駙馬爺：「03年嗰鑊，老董就係因為佢推唔到23條。𠵱家人哋老人家呢頭撐完梁振英，佢又出嚟句句頂心頂肺。但話晒佢從來都冇批評過阿爺，而且佢個黨話晒代表工商界。誠哥，你點睇？幾個月前你先公開話『香港不能人治』……」
誠哥笑而不語，他心裏卻明白，他近年都將資本投資在歐美等有民主、自由、法治的地方，是正確的決定；即使那裏的稅率、財富再分配政策、福利制度對資本家來說，都「遠遜」於香港。
至少，他比那些生意業務集中在北京權力伸手可及的地區（例如澳門）的富豪強。後者只要中南海一聲令下，更改政策，就隨時玩完，因此更不能不對北京唯命是從。
一場雨傘運動，喚醒了很多原本睡着的香港人。看來，香港資本家也是時候醒一醒。過去，他們以為參與小圈子政制造王，可保富貴榮華千秋萬世，但原來在共產黨治下「大國崛起」，很多東西可以一夜改變。
陳沛敏
記者
19:47 29/10/2014
■田北俊（右）或會因要求梁振英辭職而被免去政協身份。資料圖片
雨傘運動剛滿一個月，幾個富豪早已習慣了金融中心的交通狀況。這天，大家比平日還要準時，差不多同一時間到達牌局的地方。在金權世界，他們是利益競爭者；牌局當然不為交誼，只是給大家一個場合，處理一些需要當面擺平的瓜葛。
這天的氣氛卻有點不一樣，大家都顯得心不在焉。
駙馬爺忍不住先開腔：「誠哥，你真係醒。」
首富：「世姪，做乜咁講？當年你老婆伯爺，比我仲要早上京見鄧小平，佢先係表表者。」
乜叔這時也按捺不住：「唉！今時唔同往日囉。當年國家需要我哋，為咗改革開放又好，為咗統戰又好，禮遇有加。誠哥，當年你同佢伯爺大戰英資，大家仲記憶猶新。𠵱家？居然整篇咩嘢署名文章，點名鬧冇積極響應主席號召。之前吹雞叫我哋幾廿友上京面聖，我哋即刻上；叫我哋反佔中，我哋明明已經出嚟講完又講，咁都唔收貨？」
駙馬爺：「咪係。不過，後尾上面抽番段稿兼補鑊，算係……」
所謂人老精鬼老靈，乜叔忍不住打斷駙馬爺的說話：「咁又點？整篇咁嘅嘢出嚟，即係代表上面至少有人咁諗。北京形勢幾複雜，你又唔係唔知。仲有，你睇田家大少單嘢，講兩句箒，咁都要郁，心寒呀。」
駙馬爺：「03年嗰鑊，老董就係因為佢推唔到23條。𠵱家人哋老人家呢頭撐完梁振英，佢又出嚟句句頂心頂肺。但話晒佢從來都冇批評過阿爺，而且佢個黨話晒代表工商界。誠哥，你點睇？幾個月前你先公開話『香港不能人治』……」
誠哥笑而不語，他心裏卻明白，他近年都將資本投資在歐美等有民主、自由、法治的地方，是正確的決定；即使那裏的稅率、財富再分配政策、福利制度對資本家來說，都「遠遜」於香港。
至少，他比那些生意業務集中在北京權力伸手可及的地區（例如澳門）的富豪強。後者只要中南海一聲令下，更改政策，就隨時玩完，因此更不能不對北京唯命是從。
一場雨傘運動，喚醒了很多原本睡着的香港人。看來，香港資本家也是時候醒一醒。過去，他們以為參與小圈子政制造王，可保富貴榮華千秋萬世，但原來在共產黨治下「大國崛起」，很多東西可以一夜改變。
陳沛敏
記者
留言
張貼留言