20150826-月巴事 - 月巴氏 ：OH NO，原來我已經OK OLD。
月巴事 - 月巴氏 ：OH NO，原來我已經OK OLD。
2015年08月26日
2015年9月，是莘莘學子開學月，也是月巴氏踏入四張嘢前的最後一個月。Well，傷心到講不出再見。
就快四十的鐵證如山
光陰似箭(當然不會似電車咁慢)，明明覺得自己還是廿歲，但日常生活話我知，很多以前難不到我的事，都開始難到我。
例一：OK，我還是能夠像廿歲時通頂(打機)，分別是，廿歲時通頂後翌日可以完全唔瞓直接返工；but now，要瞓番一日才能夠boot番部機。
例二：OK，我還是能夠激情而豪邁地食buffet，分別是，廿歲時食完28隻生蠔還可以吞噬牛扒兩大片冷盤數碟熱葷好多round——然後再重複上述程序；but now，我的食量竟然比一個剛踏入青春期的青春少男還要少，實在情何以堪成何體統。
例三：我已經不能夠像廿歲時跟情迷的女孩煲六粒鐘電話粥——OK我知而家冇人會再煲這種粥，要傾，都在FB messenger度傾，但你要我同情迷的女士(成熟穩重的我已經對十八廿二的女孩冇興趣)透過鍵盤對話六粒鐘？我好忙囉，畢竟有好多game未打爆囉。
但有一樣嘢明顯比廿歲時有所進步：一樣咁懶——錯，係更加懶——今時今日的我已有能耐釀在梳化足足大半日，而所謂「釀」，就是像魚肉釀在矮瓜裡，乜都唔做，一動也不動。回想廿歲時的我，好動又怕悶，要我坐定定半粒鐘？已有苦度一生的無窮虛無感。種種生活事實證明，我不再年輕。
一句話辣著四十月巴大賽
有人話，心胸會隨年齡增長而變得廣闊——黐線。看看那班高官吧，個個五六十歲，但比一個細路仲小家小器。
我可不想成為小器的月巴，於是嘗試量度自己器量的底線，看看有邊啲說話(亦即別人的批評)會激嬲自己。
1.「你好月巴！」我知吖，使你講咩——既成事實，有乜好嬲。
2.「你冇仔女嘅。」不單只唔嬲，直頭感到自豪，自豪在不用怕自己成為怪獸家長。
3.「乜你冇物業呀？」請注意，若由同學發問，問題的意思不單純是問你Why仲未上車，而是：乜你冇物業收租？箇中邏輯如下：買一個單位(自住)，那個只是單位；買第二個單位並搬過去住，那麼第一個單位才會升格為物業——我有少少嬲，嬲自己。
4.「過去四十年其實你乜都冇做過。」What？我乜都冇做過？好angry呀！我明明周一至周五返工，難得等到放假，又會匿喺屋企畫《Robocat》而從未脫稿………但，諗真啲，我好似好忙，但忙不等於(成就了)甚麼………我好嬲，嬲自己死做爛做但原來乜都冇做過。我成就了我的毫無成就。
失去了就是失去了
所以我看《玩轉四字頭》(While We're Young)時看出一種苦悶。
不要被戲名和trailer誤導，以為是一齣戲教導中年人重新喚起青春激情的電影，要說的反而是：年歲就是年歲，是時間給予每個人的糾結，絕不會因你的心情態度有所改變而讓你得到任何外變(同樣，不論閣下飲水態度如何，你飲下含鉛的水就是飲了鉛水)。Ben Stiller好認真地花上十年拍一齣描述美國權力關係的嚴肅紀錄片，看在別人眼裡，就只是一場不知所云的悶戲；他試圖在仰慕自己的後生仔面前展示自己的英雄一面，結果變成自己落自己面………他最後發現，自己(好似好)認真地去過每一天、拍每一段footage、做每一件事，但只能成為一個不明白世界運作、不合時宜的中年人。你(以為自己)好認真？但世界根本已不(需要你)認真。
電影沒有提供出路，只揭示了一個踏入中年的事實——你失去了的，就是永遠失去了。
所以今年唔好祝我生日快樂——但生日禮物照收，好讓我在keep住失去的同時攞番少少嘢喺手。
撰文：月巴氏
facebook專頁：
https://www.facebook.com/fatmoonba
blog：http://fatmoonba.blogspot.com/
email：fatmoonba@yahoo.com.hk
2015年08月26日
2015年9月，是莘莘學子開學月，也是月巴氏踏入四張嘢前的最後一個月。Well，傷心到講不出再見。
就快四十的鐵證如山
光陰似箭(當然不會似電車咁慢)，明明覺得自己還是廿歲，但日常生活話我知，很多以前難不到我的事，都開始難到我。
例一：OK，我還是能夠像廿歲時通頂(打機)，分別是，廿歲時通頂後翌日可以完全唔瞓直接返工；but now，要瞓番一日才能夠boot番部機。
例二：OK，我還是能夠激情而豪邁地食buffet，分別是，廿歲時食完28隻生蠔還可以吞噬牛扒兩大片冷盤數碟熱葷好多round——然後再重複上述程序；but now，我的食量竟然比一個剛踏入青春期的青春少男還要少，實在情何以堪成何體統。
例三：我已經不能夠像廿歲時跟情迷的女孩煲六粒鐘電話粥——OK我知而家冇人會再煲這種粥，要傾，都在FB messenger度傾，但你要我同情迷的女士(成熟穩重的我已經對十八廿二的女孩冇興趣)透過鍵盤對話六粒鐘？我好忙囉，畢竟有好多game未打爆囉。
但有一樣嘢明顯比廿歲時有所進步：一樣咁懶——錯，係更加懶——今時今日的我已有能耐釀在梳化足足大半日，而所謂「釀」，就是像魚肉釀在矮瓜裡，乜都唔做，一動也不動。回想廿歲時的我，好動又怕悶，要我坐定定半粒鐘？已有苦度一生的無窮虛無感。種種生活事實證明，我不再年輕。
一句話辣著四十月巴大賽
有人話，心胸會隨年齡增長而變得廣闊——黐線。看看那班高官吧，個個五六十歲，但比一個細路仲小家小器。
我可不想成為小器的月巴，於是嘗試量度自己器量的底線，看看有邊啲說話(亦即別人的批評)會激嬲自己。
1.「你好月巴！」我知吖，使你講咩——既成事實，有乜好嬲。
2.「你冇仔女嘅。」不單只唔嬲，直頭感到自豪，自豪在不用怕自己成為怪獸家長。
3.「乜你冇物業呀？」請注意，若由同學發問，問題的意思不單純是問你Why仲未上車，而是：乜你冇物業收租？箇中邏輯如下：買一個單位(自住)，那個只是單位；買第二個單位並搬過去住，那麼第一個單位才會升格為物業——我有少少嬲，嬲自己。
4.「過去四十年其實你乜都冇做過。」What？我乜都冇做過？好angry呀！我明明周一至周五返工，難得等到放假，又會匿喺屋企畫《Robocat》而從未脫稿………但，諗真啲，我好似好忙，但忙不等於(成就了)甚麼………我好嬲，嬲自己死做爛做但原來乜都冇做過。我成就了我的毫無成就。
失去了就是失去了
所以我看《玩轉四字頭》(While We're Young)時看出一種苦悶。
不要被戲名和trailer誤導，以為是一齣戲教導中年人重新喚起青春激情的電影，要說的反而是：年歲就是年歲，是時間給予每個人的糾結，絕不會因你的心情態度有所改變而讓你得到任何外變(同樣，不論閣下飲水態度如何，你飲下含鉛的水就是飲了鉛水)。Ben Stiller好認真地花上十年拍一齣描述美國權力關係的嚴肅紀錄片，看在別人眼裡，就只是一場不知所云的悶戲；他試圖在仰慕自己的後生仔面前展示自己的英雄一面，結果變成自己落自己面………他最後發現，自己(好似好)認真地去過每一天、拍每一段footage、做每一件事，但只能成為一個不明白世界運作、不合時宜的中年人。你(以為自己)好認真？但世界根本已不(需要你)認真。
電影沒有提供出路，只揭示了一個踏入中年的事實——你失去了的，就是永遠失去了。
所以今年唔好祝我生日快樂——但生日禮物照收，好讓我在keep住失去的同時攞番少少嘢喺手。
撰文：月巴氏
facebook專頁：
https://www.facebook.com/fatmoonba
blog：http://fatmoonba.blogspot.com/
email：fatmoonba@yahoo.com.hk
留言
張貼留言