20170324-方俊傑：【西遊記】馬田史高西斯點睇特首選戰
方俊傑：【西遊記】馬田史高西斯點睇特首選戰
22:59 24/3/2017
馬田史高西斯新片《沉默》（Silence）票房差到無朋友。
【文化籽：西遊記】
大導演Martin Scorsese的新片，叫《沉默》（Silence）。好慘，票房差到無朋友，似乎連天主教徒都不太捧場。走去看《美女與野獸》（Beauty and the Beast）的，多好多。故事發生在十七世紀的日本，全國天主教徒有成三十幾萬人，好似越來越受歡迎，勢力不容忽視。當權者開始淆底，覺得政權穩定有可能會被動搖，於是將天主教定性為邪教，是外國勢力，需要趕盡殺絕。葡萄牙教會收到風，一早去日本做開荒牛的神父A，強權之下，已經棄教變節，有個日本名字，仲娶日本妹做老婆，有埋仔女，做了當權者的走狗。神父A兩個徒弟神父B同神父C死唔信邪，堅持偷渡到日本以身犯險，意圖查明真相。不幸，到埗一排，神父B已經被教徒出賣，被當權者生擒。
阿爺，呀，唔係，我意思係個當權者，同神父B講：「細路，你有好多粉絲，我唔like。家陣畀兩條路你揀：一係你就將對腳踩落耶穌幅畫像上面，畀你班𡃁睇，輕輕力就可以，做個樣嘅箒，唔使太認真。咁我就立即放你出冊，還你自由。唔制的話，我唔會殺死你，但係會將跟隨你嗰班信眾逐個折磨到死。」神父B的內心很糾結，睇住班教友因為相信自己，搞到被火燒被放血被斬頭被掛在十字架，上帝連少少表示都無，火都嚟埋。這個時候，神父A出現了，勸神父B接受現實，唔好害人害己。神父B終於feel到上帝傳話，明白真正的教義不在形式，在惻隱，立即踩住耶穌塊面行兩步，救出幾名無辜市民。
這是一場理想與現實的角力。神父B覺得天主教義是超越時空的真理，一如自由民主或者全民普選，根本是普世價值，引入日本，百利無一害。現實是，阿爺，呀，唔係，我意思係個當權者，即係有刀有兵有錢有勢力嗰個，唔認同嘛，唔信耶穌只信太陽，覺得你傳教等於搞革命，唔出盡全力像阻止港獨思潮蔓延般阻止，唔得。當然，神父B可以像神父C，寸步不讓，死咪死囉，咁就連入閘去同當權者見個面傾場偈的機會也沒有。好似好有骨氣，實際上極大機會一事無成。也可以學神父A，背負反骨仔的污名，表面上聽教聽話，跟當權者盡量保持良好關係，內心毋忘初衷。你話可唔可以明刀明槍反抗當權者的決定，少少陽奉陰違都不屑，但係又期望埋到當權者的堆得到當權者的祝福？你係當權者個親生孫都未必得啦。
理想主義者當然選擇神父C，寧為玉碎不作瓦全。像我這類現實主義者，無辦法，一定支持神父A，保住條命先，之後改變到幾多得幾多。係有危險性，神父A有權完全變節，初衷放在垃圾桶，直接送去堆填區不作回收。身為香港人，難道還見得少？神父A也有權本身就是卧底，明明是佛教徒，扮信天主教，攀升到神父高職，營造美好形象，吸納對頭勢力後，不知不覺間，以柔制剛，掉轉槍頭幫和尚做事，班天主教徒還開開心心被蒙在鼓裏，傷害力比高壓統治更加嚴重。
去到這個地步，我只能說，要一個「信佛」的人，長年累月，在鏡頭之下，扮演天主教徒，毫無破綻，其實好困難好困難。總會出現漏洞的，例如爆出一句：「上帝叫我參選，我才決定參選。」反之，如果某人一路以來，表現如一，直到今時今刻，仍然宣稱只能在框架以來盡力而為，沒有誇張沒有不切實際。即使最終礙於形勢礙於能力，無法作出任何改善，至少可以相信他不會作出更大程度的撕裂。嘩，沒有惡化，好難得啦，可能值得開香檳切燒豬放煙花。如果，某人原來是梁朝偉，影帝級演技，我無話可說。我輸得心服口服。
我要強調是我。因為，以上文字，只是我的個人見解。跟Martin Scorsese在《沉默》想傳遞的訊息，無關。做一次標題黨，似有不符合商品說明條例之嫌。為了補償，我決定向各位讀者強力推介《沉默》，尤其針對教徒。睇一次《沉默》，你們或者會明白，禁制《美女與野獸》，根本是錯重點。
如果你係神父，會否選擇救出幾名無辜市民。
神父A在強權之下，已經棄教變節，仲有個日本名同日本老婆。
撰文：方俊傑
觀塘長大，壹仔打滾，偏愛西片、西劇、中日韓美女。利物浦悲慘球迷，非西人一個。facebook：方俊傑
編輯：謝慧珊
美術：黃創泰
方俊傑
網頁：https://www.facebook.com/fongchunkithk/
22:59 24/3/2017
馬田史高西斯新片《沉默》（Silence）票房差到無朋友。
【文化籽：西遊記】
大導演Martin Scorsese的新片，叫《沉默》（Silence）。好慘，票房差到無朋友，似乎連天主教徒都不太捧場。走去看《美女與野獸》（Beauty and the Beast）的，多好多。故事發生在十七世紀的日本，全國天主教徒有成三十幾萬人，好似越來越受歡迎，勢力不容忽視。當權者開始淆底，覺得政權穩定有可能會被動搖，於是將天主教定性為邪教，是外國勢力，需要趕盡殺絕。葡萄牙教會收到風，一早去日本做開荒牛的神父A，強權之下，已經棄教變節，有個日本名字，仲娶日本妹做老婆，有埋仔女，做了當權者的走狗。神父A兩個徒弟神父B同神父C死唔信邪，堅持偷渡到日本以身犯險，意圖查明真相。不幸，到埗一排，神父B已經被教徒出賣，被當權者生擒。
阿爺，呀，唔係，我意思係個當權者，同神父B講：「細路，你有好多粉絲，我唔like。家陣畀兩條路你揀：一係你就將對腳踩落耶穌幅畫像上面，畀你班𡃁睇，輕輕力就可以，做個樣嘅箒，唔使太認真。咁我就立即放你出冊，還你自由。唔制的話，我唔會殺死你，但係會將跟隨你嗰班信眾逐個折磨到死。」神父B的內心很糾結，睇住班教友因為相信自己，搞到被火燒被放血被斬頭被掛在十字架，上帝連少少表示都無，火都嚟埋。這個時候，神父A出現了，勸神父B接受現實，唔好害人害己。神父B終於feel到上帝傳話，明白真正的教義不在形式，在惻隱，立即踩住耶穌塊面行兩步，救出幾名無辜市民。
這是一場理想與現實的角力。神父B覺得天主教義是超越時空的真理，一如自由民主或者全民普選，根本是普世價值，引入日本，百利無一害。現實是，阿爺，呀，唔係，我意思係個當權者，即係有刀有兵有錢有勢力嗰個，唔認同嘛，唔信耶穌只信太陽，覺得你傳教等於搞革命，唔出盡全力像阻止港獨思潮蔓延般阻止，唔得。當然，神父B可以像神父C，寸步不讓，死咪死囉，咁就連入閘去同當權者見個面傾場偈的機會也沒有。好似好有骨氣，實際上極大機會一事無成。也可以學神父A，背負反骨仔的污名，表面上聽教聽話，跟當權者盡量保持良好關係，內心毋忘初衷。你話可唔可以明刀明槍反抗當權者的決定，少少陽奉陰違都不屑，但係又期望埋到當權者的堆得到當權者的祝福？你係當權者個親生孫都未必得啦。
理想主義者當然選擇神父C，寧為玉碎不作瓦全。像我這類現實主義者，無辦法，一定支持神父A，保住條命先，之後改變到幾多得幾多。係有危險性，神父A有權完全變節，初衷放在垃圾桶，直接送去堆填區不作回收。身為香港人，難道還見得少？神父A也有權本身就是卧底，明明是佛教徒，扮信天主教，攀升到神父高職，營造美好形象，吸納對頭勢力後，不知不覺間，以柔制剛，掉轉槍頭幫和尚做事，班天主教徒還開開心心被蒙在鼓裏，傷害力比高壓統治更加嚴重。
去到這個地步，我只能說，要一個「信佛」的人，長年累月，在鏡頭之下，扮演天主教徒，毫無破綻，其實好困難好困難。總會出現漏洞的，例如爆出一句：「上帝叫我參選，我才決定參選。」反之，如果某人一路以來，表現如一，直到今時今刻，仍然宣稱只能在框架以來盡力而為，沒有誇張沒有不切實際。即使最終礙於形勢礙於能力，無法作出任何改善，至少可以相信他不會作出更大程度的撕裂。嘩，沒有惡化，好難得啦，可能值得開香檳切燒豬放煙花。如果，某人原來是梁朝偉，影帝級演技，我無話可說。我輸得心服口服。
我要強調是我。因為，以上文字，只是我的個人見解。跟Martin Scorsese在《沉默》想傳遞的訊息，無關。做一次標題黨，似有不符合商品說明條例之嫌。為了補償，我決定向各位讀者強力推介《沉默》，尤其針對教徒。睇一次《沉默》，你們或者會明白，禁制《美女與野獸》，根本是錯重點。
如果你係神父，會否選擇救出幾名無辜市民。
神父A在強權之下，已經棄教變節，仲有個日本名同日本老婆。
撰文：方俊傑
觀塘長大，壹仔打滾，偏愛西片、西劇、中日韓美女。利物浦悲慘球迷，非西人一個。facebook：方俊傑
編輯：謝慧珊
美術：黃創泰
方俊傑
網頁：https://www.facebook.com/fongchunkithk/
留言
張貼留言