20140219-葉朗程--情陷夜中環：中環狼人
情陷夜中環：中環狼人
8:05 19/2/2014
■里安納度（右）在《華爾街狼人》飾演財色兼收的醒目大鱷，筆者認為這戲美化了金融人。
接受一本財經雜誌訪問，記者朋友的第一個問題，我已經不懂反應。「中環人的生活是怎樣的？」咁多人喺中環搵食，男的、女的、單身的、有家室的、早睡早起的、喜愛夜蒲的、做back office的、做front line的，各司己職，各有目的，點代佢哋答？
「讀者想知道，是葉朗程的。」記者朋友大幅收窄問題範圍。我想一想，即是private banker的？「也可以由private banker說起。」Private banker也有幾種，有些銀行會將private banker分為「客戶經理」和「投資顧問」兩職，有些銀行則會由一人兼任兩個崗位。這樣一說，記者朋友的好奇心更大，越問越多。訪問將近尾聲時候，記者朋友詢問一個比較輕鬆的問題：「中環人有冇談論《華爾街狼人》？」
里安納度美化金融人
有，當然有。論其口碑和製作團隊之強勁，就算不是中環人，也必定會談論《華爾街狼人》。人人都說這部戲醜化華爾街，侮辱金融人。看完後，完全沒有這種感覺，反而我覺得金融人被此片過份美化了。中環人，邊有咁醒呀？當然，中環一定有狼人，但可以肯定的告訴你，蠢人必定比狼人多。
里安納度狄卡比奧飾演的Jordan Belfort，不是名門之後，也沒有頂級學府的畢業證書，由寂寂無聞變億萬巨富，就是靠把口。Belfort在一個類似車房的地方成立他的團隊，招攬一班全無金融知識但相當有嘴頭的銷售高手。每家分毫不值的爛鬼公司，經過Belfort以及其團隊的語言偽術，都彷彿變成股海裏的稀世奇珍。「本來真係唔會同你講，但見大家咁好傾，介紹呢隻股票畀你，千祈唔好同人講。」這種「祈福黨」層次的訛騙手法，稍為有點小聰明的二打六都很容易學懂，本來沒甚麼了不起。
但Belfort的過人之處，就是其膽識和遠見：與其要呃，不如呃一班有錢的。就這樣，Belfort為團隊進行特訓，讓每位成員都成為虛有其口的金融說客。越做越大，Belfort由那個荒廢的車房走進華爾街，被財經報章「譽」為狼人。最後，當然天網恢恢，狼人難逃被囚的惡果。
睇完呢部戲，千祈唔好覺得「貪心」有問題。「貪」是沒有問題的，如果要我為「中環價值」下個定義，肯定就是個「貪」字。如果中環人唔貪，哪來「國際金融中心」這個美譽？很多人堅信，「財富不能被製造，只會被轉移」，某程度上，這句話千真萬確。而所謂金融人，就是每天在鬥智鬥力地玩這個「財富轉移」的遊戲，看看at the end of the day，最多的財富會轉移到誰的口袋裏。
Greed is just a word until you give it a meaning，「貪」到底是甚麼？如果貪埋貪埋係純粹為咗住淺水灣揸保時捷，「貪」即是傲；但如果貪埋貪埋係想阿媽可以做個換腎手術，「貪」就是愛。
只要「貪得有道理」，貪得無厭也並無不可。講真，人就是貪得無厭的。如果搵緊一萬一個月，你可能會同自己講，搵到十萬一個月就乜都夠啦。到你搵到十萬、二十萬嘅時候，諗番以前一萬過一個月嘅日子，你會覺得匪夷所思。
認識一個朋友，well，其實不算是朋友，佢識我而我又識佢咁啦。有次同佢飲兩杯，可能係酒入愁腸，佢突然話覺得自己好冇用。「讀咁多書，都係搵嗰少少錢。」其實佢咁講，即係寸緊我，因為我同佢係搵差唔多咁多錢，and I can assure you，嗰啲絕對唔算係少少錢。「Marcus，你諗吓，一年最多得咁多，就算完全唔使，十年先有咁多，你話我係唔係冇用？」忘記當時怎樣回答，只記得他的眼神的確帶點哀傷。講得好聽啲，就係不甘於現狀。但說明白點，就是「貪」。
擁有超乎常人的貪念，如果再給他超乎常人的眼光和膽識，就是另一個狼人的誕生。這個朋友，果真嫌投資銀行令他賺得不夠多，幾年前，毅然轉投一家網絡遊戲公司當個CFO。上年第四季，這家公司在香港交易所的主板掛牌。一登龍門，市值爆升，這個今日只是三十出頭的CFO，坐擁着的股權數量，讓他成為身家接近7,000萬元的小富豪。
「貪字得個貧」信唔過
常言道，貪字得個貧，千祈唔好信。如果「貪」的後果是「貧」，世界上又怎會有這麼多富豪？「貪」加個「蠢」，才是貧。「蠢」的涵義很廣，為錢犯法，絕對是「蠢」的一種。明知是「蠢」的行為，又為甚麼這麼多人甘願鋌而走險？那一晚，我和兩個朋友走入IFC的戲院看這齣《華爾街狼人》。每個戲院播的《華爾街狼人》肯定一模一樣，但在IFC的戲院看，別有風味。
戲播完，開燈，我未見過一個戲院有咁多西裝友。人群慢慢湧出戲院，我聽到後面有個男人說：「咁多女，咁多錢，坐兩年監，抵到爛。」Now you know，中環好多「蠢」人。
不過，最蠢，當然都係女人。散場的時候，有一對小情侶，女人問她的西裝友男朋友：「BB，如果你坐監，我一定唔會好似個女主角咁離開你㗎。但係如果你咁有錢，你會唔會玩女人㗎？」你看，女人就是這樣的，寧願個男人坐監，都唔想佢玩女人。這個西裝友，回答得非常真誠：「梗係唔會啦BB。」
個男人答得咁真，唔係因為佢肯定唔會玩女人，而係佢肯定自己唔會搵到咁多錢。
葉朗程
8:05 19/2/2014
■里安納度（右）在《華爾街狼人》飾演財色兼收的醒目大鱷，筆者認為這戲美化了金融人。
接受一本財經雜誌訪問，記者朋友的第一個問題，我已經不懂反應。「中環人的生活是怎樣的？」咁多人喺中環搵食，男的、女的、單身的、有家室的、早睡早起的、喜愛夜蒲的、做back office的、做front line的，各司己職，各有目的，點代佢哋答？
「讀者想知道，是葉朗程的。」記者朋友大幅收窄問題範圍。我想一想，即是private banker的？「也可以由private banker說起。」Private banker也有幾種，有些銀行會將private banker分為「客戶經理」和「投資顧問」兩職，有些銀行則會由一人兼任兩個崗位。這樣一說，記者朋友的好奇心更大，越問越多。訪問將近尾聲時候，記者朋友詢問一個比較輕鬆的問題：「中環人有冇談論《華爾街狼人》？」
里安納度美化金融人
有，當然有。論其口碑和製作團隊之強勁，就算不是中環人，也必定會談論《華爾街狼人》。人人都說這部戲醜化華爾街，侮辱金融人。看完後，完全沒有這種感覺，反而我覺得金融人被此片過份美化了。中環人，邊有咁醒呀？當然，中環一定有狼人，但可以肯定的告訴你，蠢人必定比狼人多。
里安納度狄卡比奧飾演的Jordan Belfort，不是名門之後，也沒有頂級學府的畢業證書，由寂寂無聞變億萬巨富，就是靠把口。Belfort在一個類似車房的地方成立他的團隊，招攬一班全無金融知識但相當有嘴頭的銷售高手。每家分毫不值的爛鬼公司，經過Belfort以及其團隊的語言偽術，都彷彿變成股海裏的稀世奇珍。「本來真係唔會同你講，但見大家咁好傾，介紹呢隻股票畀你，千祈唔好同人講。」這種「祈福黨」層次的訛騙手法，稍為有點小聰明的二打六都很容易學懂，本來沒甚麼了不起。
但Belfort的過人之處，就是其膽識和遠見：與其要呃，不如呃一班有錢的。就這樣，Belfort為團隊進行特訓，讓每位成員都成為虛有其口的金融說客。越做越大，Belfort由那個荒廢的車房走進華爾街，被財經報章「譽」為狼人。最後，當然天網恢恢，狼人難逃被囚的惡果。
睇完呢部戲，千祈唔好覺得「貪心」有問題。「貪」是沒有問題的，如果要我為「中環價值」下個定義，肯定就是個「貪」字。如果中環人唔貪，哪來「國際金融中心」這個美譽？很多人堅信，「財富不能被製造，只會被轉移」，某程度上，這句話千真萬確。而所謂金融人，就是每天在鬥智鬥力地玩這個「財富轉移」的遊戲，看看at the end of the day，最多的財富會轉移到誰的口袋裏。
Greed is just a word until you give it a meaning，「貪」到底是甚麼？如果貪埋貪埋係純粹為咗住淺水灣揸保時捷，「貪」即是傲；但如果貪埋貪埋係想阿媽可以做個換腎手術，「貪」就是愛。
只要「貪得有道理」，貪得無厭也並無不可。講真，人就是貪得無厭的。如果搵緊一萬一個月，你可能會同自己講，搵到十萬一個月就乜都夠啦。到你搵到十萬、二十萬嘅時候，諗番以前一萬過一個月嘅日子，你會覺得匪夷所思。
認識一個朋友，well，其實不算是朋友，佢識我而我又識佢咁啦。有次同佢飲兩杯，可能係酒入愁腸，佢突然話覺得自己好冇用。「讀咁多書，都係搵嗰少少錢。」其實佢咁講，即係寸緊我，因為我同佢係搵差唔多咁多錢，and I can assure you，嗰啲絕對唔算係少少錢。「Marcus，你諗吓，一年最多得咁多，就算完全唔使，十年先有咁多，你話我係唔係冇用？」忘記當時怎樣回答，只記得他的眼神的確帶點哀傷。講得好聽啲，就係不甘於現狀。但說明白點，就是「貪」。
擁有超乎常人的貪念，如果再給他超乎常人的眼光和膽識，就是另一個狼人的誕生。這個朋友，果真嫌投資銀行令他賺得不夠多，幾年前，毅然轉投一家網絡遊戲公司當個CFO。上年第四季，這家公司在香港交易所的主板掛牌。一登龍門，市值爆升，這個今日只是三十出頭的CFO，坐擁着的股權數量，讓他成為身家接近7,000萬元的小富豪。
「貪字得個貧」信唔過
常言道，貪字得個貧，千祈唔好信。如果「貪」的後果是「貧」，世界上又怎會有這麼多富豪？「貪」加個「蠢」，才是貧。「蠢」的涵義很廣，為錢犯法，絕對是「蠢」的一種。明知是「蠢」的行為，又為甚麼這麼多人甘願鋌而走險？那一晚，我和兩個朋友走入IFC的戲院看這齣《華爾街狼人》。每個戲院播的《華爾街狼人》肯定一模一樣，但在IFC的戲院看，別有風味。
戲播完，開燈，我未見過一個戲院有咁多西裝友。人群慢慢湧出戲院，我聽到後面有個男人說：「咁多女，咁多錢，坐兩年監，抵到爛。」Now you know，中環好多「蠢」人。
不過，最蠢，當然都係女人。散場的時候，有一對小情侶，女人問她的西裝友男朋友：「BB，如果你坐監，我一定唔會好似個女主角咁離開你㗎。但係如果你咁有錢，你會唔會玩女人㗎？」你看，女人就是這樣的，寧願個男人坐監，都唔想佢玩女人。這個西裝友，回答得非常真誠：「梗係唔會啦BB。」
個男人答得咁真，唔係因為佢肯定唔會玩女人，而係佢肯定自己唔會搵到咁多錢。
葉朗程
留言
張貼留言