20150524-八十後投機客：一生只想尋找一隻肯屙煙的股票
八十後投機客：一生只想尋找一隻肯屙煙的股票
7:30 24/5/2015
■當你挑選的一隻開始在正確的軌道上漸入佳境，而你又敢於按照自己計劃加注，那麼他便是你的The One了。
講到要在市場上賺大錢，總會有好多人巴巴閉閉咁分享佢哋嘅心得。有些認為要有隻股票要有動人的故事，有些認為要搵低PE，高增長，仲要派息豐厚，最好仲送埋紅股畀你，而有些則認為要識得入Excel。當然以上的條件有齊晒就當然好，但係呢個時候，你要問自己一句：「咁隻股你肯買幾多先？」
當你要決定買幾多的一剎那，你會否從最終幻想中解放出黎？有時聽到一些股評人講一些股講到龍飛鳳舞，天上有地下無，然後看一看他對該股的申報，發現他從過去、現在、未來都沒有持有該股，相信大家心中都有一個疑問：「咁你做乜唔落注先？」當然唔排除因為申報麻煩、利益衝突和獨立性等等因素令他唔方便持有該等有無限上升空間的股份，所以上述只為一個極端例子畀大家反思一下自己，會否出現做塘邊鶴時候大大聲，落場時則不敢下注，或只落細細注，最後賺得蠅頭小利便離場，甚至眼巴巴看着其爆升而自己無份。
正所謂君子求諸己，小人求諸人，股票贏輸的最大因素好多時都會是自己，出現黑天鵝除外。所以每當準備買入股份時可以問一問自己看對時敢否加注，慢慢加大投放於該心水股份的資金，因為回報=投入的資金X回報率，即使你找到一隻可以上升一倍的股票，但你投放的資金只佔你整體的小部份，到時只會令自己哭笑不得。
當你挑選的一隻開始在正確的軌道上漸入佳境，而你又敢於按照自己計劃加注，那麼他便是你的The One了。而一隻股票的持倉比例越大，風險亦相對越大，所以風險管理亦需要更加嚴格制訂和遵守。而風險管理做得越好，你敢於投注在一隻股票的注碼亦會更大，因為你開始建立了對注碼控制的信心，兩者相輔相成，使每一次升浪為你帶來的絕對回報更大，從而增加整體回報。而當然，呢度所講的屙煙不是叫你all in你的整副身家，而是你最大能投放於一隻股份而又不影響心理質素的份額，實際會是多少因人而累，需要大家從實戰中自己慢慢摸索。
如果試過大大注有信心持有一隻股份，食盡一個升浪，嗰一下就叫感動。一次牛市，尋覓到一隻你敢all in的股票，三個字，買得過。
灝昇
https://www.facebook.com/speculatorjunior
7:30 24/5/2015
■當你挑選的一隻開始在正確的軌道上漸入佳境，而你又敢於按照自己計劃加注，那麼他便是你的The One了。
講到要在市場上賺大錢，總會有好多人巴巴閉閉咁分享佢哋嘅心得。有些認為要有隻股票要有動人的故事，有些認為要搵低PE，高增長，仲要派息豐厚，最好仲送埋紅股畀你，而有些則認為要識得入Excel。當然以上的條件有齊晒就當然好，但係呢個時候，你要問自己一句：「咁隻股你肯買幾多先？」
當你要決定買幾多的一剎那，你會否從最終幻想中解放出黎？有時聽到一些股評人講一些股講到龍飛鳳舞，天上有地下無，然後看一看他對該股的申報，發現他從過去、現在、未來都沒有持有該股，相信大家心中都有一個疑問：「咁你做乜唔落注先？」當然唔排除因為申報麻煩、利益衝突和獨立性等等因素令他唔方便持有該等有無限上升空間的股份，所以上述只為一個極端例子畀大家反思一下自己，會否出現做塘邊鶴時候大大聲，落場時則不敢下注，或只落細細注，最後賺得蠅頭小利便離場，甚至眼巴巴看着其爆升而自己無份。
正所謂君子求諸己，小人求諸人，股票贏輸的最大因素好多時都會是自己，出現黑天鵝除外。所以每當準備買入股份時可以問一問自己看對時敢否加注，慢慢加大投放於該心水股份的資金，因為回報=投入的資金X回報率，即使你找到一隻可以上升一倍的股票，但你投放的資金只佔你整體的小部份，到時只會令自己哭笑不得。
當你挑選的一隻開始在正確的軌道上漸入佳境，而你又敢於按照自己計劃加注，那麼他便是你的The One了。而一隻股票的持倉比例越大，風險亦相對越大，所以風險管理亦需要更加嚴格制訂和遵守。而風險管理做得越好，你敢於投注在一隻股票的注碼亦會更大，因為你開始建立了對注碼控制的信心，兩者相輔相成，使每一次升浪為你帶來的絕對回報更大，從而增加整體回報。而當然，呢度所講的屙煙不是叫你all in你的整副身家，而是你最大能投放於一隻股份而又不影響心理質素的份額，實際會是多少因人而累，需要大家從實戰中自己慢慢摸索。
如果試過大大注有信心持有一隻股份，食盡一個升浪，嗰一下就叫感動。一次牛市，尋覓到一隻你敢all in的股票，三個字，買得過。
灝昇
https://www.facebook.com/speculatorjunior
留言
張貼留言