20140131-【七筆思議】一言棠：馬年行好運！
【七筆思議】一言棠：馬年行好運！
8:39 31/1/2014
■馬年伊始，一言棠祝大家新春行大運。
今日正月年初一，一言棠祝香港人，新春馬年行大運！
春風得意馬蹄疾，萬事暢順皆稱心，大小商戶同興旺，一本萬利賺萬金！宅男得求如意妻，盛女被拜石榴裙，學子成績列前茅，功課必達第一等，左鄰右里家和睦，一年到晚無紛爭，身健力強體安康，病患百疾難入侵。拜年要講意頭話，此例自古已開行，開講禮多人不怪，新年聚首求開心！
時來運轉人人望，所以港人愛拜神，拜得神多神庇佑？廟祝講你咪信真，無非想你添香油，香油唔夠就頭痕，再講港人乜都拜，話之關公觀世音，最緊要佢夠靈驗，唔怕你許願「鞾鞉」，所以爭上頭炷香，為了取悅神明心，爭先恐後打崩頭，務求一香插穩陣，誰知廟祝隨手拔，唔夠一秒俾人掹。如此鏡頭成慣例，每年必定上新聞，有時加個夏蕙姨，鬼火咁靚去拜神，新正頭三更半夜，大姐你唔好嚇人！
冷眼看世態炎涼
世事邊有咁着數，有求必應非常「紊」！如果畀你做神明，包你眼瞓兼頭暈，事關善信品流雜，無論紳士與流氓，蠱惑仔定係差人，都係求同一樣嘢，試問善惡怎平衡？求籤更加信唔過，因為靠人解籤文，解籤都係搵兩餐，單靠把口周圍「坤」，年年都話中下籤，好彩香港仲未冧，咁耐係得一句準，就係政府有小人，究竟小人係邊個？一眾高官誰接近？林鄭一哥或茂波，定係錦樑有景轟？其實好難下判斷，因為眾官多無能。
讀者可能就會問：點解CY會冇份？莫非阿棠無間道，其實暗中投梁粉？梁粉其實唔易做，阿棠那有此天份？冷眼看世態炎涼，政道從來險而狠，一朝得志意風發，轉眼頓作對頭人，助選熱情甜如蜜，當選之後似離婚，班子醜聞鬧不絕，烏合之眾難結盟，古語常言讀書高，惟有萬官皆下品。話說回頭再解籤，政官當中誰小人？其實見微可知著，誰作虛偽誰為真，當官總求眾和睦，理想要求仁得仁，縱然樹倒猢猻散，不應洞內獨藏身，有鑊卸責下屬背，如此上司正西人！講咁耐仲未開估？其實諗都唔使諗，話明自己係西人，個名梗係用英文。
馬年香港繼續旺，滿街滿地自由行，市民搭遲一班車，高官嚟講好應份，歪理如珠連環出，市民聽見發竧𣉢。香港長久難安居，但又冇錢怎移民？惟有承傳上一輩，發揮獅子山精神，肯捱肯搏敢樂觀，抵讚之餘抵得諗，大家切莫心意冷，黑暗盡頭光明近！做人求心安理得，亦應做個好公民，守法敢言求正義，先配香港citizen（市民）。
歐錦棠
8:39 31/1/2014
■馬年伊始，一言棠祝大家新春行大運。
今日正月年初一，一言棠祝香港人，新春馬年行大運！
春風得意馬蹄疾，萬事暢順皆稱心，大小商戶同興旺，一本萬利賺萬金！宅男得求如意妻，盛女被拜石榴裙，學子成績列前茅，功課必達第一等，左鄰右里家和睦，一年到晚無紛爭，身健力強體安康，病患百疾難入侵。拜年要講意頭話，此例自古已開行，開講禮多人不怪，新年聚首求開心！
時來運轉人人望，所以港人愛拜神，拜得神多神庇佑？廟祝講你咪信真，無非想你添香油，香油唔夠就頭痕，再講港人乜都拜，話之關公觀世音，最緊要佢夠靈驗，唔怕你許願「鞾鞉」，所以爭上頭炷香，為了取悅神明心，爭先恐後打崩頭，務求一香插穩陣，誰知廟祝隨手拔，唔夠一秒俾人掹。如此鏡頭成慣例，每年必定上新聞，有時加個夏蕙姨，鬼火咁靚去拜神，新正頭三更半夜，大姐你唔好嚇人！
冷眼看世態炎涼
世事邊有咁着數，有求必應非常「紊」！如果畀你做神明，包你眼瞓兼頭暈，事關善信品流雜，無論紳士與流氓，蠱惑仔定係差人，都係求同一樣嘢，試問善惡怎平衡？求籤更加信唔過，因為靠人解籤文，解籤都係搵兩餐，單靠把口周圍「坤」，年年都話中下籤，好彩香港仲未冧，咁耐係得一句準，就係政府有小人，究竟小人係邊個？一眾高官誰接近？林鄭一哥或茂波，定係錦樑有景轟？其實好難下判斷，因為眾官多無能。
讀者可能就會問：點解CY會冇份？莫非阿棠無間道，其實暗中投梁粉？梁粉其實唔易做，阿棠那有此天份？冷眼看世態炎涼，政道從來險而狠，一朝得志意風發，轉眼頓作對頭人，助選熱情甜如蜜，當選之後似離婚，班子醜聞鬧不絕，烏合之眾難結盟，古語常言讀書高，惟有萬官皆下品。話說回頭再解籤，政官當中誰小人？其實見微可知著，誰作虛偽誰為真，當官總求眾和睦，理想要求仁得仁，縱然樹倒猢猻散，不應洞內獨藏身，有鑊卸責下屬背，如此上司正西人！講咁耐仲未開估？其實諗都唔使諗，話明自己係西人，個名梗係用英文。
馬年香港繼續旺，滿街滿地自由行，市民搭遲一班車，高官嚟講好應份，歪理如珠連環出，市民聽見發竧𣉢。香港長久難安居，但又冇錢怎移民？惟有承傳上一輩，發揮獅子山精神，肯捱肯搏敢樂觀，抵讚之餘抵得諗，大家切莫心意冷，黑暗盡頭光明近！做人求心安理得，亦應做個好公民，守法敢言求正義，先配香港citizen（市民）。
歐錦棠
留言
張貼留言