20160518-馮睎乾：「親切問候」張德江
馮睎乾：「親切問候」張德江
6:11 18/5/2016
滿清官員，英文叫Mandarin，所以張德江來港，就是「香港M到」。M到會影響日常生活，所以地盤停工，巴士改道，香港人暴躁，都順理成章。最估佢唔到，是城管也在激素異常分泌的影響下，拉大隊守荒山野嶺。儍豬豬，守住一座山，仲有千千萬萬座山，要張德江睇唔到嘢，除咗戒嚴之外，仲可以插盲佢㗎嘛。
其實香港人出名善忘，咩直幡？咩「我要真普選」？早就拋諸腦後。城管偏要勞師動眾紮營駐兵，彷彿魔教召開武林大會，廣發英雄帖，各路人馬自然從四面八方圍攻光明頂。facebook有「我的這一天」這窩心功能，讓慣性失憶的你回顧當年今日；想不到現實世界也有，由特區城管執行，負責勾起市民的集體回憶，令人滾動。
今天約朋友B吃午飯，他甫坐下就破口大罵：「嗰條粉腸嚟咩香港，正狗官！」我以為有不共戴天之仇，就問：「係咪佢當年隱瞞疫情，害死你邊位親人？」B立即連珠炮發：「如果佢害死我親人，我仲會咁冷靜？股市五窮六絕，我呢輪梗係put啦，明明氣勢如虹，點知條契弟失驚無神落嚟，啲好友乘機炒佢送大禮，咪又係咩深港通嗰啲狗屎垃圾囉，咁就搞到呢兩日個市忽上忽落，仲chok過宋仲基，我俾人夾咗幾百點呀。我唔理，總之呢餐你請！」──忘記介紹，B是金融才俊，自稱「獨沽求利」。
我向來認為面對妖魔鬼怪，最緊要淡定，所以對B說：「知唔知見到污糟嘢應該點？《幽明錄》記載阮德如喺茅廁撞鬼，隻嘢成身黑色好恐怖，正常人見到實好大反應。但阮德如只係若無其事咁講咗句：『人言鬼可憎，果然。』隻鬼一聽就好羞愧，幾乎想say sorry，即刻自己消失。官都係一樣啫，你唔俾反應，佢就惡唔出樣，個市變宋仲基，唔係因為張德江，係你。為支爆盡一分力，繼續沽啦。」
官也好，鬼也好，有時「無視」才是最佳態度。
馮睎乾
電郵 :philomusus@gmail.com
6:11 18/5/2016
滿清官員，英文叫Mandarin，所以張德江來港，就是「香港M到」。M到會影響日常生活，所以地盤停工，巴士改道，香港人暴躁，都順理成章。最估佢唔到，是城管也在激素異常分泌的影響下，拉大隊守荒山野嶺。儍豬豬，守住一座山，仲有千千萬萬座山，要張德江睇唔到嘢，除咗戒嚴之外，仲可以插盲佢㗎嘛。
其實香港人出名善忘，咩直幡？咩「我要真普選」？早就拋諸腦後。城管偏要勞師動眾紮營駐兵，彷彿魔教召開武林大會，廣發英雄帖，各路人馬自然從四面八方圍攻光明頂。facebook有「我的這一天」這窩心功能，讓慣性失憶的你回顧當年今日；想不到現實世界也有，由特區城管執行，負責勾起市民的集體回憶，令人滾動。
今天約朋友B吃午飯，他甫坐下就破口大罵：「嗰條粉腸嚟咩香港，正狗官！」我以為有不共戴天之仇，就問：「係咪佢當年隱瞞疫情，害死你邊位親人？」B立即連珠炮發：「如果佢害死我親人，我仲會咁冷靜？股市五窮六絕，我呢輪梗係put啦，明明氣勢如虹，點知條契弟失驚無神落嚟，啲好友乘機炒佢送大禮，咪又係咩深港通嗰啲狗屎垃圾囉，咁就搞到呢兩日個市忽上忽落，仲chok過宋仲基，我俾人夾咗幾百點呀。我唔理，總之呢餐你請！」──忘記介紹，B是金融才俊，自稱「獨沽求利」。
我向來認為面對妖魔鬼怪，最緊要淡定，所以對B說：「知唔知見到污糟嘢應該點？《幽明錄》記載阮德如喺茅廁撞鬼，隻嘢成身黑色好恐怖，正常人見到實好大反應。但阮德如只係若無其事咁講咗句：『人言鬼可憎，果然。』隻鬼一聽就好羞愧，幾乎想say sorry，即刻自己消失。官都係一樣啫，你唔俾反應，佢就惡唔出樣，個市變宋仲基，唔係因為張德江，係你。為支爆盡一分力，繼續沽啦。」
官也好，鬼也好，有時「無視」才是最佳態度。
馮睎乾
電郵 :philomusus@gmail.com
留言
張貼留言