20170621-林通賢：【Roller 系列】最強資料搜集員，蒲鋒唔靠Google：搵到都係表面
林通賢：【Roller 系列】最強資料搜集員，蒲鋒唔靠Google：搵到都係表面
2017-06-21 20:41
蒲鋒小時候因愛看外國小說，而迷上資料搜集，特別欣賞Frederick Forsyth和Arthur Hailey。
上回 (【Roller系列】資料搜集員解答編劇奇問 蒲鋒：太Detail會教壞人) ，講述前TVB資料搜集員蒲鋒，工作是專解答編劇天馬行空的問題，但人們不禁要問Google什麼都解答得到，還需要資料搜集員嗎？但蒲鋒表示Google有盲點，有些資料連Google都沒有，他說：「Google搵到嘅係表面嘅，但更深入嘅資料佢未必搵到，例如我想搵陪月嘅資料，Google未必講到嗰陪月成個過程係點？點應付嗰個主人，我哋要通過訪問、親自接觸當事人先知道陪月真係要做啲乜?又或者𠲖家好多人成本書upload上網，但如果連本書咩名都唔知，你想搵都搵唔到，譬如明朝消防隊，究竟係點樣架呢？係咪叫消防隊呢？如果你唔識有本書叫《三才圖會》，三才即係天地人，係明朝嘅百科全書，明朝嘅農耕啦，衣著服飾、佢哋嘅戰陣係點，如果你唔識唔會搵到。」
《三才圖會》為明朝百科全書，內容豐富，除了明朝的生活習慣，就連怪獸、神鬼傳說都有記載。
但Google着實太方便，編劇都寧願手機搜尋，都好少去搵資料搜集員幫手，但蒲鋒指Google答案不是絕對，他說：「其實Google有好多錯誤嘅料，你搵100個網都係呢個答案，但佢哋可能都係一個錯嘅源頭。Google可能係萬能，但呢個萬能可能係假，如果你係一個普通人冇專業知識，你好難判斷，一個出錯就所有人出錯，呢個先係最危險，一樣錯嘅嘢經過Google之後，錯都會變成啱，我哋以前都試過，編劇話互聯網都係咁講喎，但我會話所有網都會錯㗎喎，好多時啲編劇摷完網搵到資料，叫我哋唔駛搵，但我知佢哋係錯，不過我地資料搜集組冇權力，佢用唔用我哋資料，係佢哋話事。」
Google有不少假新聞及資訊，沒有獨立思考及分析，容易誤信，圖中美國大麻可殺死癌細胞，是著名的假新聞。
搵資料已經難，但最大挫敗是找對了，但竟然被質疑，不過蒲鋒看得開，他喜歡發掘事物真相的過程及答案，編劇用不用，他不太關心，他說：「佢哋用唔用，冇咩關係，發展個故事係佢哋責任，但我係過程中學識好多嘢，如果唔係TVB我唔會認識養珍珠，又唔會認識唐餅師傅，其實我事後好少睇返，佢出嚟嘅作品係點，我唔係好care，我好耐無睇過TVB喇，我最後一套睇嘅TVB劇係1983年嘅《北斗雙雄》，喺搵資料嘅過程我可以話係自high，我覺得好滿足到我嘅求知慾㗎。」
蒲鋒覺得《踏血尋梅》其中一場盤問室戲，那張枱欠缺真實感。
說TVB認真，應該好多人不同意，但蒲鋒就表示資料搜集這個部門，絕對認真，他說：「TVB拍警察戲，差館佈置都好真實，跟得幾足，因為我哋會專登錄《警訊》，其實警方譬如買咗新型裝備，或者有啲格局更新咗，好多時都會响《警訊》睇到，我哋資料搜集或者編劇，好多時都會錄底，所以佈置出錯機會較低，例如盤問室，TVB跟得幾足係三角型，反而電影《踏血尋梅》有場盤問戲，佢張枱係長方形嘅，對於一個觀眾嚟講可能會話有咩問題，但對我嚟講一睇就知，所有香港嘅警察盤問室嘅枱，全部都係三角型，因為三角型先會冇死角位，差人唔可以用個身形遮住鏡頭，而對犯做任何嘢。」
法庭戲在無綫劇集老是常出現，蒲鋒表示法官著什麼衣服、宣讀誓詞，無綫已儲了不少資料，出錯機會較少。
傳媒遇到難題就愛問專家，資料搜集員亦不例外，但蒲鋒表示專家不是萬能，他說：「有一輪好興法證劇集，我哋都要成日搵呢方面嘅專家，但專家唔係一定答到你嘅問題，因為編劇問題太假定性，例如有次我要問專家，疑犯喺現場踩死咗隻曱甴，咁隻曱甴腳可唔可以配對返嗰犯人呢？如果專家佢冇做過相關嘅事，佢真係未必答到你，但外國劇又可能得喎？因為人哋俾錢囉，人哋俾錢個專家去做相關嘅研究，有時甚至專家研究咗一啲result，去俾編劇創作，同我哋喺寫字樓憑空想像一件事，再搵專家，係兩回事嚟㗎！」
近年網友不時捉到無綫劇集道具出錯，蒲鋒認為是好事，等無綫知道要認真對待。
無綫劇集近年經常被發現道具超越時空，亦質疑一眾製作人員差，但蒲鋒就覺得網友做得好，他說：「網友咁做我係開心喎，網友講究，老闆又知呢樣嘢原來觀眾緊張喎，咁就自然放多啲資源落去囉，例如話支槍唔啱年代，執枝槍嗰個係道具部嚟，我哋無嘢可以做到，從來無人掟劇本嚟，叫我哋睇下有咩資料錯，就算我話唔合理，但編審覺得OK喎，戲劇需要喎，咁我哋都冇計。」
《刺客聶隱娘》獲獎無數，蒲鋒大讚侯孝賢資料搜集足，製作認真。
網友愛捉錯處，可惜，老闆思維不同，蒲鋒慨嘆香港、台灣不論電視或電影，對資料搜集還有很大進步空間，他說：「《刺客聶隱娘》製作非常認真、講究，好多觀眾會聽到電影入面有啲鼓聲，聲音高高低低，好多人以為係配樂，其實因為唐朝有個獨特制度，每個城方朝早或者關門之前，佢哋都會敲鼓，等人知道城門就關，一關咗就唔可以出入，《刺客聶隱娘》做得非常細緻，不過侯孝賢都投訴過，台灣一路以來做電影，都冇一個專門部門做資料搜集，當年胡金銓亦投訴過，寫文章講過資料搜集只係得編劇同導演自己做，香港、台灣電影界都有人抱怨，但唯獨TVB就有專責部門做，但要編劇識得重視，或者監製緊張呢樣嘢先得。」
資料做得齊，睇書最重要，第三篇蒲鋒會分享幾本書給大家，其中一本，資料齊到誇張，講暗殺總統，蒲鋒話跟住本書做，基本上你都殺到，嘩，好誇張喎。
林通賢
2017-06-21 20:41
蒲鋒小時候因愛看外國小說，而迷上資料搜集，特別欣賞Frederick Forsyth和Arthur Hailey。
上回 (【Roller系列】資料搜集員解答編劇奇問 蒲鋒：太Detail會教壞人) ，講述前TVB資料搜集員蒲鋒，工作是專解答編劇天馬行空的問題，但人們不禁要問Google什麼都解答得到，還需要資料搜集員嗎？但蒲鋒表示Google有盲點，有些資料連Google都沒有，他說：「Google搵到嘅係表面嘅，但更深入嘅資料佢未必搵到，例如我想搵陪月嘅資料，Google未必講到嗰陪月成個過程係點？點應付嗰個主人，我哋要通過訪問、親自接觸當事人先知道陪月真係要做啲乜?又或者𠲖家好多人成本書upload上網，但如果連本書咩名都唔知，你想搵都搵唔到，譬如明朝消防隊，究竟係點樣架呢？係咪叫消防隊呢？如果你唔識有本書叫《三才圖會》，三才即係天地人，係明朝嘅百科全書，明朝嘅農耕啦，衣著服飾、佢哋嘅戰陣係點，如果你唔識唔會搵到。」
《三才圖會》為明朝百科全書，內容豐富，除了明朝的生活習慣，就連怪獸、神鬼傳說都有記載。
但Google着實太方便，編劇都寧願手機搜尋，都好少去搵資料搜集員幫手，但蒲鋒指Google答案不是絕對，他說：「其實Google有好多錯誤嘅料，你搵100個網都係呢個答案，但佢哋可能都係一個錯嘅源頭。Google可能係萬能，但呢個萬能可能係假，如果你係一個普通人冇專業知識，你好難判斷，一個出錯就所有人出錯，呢個先係最危險，一樣錯嘅嘢經過Google之後，錯都會變成啱，我哋以前都試過，編劇話互聯網都係咁講喎，但我會話所有網都會錯㗎喎，好多時啲編劇摷完網搵到資料，叫我哋唔駛搵，但我知佢哋係錯，不過我地資料搜集組冇權力，佢用唔用我哋資料，係佢哋話事。」
Google有不少假新聞及資訊，沒有獨立思考及分析，容易誤信，圖中美國大麻可殺死癌細胞，是著名的假新聞。
搵資料已經難，但最大挫敗是找對了，但竟然被質疑，不過蒲鋒看得開，他喜歡發掘事物真相的過程及答案，編劇用不用，他不太關心，他說：「佢哋用唔用，冇咩關係，發展個故事係佢哋責任，但我係過程中學識好多嘢，如果唔係TVB我唔會認識養珍珠，又唔會認識唐餅師傅，其實我事後好少睇返，佢出嚟嘅作品係點，我唔係好care，我好耐無睇過TVB喇，我最後一套睇嘅TVB劇係1983年嘅《北斗雙雄》，喺搵資料嘅過程我可以話係自high，我覺得好滿足到我嘅求知慾㗎。」
蒲鋒覺得《踏血尋梅》其中一場盤問室戲，那張枱欠缺真實感。
說TVB認真，應該好多人不同意，但蒲鋒就表示資料搜集這個部門，絕對認真，他說：「TVB拍警察戲，差館佈置都好真實，跟得幾足，因為我哋會專登錄《警訊》，其實警方譬如買咗新型裝備，或者有啲格局更新咗，好多時都會响《警訊》睇到，我哋資料搜集或者編劇，好多時都會錄底，所以佈置出錯機會較低，例如盤問室，TVB跟得幾足係三角型，反而電影《踏血尋梅》有場盤問戲，佢張枱係長方形嘅，對於一個觀眾嚟講可能會話有咩問題，但對我嚟講一睇就知，所有香港嘅警察盤問室嘅枱，全部都係三角型，因為三角型先會冇死角位，差人唔可以用個身形遮住鏡頭，而對犯做任何嘢。」
法庭戲在無綫劇集老是常出現，蒲鋒表示法官著什麼衣服、宣讀誓詞，無綫已儲了不少資料，出錯機會較少。
傳媒遇到難題就愛問專家，資料搜集員亦不例外，但蒲鋒表示專家不是萬能，他說：「有一輪好興法證劇集，我哋都要成日搵呢方面嘅專家，但專家唔係一定答到你嘅問題，因為編劇問題太假定性，例如有次我要問專家，疑犯喺現場踩死咗隻曱甴，咁隻曱甴腳可唔可以配對返嗰犯人呢？如果專家佢冇做過相關嘅事，佢真係未必答到你，但外國劇又可能得喎？因為人哋俾錢囉，人哋俾錢個專家去做相關嘅研究，有時甚至專家研究咗一啲result，去俾編劇創作，同我哋喺寫字樓憑空想像一件事，再搵專家，係兩回事嚟㗎！」
近年網友不時捉到無綫劇集道具出錯，蒲鋒認為是好事，等無綫知道要認真對待。
無綫劇集近年經常被發現道具超越時空，亦質疑一眾製作人員差，但蒲鋒就覺得網友做得好，他說：「網友咁做我係開心喎，網友講究，老闆又知呢樣嘢原來觀眾緊張喎，咁就自然放多啲資源落去囉，例如話支槍唔啱年代，執枝槍嗰個係道具部嚟，我哋無嘢可以做到，從來無人掟劇本嚟，叫我哋睇下有咩資料錯，就算我話唔合理，但編審覺得OK喎，戲劇需要喎，咁我哋都冇計。」
《刺客聶隱娘》獲獎無數，蒲鋒大讚侯孝賢資料搜集足，製作認真。
網友愛捉錯處，可惜，老闆思維不同，蒲鋒慨嘆香港、台灣不論電視或電影，對資料搜集還有很大進步空間，他說：「《刺客聶隱娘》製作非常認真、講究，好多觀眾會聽到電影入面有啲鼓聲，聲音高高低低，好多人以為係配樂，其實因為唐朝有個獨特制度，每個城方朝早或者關門之前，佢哋都會敲鼓，等人知道城門就關，一關咗就唔可以出入，《刺客聶隱娘》做得非常細緻，不過侯孝賢都投訴過，台灣一路以來做電影，都冇一個專門部門做資料搜集，當年胡金銓亦投訴過，寫文章講過資料搜集只係得編劇同導演自己做，香港、台灣電影界都有人抱怨，但唯獨TVB就有專責部門做，但要編劇識得重視，或者監製緊張呢樣嘢先得。」
資料做得齊，睇書最重要，第三篇蒲鋒會分享幾本書給大家，其中一本，資料齊到誇張，講暗殺總統，蒲鋒話跟住本書做，基本上你都殺到，嘩，好誇張喎。
林通賢
留言
張貼留言