20170623-女子漢映畫：香港製造 ，製造香港
女子漢映畫：香港製造 ，製造香港
21:14 23/6/2017
香港社會改變與電影工業發展一直密不可分，本地有唔少導演都拍過以香港回歸為背景嘅電影，如邱禮濤嘅《等候董建華發落》、陳可辛嘅《甜蜜蜜》等。隨住回歸20周年將至，多部當年經典再度重映，其中一部就係陳果「九七三部曲」之一《香港製造》。
七一公映4K修復版
早喺今年國際電影節，《香》片已完成修復，成為電影節重頭節目，同時間亦掀起爭議──資深電影人舒琪憶述李焯桃當年以此片好「粗」為由，未被獲選成為電影節放映作品。雖然爭議未解決，不過開心嘅係，《香》片4K修復版將於7月1日起公映。
「修復」烏龍嘢
此片當年以50萬元成本兼過期菲林拍成，部分來自劉德華拍《天與地》用剩嘅4萬呎菲林，再加埋其他電影公司借出，拼湊成12萬呎菲林先拍得成。由於用嘅係過期菲林，所以畫面偏藍綠色。今次復修工作係由「意大利烏甸尼遠東電影節」資助，陳果親自監督，畫面色tone固然有所調整，但原來陳果更用特技執番20年前嘅烏龍嘢，例如有幕講屠中秋喺小巴殺人，搞到成身血，但落車嗰陣，佢件衫竟然白白淨。
我唔敢講甚麼「支持香港電影」咁偉大，但《香港製造》見證香港電影發展之餘，亦映照香港20年改變，作為香港人，確實搵唔到理由唔入場睇。
女子漢映畫
21:14 23/6/2017
香港社會改變與電影工業發展一直密不可分，本地有唔少導演都拍過以香港回歸為背景嘅電影，如邱禮濤嘅《等候董建華發落》、陳可辛嘅《甜蜜蜜》等。隨住回歸20周年將至，多部當年經典再度重映，其中一部就係陳果「九七三部曲」之一《香港製造》。
七一公映4K修復版
早喺今年國際電影節，《香》片已完成修復，成為電影節重頭節目，同時間亦掀起爭議──資深電影人舒琪憶述李焯桃當年以此片好「粗」為由，未被獲選成為電影節放映作品。雖然爭議未解決，不過開心嘅係，《香》片4K修復版將於7月1日起公映。
「修復」烏龍嘢
此片當年以50萬元成本兼過期菲林拍成，部分來自劉德華拍《天與地》用剩嘅4萬呎菲林，再加埋其他電影公司借出，拼湊成12萬呎菲林先拍得成。由於用嘅係過期菲林，所以畫面偏藍綠色。今次復修工作係由「意大利烏甸尼遠東電影節」資助，陳果親自監督，畫面色tone固然有所調整，但原來陳果更用特技執番20年前嘅烏龍嘢，例如有幕講屠中秋喺小巴殺人，搞到成身血，但落車嗰陣，佢件衫竟然白白淨。
我唔敢講甚麼「支持香港電影」咁偉大，但《香港製造》見證香港電影發展之餘，亦映照香港20年改變，作為香港人，確實搵唔到理由唔入場睇。
女子漢映畫
留言
張貼留言