20200118-【最壞時代】《十年》磨劍周冠威導演《幻愛》︰留低都係有心人

【最壞時代】《十年》磨劍周冠威導演《幻愛》︰留低都係有心人

2020.01.18

導演周冠威2016年憑電影《十年》贏過香港電影金像獎最佳電影，一部被喻為香港預言書的片，被部份圈內人視為洪水猛獸。周冠威對《十年》既視之為榮譽，亦是一道「枷鎖」。早前他為新導演的電影《幻愛》接受《蘋果日報》訪問，開宗名義談到這份背負︰「《十年》之後終於有香港觀眾認識，雖然我第一部戲叫《一個複雜故事》。榮譽係我去搵資金嘅時候，會有人認識我，呢樣其實好重要。另一面，就是說有一啲投資者唔會搵我或佢哋唔會投資畀我。」一得一失，周冠威自言做對的事，換轉個角度看，自動篩選了投資者或合作的伙伴，未嘗不是好事。他說︰「我唔需要所有人都鍾意我或者所有人都投資畀我。重要嘅係搵對嘅投資者、搵對嘅合作伙伴。」

周冠威欣賞過80、90年代香港電影工業騰飛的作品，他說︰「80、90年代嗰時係一個好時代，而家呢個時代壞到透，變成而家留低嘅人，真係有心人。我唔想用攬炒嚟形容，事實香港電影已經攬炒咗，好多香港觀眾已經唔再睇香港片。但亦因為咁，令香港電影走咗另一條路，已經改朝換代，有好多新導演走出嚟。佢哋諗法同以往香港電影已經唔同，而且整個社會亦都唔同，以前嗰個年代，冇電影學院，現在新出來嘅，個個都係學院派，你會覺得成個香港電影嘅氣質唔同咗。」事實這幾年香港片或多或少都是靠這幫新導演撐起，他說︰「呢班新導演就係香港真本土電影嘅中堅，因為好多電影已經係合拍片，已經係大製作、大陸拍，真係留喺香港拍嘅其實唔多，變咗呢個空間（低成本市場）嘅機會畀咗新導演。」無庸置疑政府在推動上出了助力，《幻愛》亦是透過「資助計劃」獲得20%資金︰「我覺得創意香港係一個幫助，首部劇情片多年嚟有一個唔錯成績。我自己亦受惠另一個資助計劃，好坦白講如果唔係我贏咗政府呢筆錢，我係搵唔到投資者，因為現在太困難了。加上只係用香港本土呢個市場⋯⋯只可以拍一啲唔係好貴，大概一千萬樓下嘅戲。」

對於近年倡議本土、港片，但能否賺錢，是電影工作者要認清的事實，周冠威說︰「香港電影近年其實賺錢嘅好少，我咁樣形容純港產片、本土市場，真係能夠賺錢嘅係越嚟越難。再查查，真係可以回本嘅港產片，其實唔會超過一半，絕大部份都係蝕錢。呢個係現實，一個好殘酷嘅問題，所以越嚟越少電影投資，如果要我形容，電影投資變成一個慈善事業，係非常悲哀。一個商業市場，變成慈善事業，一個幾悲哀嘅結局，但係香港電影現在面對就係咁樣。」他補充：「嗰啲『善長仁翁』就係唔想香港電影死，唔係好多個。我可以開名好似我嘅監製、Golden Scene老闆Winnie，就係其中一個善長。」周冠威表示有數可計，以《幻愛》600萬小成本計，同戲院分賬後，差不多要1,800萬元票房才可回本，試問一年中有多少港片可以過千萬，他說︰「都同我另外一位投資者坦白講，香港而家呢個情況，一年內，過1,000萬（票房）嘅純港產片有幾多部？我記得有一年，係只得4至5部，有3部係賀歲片。」

在周冠威口中的「善長」有已經「上晒岸」的影圈人，他們希望可以回饋香港電影，另一班是跟電影業無關，卻很愛香港及香港電影的有心人，他找來的投資人屬後者︰「呢位投資者完全唔係投資電影，佢確實只想多啲香港電影，佢亦都好直接話，因為鍾意《十年》所以投資畀我。我亦都灌輸佢，唔好當電影係一項投資，大家都開心啲，我都好坦白講我拍得幾好都好，都唔代表你會賺錢。要視乎市場、天時、地利、人和，我同演員只可做好本份，完成一部得體嘅電影，至於結果係點，就要睇電影自己嘅生命。」他透露這位投資者很可愛，特別之處是他認為需要有香港電影講香港，希望多點香港故事在港產片出現，所以才投資，重要是沒有想過賺錢。

採訪︰何永寧

攝影︰沈健程

蔡思韵

Hair : Lupuschui@orient4

Make up: ShuenKong@WiLLWong

Wardrobe: Artist’s own

Venue: 東南樓藝術酒店