20180926-月巴氏：沒有特務戇J，只有高官戇X
月巴氏：沒有特務戇J，只有高官戇X
23:13 26/9/2018
睇《特務戇J》，我無比快樂，但又隱隱然有種唔知點形容的感覺。
我是經過戇豆洗禮的人，超愛由Rowan Atkinson飾演的這個成年人——這個成年人，不是甚麼Kidult，純粹是懶理成人世界種種（虛偽）規條，但佢咁做，肯定不是為了達到甚麼懶偉大的反動目的，他就只是一個不幸披著成年人軀殼、每天不幸存活在成人世界的細路。
Why他不可以表達自己？因為他近乎不言不語（即使有講嘢你都聽唔到佢講乜，又或者，根本冇人願意聽清楚佢講乜）。只有（自以為）正常的成年人才會有咁多嘢需要講需要發表。發表，對成年人來說是（自以為）正常不過的行為。
所以他注定是孤獨的。
永遠記得《Do It Yourself Mr. Bean》這一集。戇豆邀請了兩個同事去佢寒舍Count Down，但同事頂唔順戇豆大費周章安排的所謂節目，於是趁他不為意把時針校到12點，Yeah，新一年話咁快已經來臨，戇豆同佢隻Teddy Bear安然就寢，而同事隨即去了戇豆隔籬屋個Party——一個真正屬於成年人的Party，繼續Happy。
這一集，好好笑，但又好悲哀。當戇豆置身成人世界裡，注定是一個異鄉人。
難怪真正明白戇J的是一班細路。當長期冇任務喺身的凌凌漆不得不做一個風度翩翩（唔找過夜數）的豬肉佬，同樣被國家忘記的戇J，就做小學老師，（擅自）訓練小學生成為特務人才，而成班細路明顯好受教，好鍾意呢個（被大人遺棄的）大人。
戇豆，是Rowan Atkinson早在讀電子工程碩士時就開始思考的角色，是動用理性而得出的一個角色；戇J，則是Rowan Atkinson將戇豆靈魂注入占士邦的人物，旨在打破占士邦（以及英國特務）被既定的懶有型——當007總是可以一邊攬女一邊單人匹馬拯救世界而又Keep住有型時，戇J就注定只能自以為浪漫兼冇喺乜人幫陀的情況下完成任務，而又Keep住甩轆和符碌。
所以我不喜歡上一集的安排，安排在任務中嚴重犯錯的戇J深入神秘的東方潛修，試圖動用一種「東方主義」的思維模式，將戇J的愚笨夾硬詮釋成大智若愚（但暗地裡其實依然在取笑西人視角中的東方）。結果成集最好睇，就只是播片尾Credit時，接近一鏡直落地拍（Rowan Atkinson用獨門肢體語言示範）戇J式廚藝。
今集的戇J終於變回原來的那一個戇J（就連拍檔也用回首集由Ben Miller飾演的Angus Bough），再一次唔覺意地被天降大任，動用他那種不合時宜的舊時代方式，拯救這個一切都講究數據的世界，算不上超有趣，但依然超好笑，好笑在Rowan Atkinson的演繹（尤其鍾意他在高級法國餐廳用偽法國腔調扮法國Waiter那一場）。
戲，我是在山竹蹂躪香港冇耐後睇的，所以當睇見Emma Thompson演的首相，好難唔令我諗埋一二邊——由頭到尾她都是一個好大喜功自以為好叻好打得的人，全程見高拜見低踩；偏偏這個令人篤眼篤鼻的首相身邊還有個幫得手的戇J，香港的特首身邊，就有一個將一碌高鐵巧妙比喻為十八年一條好漢的陳帆。
對比喻如此斟酌講究，實在超越戇J直迫戇X。
月巴氏
23:13 26/9/2018
睇《特務戇J》，我無比快樂，但又隱隱然有種唔知點形容的感覺。
我是經過戇豆洗禮的人，超愛由Rowan Atkinson飾演的這個成年人——這個成年人，不是甚麼Kidult，純粹是懶理成人世界種種（虛偽）規條，但佢咁做，肯定不是為了達到甚麼懶偉大的反動目的，他就只是一個不幸披著成年人軀殼、每天不幸存活在成人世界的細路。
Why他不可以表達自己？因為他近乎不言不語（即使有講嘢你都聽唔到佢講乜，又或者，根本冇人願意聽清楚佢講乜）。只有（自以為）正常的成年人才會有咁多嘢需要講需要發表。發表，對成年人來說是（自以為）正常不過的行為。
所以他注定是孤獨的。
永遠記得《Do It Yourself Mr. Bean》這一集。戇豆邀請了兩個同事去佢寒舍Count Down，但同事頂唔順戇豆大費周章安排的所謂節目，於是趁他不為意把時針校到12點，Yeah，新一年話咁快已經來臨，戇豆同佢隻Teddy Bear安然就寢，而同事隨即去了戇豆隔籬屋個Party——一個真正屬於成年人的Party，繼續Happy。
這一集，好好笑，但又好悲哀。當戇豆置身成人世界裡，注定是一個異鄉人。
難怪真正明白戇J的是一班細路。當長期冇任務喺身的凌凌漆不得不做一個風度翩翩（唔找過夜數）的豬肉佬，同樣被國家忘記的戇J，就做小學老師，（擅自）訓練小學生成為特務人才，而成班細路明顯好受教，好鍾意呢個（被大人遺棄的）大人。
戇豆，是Rowan Atkinson早在讀電子工程碩士時就開始思考的角色，是動用理性而得出的一個角色；戇J，則是Rowan Atkinson將戇豆靈魂注入占士邦的人物，旨在打破占士邦（以及英國特務）被既定的懶有型——當007總是可以一邊攬女一邊單人匹馬拯救世界而又Keep住有型時，戇J就注定只能自以為浪漫兼冇喺乜人幫陀的情況下完成任務，而又Keep住甩轆和符碌。
所以我不喜歡上一集的安排，安排在任務中嚴重犯錯的戇J深入神秘的東方潛修，試圖動用一種「東方主義」的思維模式，將戇J的愚笨夾硬詮釋成大智若愚（但暗地裡其實依然在取笑西人視角中的東方）。結果成集最好睇，就只是播片尾Credit時，接近一鏡直落地拍（Rowan Atkinson用獨門肢體語言示範）戇J式廚藝。
今集的戇J終於變回原來的那一個戇J（就連拍檔也用回首集由Ben Miller飾演的Angus Bough），再一次唔覺意地被天降大任，動用他那種不合時宜的舊時代方式，拯救這個一切都講究數據的世界，算不上超有趣，但依然超好笑，好笑在Rowan Atkinson的演繹（尤其鍾意他在高級法國餐廳用偽法國腔調扮法國Waiter那一場）。
戲，我是在山竹蹂躪香港冇耐後睇的，所以當睇見Emma Thompson演的首相，好難唔令我諗埋一二邊——由頭到尾她都是一個好大喜功自以為好叻好打得的人，全程見高拜見低踩；偏偏這個令人篤眼篤鼻的首相身邊還有個幫得手的戇J，香港的特首身邊，就有一個將一碌高鐵巧妙比喻為十八年一條好漢的陳帆。
對比喻如此斟酌講究，實在超越戇J直迫戇X。
月巴氏
留言
張貼留言