20191023-蘋人誌：「歷史證物無法揑造」，環保設計師張瑋晉
蘋人誌：「歷史證物無法揑造」，環保設計師張瑋晉
2019年10月23日
專門設計upcycling升級再造產品的Kevin，藉着義賣自製手指琴，為612人道基金及星火籌款。
產品設計師張瑋晉（Kevin）手執一個手指琴，叮叮噹噹地彈奏一段港人熟悉的旋律——《願榮光歸香港》，不完美，卻清脆動聽。手指琴原本是非洲部族的傳統樂器，在椰子殼或木盒上加設鐵片震動發聲。但這個手指琴，用的卻是6.12夏慤道被遺下的雨傘遮骨與廢棄紅酒箱木塊。「遮明明係日常生活用品，市民用佢嚟作卑微抵抗，但就俾政府講成好暴力嘅工具，事實同啲遮骨一樣被扭曲。」Kevin嘆息道。
記者：陳詠恩
攝影︰何柏佳
Kevin開班教做手指琴的主要目的，是培養大家動手做的習慣，給予物件二次生命。
從抗爭現場拾獲的雨傘，至今依然散發出陣陣催淚煙的味道。
從衝擊感受當時
三十出頭的Kevin，從事upcycling（升級再造）產品設計逾八年，大學設計系畢業後他在電池公司工作，因受不了過度生產而辭職，全力回收升種物料製作自家設計的產品，例如用膠樽配合會展地毯料製成喇叭、舊單車軨變吊燈、廢棄電飯煲製成單車軨，大纜都扯唔埋的剩餘物料，在他手上都找到出路，漸漸打響名堂，甚至連法國名牌去年都找他合作，設計中環旗艦店部份室內設計。
走進他位於灣仔歷史古蹟「黃屋」內的工作室，彷彿去了歐洲，偌大的圓拱形木窗框迎進一室陽光，樓底夠高，一條條木橫樑與花地磚都在訴說歷史。Kevin認為復修後黃屋與他從事的upcycling設計有異曲同工之妙，「Upcycling講到好真實嘅古仔，嗰樣嘢係揑造唔到嘅」，工作室一角放了一堆破傘子，Kevin抽起其中一把傘子，着記者過去一嗅，濃濃的催淚煙味直衝腦門，眼水和鼻水幾乎要流出來，那烽煙四起的畫面馬上浮現，打開一看，原來被燒焦了幾個大洞，他解釋破傘於10.1後，從夏慤道回收得來，估計曾被催淚彈所燒穿。
另一把傘的主幹完全折斷，「你諗吓要幾大力先會連主幹都打斷？個吓衝擊幾強烈。從死物你會直接feel到當時嘅情況，呢樣亦係upcycling有趣嘅位，一個實物講個故事係更立體，無論你拍幾多片、寫幾多文，你去博物館都係要睇實物，香港嘅博物館應該要展示返呢啲實物」。
Kevin從6.12起在夏慤道拾獲了數十把雨傘，最近他剪下部份遮骨用來做手指琴，9月28日，雨傘運動五周年當日，他在facebook專頁發帖，公佈會以這些雨傘製作四十個手指琴，只要捐款250元予612人道基金、星火同盟等支持反送中抗爭的機構，便可認領一個。「我出咗post就去咗沖涼，點知沖完涼出嚟已滿額，個post後來仲reach咗20萬人！」網民的熱烈反應出乎他意料，於是他花了一個星期起貨，做到手指也痠疼，正陸續寄出。
其實用遮骨製作手指琴的想法，早於2014年雨傘運動時萌生。「嗰時有人做講座、放映、自修室、教手作班，好似大家都有貢獻，就諗自己有咩可以做？」當年夏慤道有人建立回收站，回收了不少雨傘，啟發了他利用遮骨的彈性，回收商場無人認領的雨傘製作手指琴，商場的雨傘大多完好無缺，但這批捱過警暴的破傘別具意義，代表市民抗爭心血。「世界各地都有爛遮，香港人見到會有另一種感覺。」他先將雨傘去除防水布，拆下撐起傘布的鐵技，把鐵技剪成不同長短，鑲嵌在紅酒木板上，不過最花時間是調音，要彈出12個音節，就要十二支鐵技的位置都調校準確，這12個音節便足以彈奏《願榮光歸香港》和《Do you hear the people sing》兩首歌曲。
手指琴以雨傘的支架為主要材料，同時記錄了今次抗爭活動。
兩代傾唔埋 決不做順民
回想6.12當日，他跟很多香港人一樣，到政總門常開的草地「野餐」，沒想到下午近4時，警方突然發難暴力驅散示威者。添美道天橋下，示威者做着抗爭手語，高舉雙手比劃長遮形狀，高呼「長遮！長遮」，兵荒馬亂，橋上的人聰明地打開雨傘，雨傘一朵朵飄到橋下讓人接住，「嗰日都幾大雨，睇得出好多大人本身唔係預將把遮俾人嘅，佢哋捐出去嘅唔係7仔、OK嗰啲普通遮，而真係有名牌嘅遮，香港人原來可以咁無私」。
雨傘鬥不過警察的棍棒與槍彈，Kevin離開後，整日盯着新聞直播，看見催淚彈如雨下，示威者中彈，警察一棍棍狠勁打落持傘的人，他徹夜難眠。次日清晨，新聞片段呈現夏慤道一片狼藉，很多物資站都來不及收拾，清潔工與夾車忙着清理街道，他便馬上趕回去想執拾有用的物資，帶走36把支離破碎的雨傘，直覺這些物資總會有日用得着。直至八月底，有人創作出《願榮光歸香港》，唱到街知巷聞，Kevin便嘗試用自製的手指琴彈奏，找到物料與音樂之間的共鳴。
他記得其中一位支持義賣的客人回覆令他頗心痛，定單地址來自某警察宿舍，客人自稱為「深黃狗女」，「見到呢句，我心情好複雜，究竟撕裂到咩地步，點解一個人要叫自己做『狗女』呢？當你嘅家人、朋友都變成敵對點相處，我知道好唔容易過，惟有text佢叫佢加油」。
如此感同身受，因為Kevin都面對與父母政見極不同，出身小康之家的他，爸爸是主理民事訴訟的律師，「我爸係深藍，反送中初期都好多傾唔埋嘅嘢，佢見過好多大陸走資落嚟嘅cases，夾住嚿錢嚟香港，所以覺得修例係有需要，捉返所謂嘅逃犯，即使我例舉晒大律師公會嘅理據，都說服唔到佢」。Kevin一臉無奈，後來以免父母情緒激動，惟有避而不談。
他自言自己一直是「頂心杉」，反送中是他與父母分歧最大的一次，但其實一直以來，父母都不太支持他從事環保設計，總是質疑能否賺到錢，「夠唔夠結婚生仔買樓？」就連Kevin以單車代步四、五年，爸爸也會認為太危險，「做乜唔乖乖地搭地鐵？」他說：「上一代唔易跳出comfort zone，我媽好鍾意買嘢，我叫佢用少啲膠樽，佢都會叫我唔好搞佢，不過我老竇最近都開始垃圾分類，拎去社區回收站回收，會慢慢明嘅，生活就係抗爭。」
製作手指琴 改變習慣兼舒壓
Kevin義賣手指琴時會公開手指琴製作方法，間中也會開班教授，讓人日後家中有爛遮也可以自製。「就好似呢次運動係冇大台，唔一定要跟我教，個個人都可以自己做，我教班嘅目的除咗帶個琴返屋企，仲想培養大家落手做嘅習慣，鼓勵大家唔一定要消費，有嘢爛咗可以整。」改變日常生活習慣，才是他真正想做到的革命。
他舉例，雨傘運動期間，有人在夏慤道設街站做垃圾分類，往後其他遊行都越來越多人幫手把垃圾分類，還衍生出每個社區自設「不是垃圾站」，自己社區自己救。這次反送中運動，地鐵不斷封站，他發現有朋友發起「天光ride」活動，早上拉大隊踩單車上班，由上環踩去太古，以行動抵制港鐵，「每次社會運動好似都會chok鬆咗大家嘅想像，衣食住行唔同範疇嘅人都會實踐追求緊嘅價值，環保唔只講緊回收膠樽，而係整個消費模式改變」。
即使是小小手指琴，也有另類教育用途，Kevin指以往光顧upcycling產品的客人，總是希望產品毫無瑕疵，今次訂購的客人反而樂意保留遮骨的凹痕與彎曲位，因為這些都是見證香港人對抗極權的證明。「諗返7.21當日，黑社會揸棍，但市民仲係用遮去擋，只係一個好卑微嘅抵抗。遮其實好低武力嘅工具，但就被講成好暴力，事實同啲遮骨一樣被扭曲。」
下一步，他希望為學生做點事，前陣子有老師想他到學校教學生製作手指琴，「因為𠵱家好多學生都係全副心機擺係運動度，老師好擔心運動完咗之後，學生返唔到正常生活，所以想舉行一啲活動，可以畀學生靜態地表達自己」。用自製的手指琴彈港人之歌，是精神上的支持，也有助舒壓。
蘋人誌
2019年10月23日
專門設計upcycling升級再造產品的Kevin，藉着義賣自製手指琴，為612人道基金及星火籌款。
產品設計師張瑋晉（Kevin）手執一個手指琴，叮叮噹噹地彈奏一段港人熟悉的旋律——《願榮光歸香港》，不完美，卻清脆動聽。手指琴原本是非洲部族的傳統樂器，在椰子殼或木盒上加設鐵片震動發聲。但這個手指琴，用的卻是6.12夏慤道被遺下的雨傘遮骨與廢棄紅酒箱木塊。「遮明明係日常生活用品，市民用佢嚟作卑微抵抗，但就俾政府講成好暴力嘅工具，事實同啲遮骨一樣被扭曲。」Kevin嘆息道。
記者：陳詠恩
攝影︰何柏佳
Kevin開班教做手指琴的主要目的，是培養大家動手做的習慣，給予物件二次生命。
從抗爭現場拾獲的雨傘，至今依然散發出陣陣催淚煙的味道。
從衝擊感受當時
三十出頭的Kevin，從事upcycling（升級再造）產品設計逾八年，大學設計系畢業後他在電池公司工作，因受不了過度生產而辭職，全力回收升種物料製作自家設計的產品，例如用膠樽配合會展地毯料製成喇叭、舊單車軨變吊燈、廢棄電飯煲製成單車軨，大纜都扯唔埋的剩餘物料，在他手上都找到出路，漸漸打響名堂，甚至連法國名牌去年都找他合作，設計中環旗艦店部份室內設計。
走進他位於灣仔歷史古蹟「黃屋」內的工作室，彷彿去了歐洲，偌大的圓拱形木窗框迎進一室陽光，樓底夠高，一條條木橫樑與花地磚都在訴說歷史。Kevin認為復修後黃屋與他從事的upcycling設計有異曲同工之妙，「Upcycling講到好真實嘅古仔，嗰樣嘢係揑造唔到嘅」，工作室一角放了一堆破傘子，Kevin抽起其中一把傘子，着記者過去一嗅，濃濃的催淚煙味直衝腦門，眼水和鼻水幾乎要流出來，那烽煙四起的畫面馬上浮現，打開一看，原來被燒焦了幾個大洞，他解釋破傘於10.1後，從夏慤道回收得來，估計曾被催淚彈所燒穿。
另一把傘的主幹完全折斷，「你諗吓要幾大力先會連主幹都打斷？個吓衝擊幾強烈。從死物你會直接feel到當時嘅情況，呢樣亦係upcycling有趣嘅位，一個實物講個故事係更立體，無論你拍幾多片、寫幾多文，你去博物館都係要睇實物，香港嘅博物館應該要展示返呢啲實物」。
Kevin從6.12起在夏慤道拾獲了數十把雨傘，最近他剪下部份遮骨用來做手指琴，9月28日，雨傘運動五周年當日，他在facebook專頁發帖，公佈會以這些雨傘製作四十個手指琴，只要捐款250元予612人道基金、星火同盟等支持反送中抗爭的機構，便可認領一個。「我出咗post就去咗沖涼，點知沖完涼出嚟已滿額，個post後來仲reach咗20萬人！」網民的熱烈反應出乎他意料，於是他花了一個星期起貨，做到手指也痠疼，正陸續寄出。
其實用遮骨製作手指琴的想法，早於2014年雨傘運動時萌生。「嗰時有人做講座、放映、自修室、教手作班，好似大家都有貢獻，就諗自己有咩可以做？」當年夏慤道有人建立回收站，回收了不少雨傘，啟發了他利用遮骨的彈性，回收商場無人認領的雨傘製作手指琴，商場的雨傘大多完好無缺，但這批捱過警暴的破傘別具意義，代表市民抗爭心血。「世界各地都有爛遮，香港人見到會有另一種感覺。」他先將雨傘去除防水布，拆下撐起傘布的鐵技，把鐵技剪成不同長短，鑲嵌在紅酒木板上，不過最花時間是調音，要彈出12個音節，就要十二支鐵技的位置都調校準確，這12個音節便足以彈奏《願榮光歸香港》和《Do you hear the people sing》兩首歌曲。
手指琴以雨傘的支架為主要材料，同時記錄了今次抗爭活動。
兩代傾唔埋 決不做順民
回想6.12當日，他跟很多香港人一樣，到政總門常開的草地「野餐」，沒想到下午近4時，警方突然發難暴力驅散示威者。添美道天橋下，示威者做着抗爭手語，高舉雙手比劃長遮形狀，高呼「長遮！長遮」，兵荒馬亂，橋上的人聰明地打開雨傘，雨傘一朵朵飄到橋下讓人接住，「嗰日都幾大雨，睇得出好多大人本身唔係預將把遮俾人嘅，佢哋捐出去嘅唔係7仔、OK嗰啲普通遮，而真係有名牌嘅遮，香港人原來可以咁無私」。
雨傘鬥不過警察的棍棒與槍彈，Kevin離開後，整日盯着新聞直播，看見催淚彈如雨下，示威者中彈，警察一棍棍狠勁打落持傘的人，他徹夜難眠。次日清晨，新聞片段呈現夏慤道一片狼藉，很多物資站都來不及收拾，清潔工與夾車忙着清理街道，他便馬上趕回去想執拾有用的物資，帶走36把支離破碎的雨傘，直覺這些物資總會有日用得着。直至八月底，有人創作出《願榮光歸香港》，唱到街知巷聞，Kevin便嘗試用自製的手指琴彈奏，找到物料與音樂之間的共鳴。
他記得其中一位支持義賣的客人回覆令他頗心痛，定單地址來自某警察宿舍，客人自稱為「深黃狗女」，「見到呢句，我心情好複雜，究竟撕裂到咩地步，點解一個人要叫自己做『狗女』呢？當你嘅家人、朋友都變成敵對點相處，我知道好唔容易過，惟有text佢叫佢加油」。
如此感同身受，因為Kevin都面對與父母政見極不同，出身小康之家的他，爸爸是主理民事訴訟的律師，「我爸係深藍，反送中初期都好多傾唔埋嘅嘢，佢見過好多大陸走資落嚟嘅cases，夾住嚿錢嚟香港，所以覺得修例係有需要，捉返所謂嘅逃犯，即使我例舉晒大律師公會嘅理據，都說服唔到佢」。Kevin一臉無奈，後來以免父母情緒激動，惟有避而不談。
他自言自己一直是「頂心杉」，反送中是他與父母分歧最大的一次，但其實一直以來，父母都不太支持他從事環保設計，總是質疑能否賺到錢，「夠唔夠結婚生仔買樓？」就連Kevin以單車代步四、五年，爸爸也會認為太危險，「做乜唔乖乖地搭地鐵？」他說：「上一代唔易跳出comfort zone，我媽好鍾意買嘢，我叫佢用少啲膠樽，佢都會叫我唔好搞佢，不過我老竇最近都開始垃圾分類，拎去社區回收站回收，會慢慢明嘅，生活就係抗爭。」
製作手指琴 改變習慣兼舒壓
Kevin義賣手指琴時會公開手指琴製作方法，間中也會開班教授，讓人日後家中有爛遮也可以自製。「就好似呢次運動係冇大台，唔一定要跟我教，個個人都可以自己做，我教班嘅目的除咗帶個琴返屋企，仲想培養大家落手做嘅習慣，鼓勵大家唔一定要消費，有嘢爛咗可以整。」改變日常生活習慣，才是他真正想做到的革命。
他舉例，雨傘運動期間，有人在夏慤道設街站做垃圾分類，往後其他遊行都越來越多人幫手把垃圾分類，還衍生出每個社區自設「不是垃圾站」，自己社區自己救。這次反送中運動，地鐵不斷封站，他發現有朋友發起「天光ride」活動，早上拉大隊踩單車上班，由上環踩去太古，以行動抵制港鐵，「每次社會運動好似都會chok鬆咗大家嘅想像，衣食住行唔同範疇嘅人都會實踐追求緊嘅價值，環保唔只講緊回收膠樽，而係整個消費模式改變」。
即使是小小手指琴，也有另類教育用途，Kevin指以往光顧upcycling產品的客人，總是希望產品毫無瑕疵，今次訂購的客人反而樂意保留遮骨的凹痕與彎曲位，因為這些都是見證香港人對抗極權的證明。「諗返7.21當日，黑社會揸棍，但市民仲係用遮去擋，只係一個好卑微嘅抵抗。遮其實好低武力嘅工具，但就被講成好暴力，事實同啲遮骨一樣被扭曲。」
下一步，他希望為學生做點事，前陣子有老師想他到學校教學生製作手指琴，「因為𠵱家好多學生都係全副心機擺係運動度，老師好擔心運動完咗之後，學生返唔到正常生活，所以想舉行一啲活動，可以畀學生靜態地表達自己」。用自製的手指琴彈港人之歌，是精神上的支持，也有助舒壓。
蘋人誌
留言
張貼留言