20170210-蘋果--【老師救粵語】香港有自己嘅《小王子》，廣東話版係噉樣

【老師救粵語】香港有自己嘅《小王子》，廣東話版係噉樣
21:18 10/2/2017


一位熱愛語言的中學老師Thomas，每到一個地方都會買一本當地語言的《小王子》。看過不同國家方言的譯本，他反問：「點解咁多人用嘅廣東話，反而冇自己嘅《小王子》？」

「意大利起碼有十幾個唔同方言版本嘅《小王子》，米蘭語有，威尼斯語都有。但一個（面積）大意大利三十倍嘅中國，就一個方言版本都冇，咁多人講嘅廣東話都冇一本自己嘅繙譯，好明顯係遏制方言發展。」這是一位熱愛語言的中學老師，主動做《小王子》廣東話譯本的原因。


「香港教育傾向用普通話」　政府刻意迴避

蔡偉泉（Thomas）是位中學老師，教英文教電腦，喜歡四處旅行，每到一個地方都會買一本當地語言的《小王子》。年前，他決定要自己做繙譯，自資出版一本香港廣東話的《小王子》。他笑說《小王子》是全球第二多譯本的書，本來就有很多人特意收藏。「好多唔同地方或國家，都有自己方言版本嘅《小王子》，幾少人用嘅方言都有。」他舉例說，緬甸語和拿坡里語並不普遍，但一樣有它們的譯本。「點解香港，我哋咁多人用嘅廣東話，反而冇自己嘅《小王子》呢？」

除了「羨慕」遠方外國有多個方言的《小王子》繙譯，Thomas更感慨鄰近的廣州，有小學明明想教廣東話，但卻被指企圖分裂國家、搞「粵獨」而被迫停止。「連自發寫廣東話教材，都俾人話分裂國家，你睇到廣東話喺內地冇生存空間。」加上香港教育隻字不提廣東話，他更覺得此事非做不可。「香港教育方針好明顯係傾向用普通話，完全冇元素去學廣東話，好似粵拼、諺語或歇後語呢啲有趣題材，我覺得政府係刻意迴避！」


Thomas更感慨鄰近的廣州，有小學明明想教廣東話，但卻被指企圖分裂國家、搞「粵獨」，可見廣東話於內地沒有生存空間。

對於香港教育隻字不提廣東話，他覺得政府是刻意迴避：「香港教育方針好明顯係傾向用普通話，完全冇元素去學廣東話！」因此，譯廣東話《小王子》此事非做不可。

一年前Thomas開始繙譯，他指廣東話有很多寫法上的難題。他以「山旯旮」為例，「好多人都寫開『卡啦』，所以我會用通俗寫法，但加個注腳解釋。」他在注腳標示讀音和正字，並加以介紹正字，讓大家邊閱讀邊學習。


請教學者　考究寫法　為譯出地道版本

一年前Thomas開始繙譯，其間一遇到難題就會請教學者，或在社交網站問意見。當中最大問題，就是字應該怎樣寫。「廣東話有好多有音冇字嘅情況，或者唔知邊個係正字，甚至寫咗正字反而睇唔明。」他以「山旯旮」為例，「本字應該係『旯旮』，但好多人都寫開『卡啦』。呢個情況為避免讀者睇唔明，我會用通俗寫法。」然而，他會在此字詞下加上注解，標示讀音和正字，並加以解釋。「我想介紹番每個字詞嘅正字，咁大家可以邊睇，邊學習埋廣東話寫法。」

另外，一些我們每日都用的字，他一樣考究過才下筆，例如「咁」和「噉」。一般我們現在都寫前者，但原來兩字有着不同意思。「六、七十年代嘅香港，其實兩個字嘅使用係有分野嘅，只係後來我哋慢慢混淆咗。」他解釋指，「咁」讀gam3，類近於書面語的「那麼」，所以我們會說「咁大」、「咁重」；「噉」讀gam2，類似書面語的「這樣」，即是應寫成「慢慢噉行」、「原來係噉解」。「書中我都分別用相應嘅寫法，希望大家睇本書時，都會好似學多一個小知識。」他希望有日，會有一本「廣東話字寫法大全」出現，方便有心人日後做廣東話書籍。「整合好寫法，推廣廣東話，或者寫出嚟都容易啲。」

另外，一些我們每日都用的字，如「咁」和「噉」，他一樣考究過才下筆。「六、七十年代嘅香港，其實兩個字嘅使用係有分野嘅，只係後來我哋慢慢混淆咗。」

Thomas直言很多外國人親身來港前，一直都以為香港講普通話，因此特意加入英文寫的序。「我唔想外國人聽到我哋係香港人，就講（普通話）『你好』。」

他自豪能為廣東話出一分力：「我係個講廣東話嘅人，對自己嘅語言好自豪，我好願意作出貢獻。」
英文寫序介紹：等外國人知香港係講廣東話嘅
Thomas自資出版一本未知有否市場的書，還特意加入朋友用英文寫的序，全因想推廣廣東話，更期望讀的不只香港人。他直言很多外國人親身來港前，一直都以為香港講普通話。「我加個英文介紹，講少少廣東話嘅特色。至少等佢哋知香港係講廣東話嘅。我唔想外國人聽到我哋係香港人，就講（普通話）『你好』。」

今時今日，香港有不少人或團體為廣東話出心出力，他自豪能成為其中一員。問到他做這一切，是否與職業是老師有關，他笑笑口否認。「我係個講廣東話嘅人，對自己嘅語言好自豪，我好願意作出貢獻。」


記者：黃凱婷
攝影：周芝瑩
2017果籽繼續認真知味。識買惜用。行以求知。好事多為。重修舊好。