20170217-方俊傑：【西遊記】格雷教你欲拒還迎
方俊傑：【西遊記】格雷教你欲拒還迎
21:20 17/2/2017
用一種截然不同的心態看待《格雷2》，果然有不同體會。
【文化籽：西遊記】
兩年前，情人節前夕，《格雷的五十道色戒》（Fifty Shades of Grey）上畫，我當時還在壹仔打工，看完，盛怒，忍不住在雜誌寫了一篇文字，破口大罵。
是我的錯。電影擺明拍給女性觀眾看，給她們用來幻想用來宣洩用來面對自己的慾望，我卻錯誤地將一齣純愛片當成色情片去期待，嫌棄女主角樣唔夠靚身材唔夠好，SM場面唔SM，情節極度沉悶，根本是無理取鬧。要睇愛情動作片，返屋企開隻三上悠亞啦。
多得身邊女性好友的提醒，和鼓勵，我嘗試用一種截然不同的心態去看待《格雷的五十道色戒2》（Fifty Shades Darker）。不是帶備青瓜入場，只是把自己想像成一名普通女性。未必有男朋友或老公；就算有，他都不會夠膽在人山人海的升降機內愛撫我；就算夠膽，技術都不會高明得摸到我接近有性高潮。現實是工時很長工作很累明天要早起地鐵很擠迫不如瞓啦錫一啖都花氣力。現實是青瓜有益身心。嘩，個觀感立即唔同晒。有很多一直解不通的地方，突然明白了。點解女主角唔算太靚太好身材？如果唔係平平凡凡似個在灣仔或馬鞍山也會碰到的普通人，你叫我如何代入自己也可以媾個億萬富翁呀？正常人覺得自己做到甘比，也不會覺得自己做到李嘉欣囉。點解SM場面唔夠SM？因為我接受到粗暴一點激烈一點的性愛，但接受唔到痛痛囉。玩SM無所謂呀，但係一定唔可以鞭打唔可以滴蠟，其實連大力少少都唔得，SM也要SM得好溫柔，唔係，我會驚驚，我會反感㗎。
至於，情節沉悶，就更加理所當然。《格雷》其實是一本教科書。你有見過不沉悶的教科書嗎？
來到第二集，又靚仔又大隻又有錢又有才華又有品味又有男子氣概又好得閒的格雷先生，力求跟女主角復合。復合無耐，就求婚。廿七歲咋，你試試走出街，搵一個廿七歲已經想結婚的有為青年給我看看？搞大女朋友個肚，都未必肯就範啦。能夠將鑽石級浪子妥貼收服，你話，女主角的手段，係咪好值得一眾姊妹學習學習？
如果用一句說話總結，其實好簡單，就係欲拒還迎。背後理念是首先要具備極強自信心，敢於向內心最想得到的，大大聲聲說一句不。個賭注好大喎！沒所謂的，又不是許下甚麼承諾。何況，大部份人，許下甚麼承諾，也可以輕易反口。說過好想退休說過重視家庭生活的，轉個頭，推翻一切，你吹得佢脹咩？電影出現過一個反面教材：話說格雷有個前度，唔抵得女主角能夠登堂入室，明明大家咁高咁大，點解得佢可以同老闆又拍拖又過夜？自己聽教聽話任勞任怨偏偏被用完即棄，合約限期一到，僱傭關係立即遭停止？於是，某一日，她拿着手槍，打算伏擊情敵，點知，舊主子一現身，腳都軟埋隨即下跪雙手將武器奉上。下場是被送去精神病院接受治療。做個順民，不會獲得愛情，只會獲得命令。只會做到一隻兵。
女主角就聰明得多了。老闆想玩SM，配合過一次，即嗌唔好。逼到老闆開始忍耐，甚至打算改變個人喜好，心癢難耐之際，女主角又突然舉手申請玩一鑊。重點在，女主角要自己都恨玩。唔可以真係唔肯玩，如果真係唔肯玩，男主角終極來說其實一定會無癮一定會走人。再舉一例：男主角畀筆錢女主角，數目唔大，一般來說，一係收，一係唔收。收，太無性格；唔收，又太唔畀面。女主角收，收完之後，隔一排，參與慈善舞會，再將筆錢完整地捐出去。表面上好似是顯示自己唔貪錢，實際上只能顯示自己唔貪咁少錢，但至少擺出一個姿勢：自己聽話得來有點唔聽話。轉個角度，也可以理解成唔聽話得來其實相當聽話。說到底，都係聽話，不過怎樣聽話也不可以由頭到尾老闆話乜就乜。這很重要，因為，太容易操控太容易估計的，太沒趣味。
要獲勝，必先學懂欲拒還迎。不要再以為never say no，就能守得雲開。奴性從不值錢。你看林鄭與葉劉在待遇上得到的差異，難道還不明白？
其實欲拒還迎也是一門學問。
鑽石級浪子被收服，問你怕未？
女主角樣貌與身材都普通，可令觀眾更有代入感。
撰文：方俊傑
觀塘長大，壹仔打滾，偏愛西片、西劇、中日韓美女。利物浦悲慘球迷，非西人一個。fb:方俊傑
編輯：陳禮康
美術：孔文彬
方俊傑
網頁：https://www.facebook.com/fongchunkithk/
21:20 17/2/2017
用一種截然不同的心態看待《格雷2》，果然有不同體會。
【文化籽：西遊記】
兩年前，情人節前夕，《格雷的五十道色戒》（Fifty Shades of Grey）上畫，我當時還在壹仔打工，看完，盛怒，忍不住在雜誌寫了一篇文字，破口大罵。
是我的錯。電影擺明拍給女性觀眾看，給她們用來幻想用來宣洩用來面對自己的慾望，我卻錯誤地將一齣純愛片當成色情片去期待，嫌棄女主角樣唔夠靚身材唔夠好，SM場面唔SM，情節極度沉悶，根本是無理取鬧。要睇愛情動作片，返屋企開隻三上悠亞啦。
多得身邊女性好友的提醒，和鼓勵，我嘗試用一種截然不同的心態去看待《格雷的五十道色戒2》（Fifty Shades Darker）。不是帶備青瓜入場，只是把自己想像成一名普通女性。未必有男朋友或老公；就算有，他都不會夠膽在人山人海的升降機內愛撫我；就算夠膽，技術都不會高明得摸到我接近有性高潮。現實是工時很長工作很累明天要早起地鐵很擠迫不如瞓啦錫一啖都花氣力。現實是青瓜有益身心。嘩，個觀感立即唔同晒。有很多一直解不通的地方，突然明白了。點解女主角唔算太靚太好身材？如果唔係平平凡凡似個在灣仔或馬鞍山也會碰到的普通人，你叫我如何代入自己也可以媾個億萬富翁呀？正常人覺得自己做到甘比，也不會覺得自己做到李嘉欣囉。點解SM場面唔夠SM？因為我接受到粗暴一點激烈一點的性愛，但接受唔到痛痛囉。玩SM無所謂呀，但係一定唔可以鞭打唔可以滴蠟，其實連大力少少都唔得，SM也要SM得好溫柔，唔係，我會驚驚，我會反感㗎。
至於，情節沉悶，就更加理所當然。《格雷》其實是一本教科書。你有見過不沉悶的教科書嗎？
來到第二集，又靚仔又大隻又有錢又有才華又有品味又有男子氣概又好得閒的格雷先生，力求跟女主角復合。復合無耐，就求婚。廿七歲咋，你試試走出街，搵一個廿七歲已經想結婚的有為青年給我看看？搞大女朋友個肚，都未必肯就範啦。能夠將鑽石級浪子妥貼收服，你話，女主角的手段，係咪好值得一眾姊妹學習學習？
如果用一句說話總結，其實好簡單，就係欲拒還迎。背後理念是首先要具備極強自信心，敢於向內心最想得到的，大大聲聲說一句不。個賭注好大喎！沒所謂的，又不是許下甚麼承諾。何況，大部份人，許下甚麼承諾，也可以輕易反口。說過好想退休說過重視家庭生活的，轉個頭，推翻一切，你吹得佢脹咩？電影出現過一個反面教材：話說格雷有個前度，唔抵得女主角能夠登堂入室，明明大家咁高咁大，點解得佢可以同老闆又拍拖又過夜？自己聽教聽話任勞任怨偏偏被用完即棄，合約限期一到，僱傭關係立即遭停止？於是，某一日，她拿着手槍，打算伏擊情敵，點知，舊主子一現身，腳都軟埋隨即下跪雙手將武器奉上。下場是被送去精神病院接受治療。做個順民，不會獲得愛情，只會獲得命令。只會做到一隻兵。
女主角就聰明得多了。老闆想玩SM，配合過一次，即嗌唔好。逼到老闆開始忍耐，甚至打算改變個人喜好，心癢難耐之際，女主角又突然舉手申請玩一鑊。重點在，女主角要自己都恨玩。唔可以真係唔肯玩，如果真係唔肯玩，男主角終極來說其實一定會無癮一定會走人。再舉一例：男主角畀筆錢女主角，數目唔大，一般來說，一係收，一係唔收。收，太無性格；唔收，又太唔畀面。女主角收，收完之後，隔一排，參與慈善舞會，再將筆錢完整地捐出去。表面上好似是顯示自己唔貪錢，實際上只能顯示自己唔貪咁少錢，但至少擺出一個姿勢：自己聽話得來有點唔聽話。轉個角度，也可以理解成唔聽話得來其實相當聽話。說到底，都係聽話，不過怎樣聽話也不可以由頭到尾老闆話乜就乜。這很重要，因為，太容易操控太容易估計的，太沒趣味。
要獲勝，必先學懂欲拒還迎。不要再以為never say no，就能守得雲開。奴性從不值錢。你看林鄭與葉劉在待遇上得到的差異，難道還不明白？
其實欲拒還迎也是一門學問。
鑽石級浪子被收服，問你怕未？
女主角樣貌與身材都普通，可令觀眾更有代入感。
撰文：方俊傑
觀塘長大，壹仔打滾，偏愛西片、西劇、中日韓美女。利物浦悲慘球迷，非西人一個。fb:方俊傑
編輯：陳禮康
美術：孔文彬
方俊傑
網頁：https://www.facebook.com/fongchunkithk/
留言
張貼留言