20160129-蘋果：【專題籽】唔怕有借冇還，堅持漂碟覓知音
蘋果：【專題籽】唔怕有借冇還，堅持漂碟覓知音
21:04 29/1/2016
從事音樂網媒的阿Car，過去三年開辦了十多次漂碟地攤。
【專題籽：易零壹綠】
漂書聽得多，漂碟又聽過未？想聽音樂，喺電腦手機打網址就得，不過將以前買落、如今少聽的CD，向知音人借出或交換，物盡其用又共同享樂，雖然還碟率低於一半，要靠參加者自律，但的確拉近了音樂同好的距離。
上周末，葵青劇院露天廣場正舉行MaD自由市場，不少青年冒着寒風陣陣，照舊擺攤，在廣場上不算當眼的一小角落，有一檔唱片地攤，陳列了一堆來自不同國家的音樂CD，但一律不設購買，只准「漂」。
漂，即是將物件從一個人手上，帶到去另一個人手中。常聽到有漂書，而這個流動唱片攤，數十隻CD任借唔嬲，不設租借期限；地攤放了兩部discman供試聽CD，聽到啱心水先借，留低聯絡方法，下次再開地攤，就是還碟之時，「其實成個意念都係講個信字，我唔想當係一種買賣，因為買賣就係你畀錢我，之後成件事就完結，我想件事浪漫一啲，借咗CD畀對方後，將來有機會或有緣份會還畀我。」檔主阿Car說。
從事音樂網媒的阿Car，過去三年開辦了十多次「漂碟地攤」，今次阿Car擺攤兩日，漂走十多隻CD，最大驚喜是她認識到韓國、印度和菲律賓等地的外國朋友，例如有位17歲韓籍青年，來到攤位和她交流一陣子，就即場打開其discman，拎出已故韓國老牌民謠歌手金光石的CD，仲要CD盒都沒有就直接送給她，而她就介紹本地歌手林一峰的CD，禮尚往來。
地攤提供兩部discman，等你試聽到啱心水先借。
部份CD甚至未拆包裝，當中不少由陌生人放低。
「返屋企後好空虛」
熱愛音樂的八十後阿Car和她的拍檔，第一次開漂碟地攤是2012年底，當時阿Car的朋友辦漂書活動，將書借給陌生人，想起家中囤積大量甚少翻聽的CD，「好似書一樣就咁放喺屋企，間唔中先攞出嚟聽。」於是參加當年西九「自由野」，人漂書，她漂碟，將自己家裏60隻音樂CD和電影原聲大碟，透過地攤同人開心share，大受好評，短短兩小時，手上的CD漂到只剩十多隻。
「無諗過反應咁好，當時冇咗一堆CD，返屋企後覺得個人好空虛，心諗自己做緊乜，身邊好多朋友覺得啲人貪免費先攞CD走，話我係咪儍。但我最後覺得，啲CD放喺屋企只有自己一個聽，藉住借碟還碟，就有機會識到更多新朋友，建立人同人之間一啲緣份。」自此，阿Car前前後後舉辦了十多次漂碟地攤，每年最少一次，雖然不得不承認，最終還碟比率往往不足五成，不過確實有八、九名die-hard漂碟友，當中有女中學生，幾乎每次擺攤都有捧場，履行「下一次見面就還碟」的承諾，甚至有人郵寄還碟，都令她始料不及。
上個周末，阿Car在葵青劇院露天廣場擺攤。
揀好碟要寫低聯絡方法，下次再開檔時就要還。
陌生人放低全新CD
雖然自己的音樂CD陸續被人漂走，但每次擺攤仍然維持一定CD數量，全因阿Car的朋友，以至有陌生人，都會走過來放低CD，當中不乏全新未拆，「現在這箱CD，好多都唔屬於我。」無疑，今時今日透過互聯網等方式，聽音樂變得越來越容易。但透過漂碟地攤交換唱片，能重新喚起都市人聽一張唱片的滿足感，藉着交流，拉近熱衷音樂的同好一些距離，成為阿Car未來繼續漂碟的動力和理由。
漂碟友心聲
九十後Katy
被唱片封面吸引，最後漂了兩隻外國CD，Katy覺得漂碟是人性考驗，「考驗你最後會唔會還碟，如果聽完發覺鍾意隻CD，可能會唔還。」
韓國遊客
漂碟有時有意外收穫，擴闊音樂視野，今次有韓國遊客青年（左）將已故韓國民謠歌手金光石的CD作交換。
韓國青年即場打開自己的discman，拿出金光石的CD送給阿Car，連CD盒都沒有。
「獨‧獨‧地」
阿Car分享音樂、電影的facebook專頁，偶爾會舉辦活動，如漂碟地攤。
facebook：dokdokdei
記者：余 瑋
攝影：黃子偉
編輯：李寶筠
美術：利英豪
21:04 29/1/2016
從事音樂網媒的阿Car，過去三年開辦了十多次漂碟地攤。
【專題籽：易零壹綠】
漂書聽得多，漂碟又聽過未？想聽音樂，喺電腦手機打網址就得，不過將以前買落、如今少聽的CD，向知音人借出或交換，物盡其用又共同享樂，雖然還碟率低於一半，要靠參加者自律，但的確拉近了音樂同好的距離。
上周末，葵青劇院露天廣場正舉行MaD自由市場，不少青年冒着寒風陣陣，照舊擺攤，在廣場上不算當眼的一小角落，有一檔唱片地攤，陳列了一堆來自不同國家的音樂CD，但一律不設購買，只准「漂」。
漂，即是將物件從一個人手上，帶到去另一個人手中。常聽到有漂書，而這個流動唱片攤，數十隻CD任借唔嬲，不設租借期限；地攤放了兩部discman供試聽CD，聽到啱心水先借，留低聯絡方法，下次再開地攤，就是還碟之時，「其實成個意念都係講個信字，我唔想當係一種買賣，因為買賣就係你畀錢我，之後成件事就完結，我想件事浪漫一啲，借咗CD畀對方後，將來有機會或有緣份會還畀我。」檔主阿Car說。
從事音樂網媒的阿Car，過去三年開辦了十多次「漂碟地攤」，今次阿Car擺攤兩日，漂走十多隻CD，最大驚喜是她認識到韓國、印度和菲律賓等地的外國朋友，例如有位17歲韓籍青年，來到攤位和她交流一陣子，就即場打開其discman，拎出已故韓國老牌民謠歌手金光石的CD，仲要CD盒都沒有就直接送給她，而她就介紹本地歌手林一峰的CD，禮尚往來。
地攤提供兩部discman，等你試聽到啱心水先借。
部份CD甚至未拆包裝，當中不少由陌生人放低。
「返屋企後好空虛」
熱愛音樂的八十後阿Car和她的拍檔，第一次開漂碟地攤是2012年底，當時阿Car的朋友辦漂書活動，將書借給陌生人，想起家中囤積大量甚少翻聽的CD，「好似書一樣就咁放喺屋企，間唔中先攞出嚟聽。」於是參加當年西九「自由野」，人漂書，她漂碟，將自己家裏60隻音樂CD和電影原聲大碟，透過地攤同人開心share，大受好評，短短兩小時，手上的CD漂到只剩十多隻。
「無諗過反應咁好，當時冇咗一堆CD，返屋企後覺得個人好空虛，心諗自己做緊乜，身邊好多朋友覺得啲人貪免費先攞CD走，話我係咪儍。但我最後覺得，啲CD放喺屋企只有自己一個聽，藉住借碟還碟，就有機會識到更多新朋友，建立人同人之間一啲緣份。」自此，阿Car前前後後舉辦了十多次漂碟地攤，每年最少一次，雖然不得不承認，最終還碟比率往往不足五成，不過確實有八、九名die-hard漂碟友，當中有女中學生，幾乎每次擺攤都有捧場，履行「下一次見面就還碟」的承諾，甚至有人郵寄還碟，都令她始料不及。
上個周末，阿Car在葵青劇院露天廣場擺攤。
揀好碟要寫低聯絡方法，下次再開檔時就要還。
陌生人放低全新CD
雖然自己的音樂CD陸續被人漂走，但每次擺攤仍然維持一定CD數量，全因阿Car的朋友，以至有陌生人，都會走過來放低CD，當中不乏全新未拆，「現在這箱CD，好多都唔屬於我。」無疑，今時今日透過互聯網等方式，聽音樂變得越來越容易。但透過漂碟地攤交換唱片，能重新喚起都市人聽一張唱片的滿足感，藉着交流，拉近熱衷音樂的同好一些距離，成為阿Car未來繼續漂碟的動力和理由。
漂碟友心聲
九十後Katy
被唱片封面吸引，最後漂了兩隻外國CD，Katy覺得漂碟是人性考驗，「考驗你最後會唔會還碟，如果聽完發覺鍾意隻CD，可能會唔還。」
韓國遊客
漂碟有時有意外收穫，擴闊音樂視野，今次有韓國遊客青年（左）將已故韓國民謠歌手金光石的CD作交換。
韓國青年即場打開自己的discman，拿出金光石的CD送給阿Car，連CD盒都沒有。
「獨‧獨‧地」
阿Car分享音樂、電影的facebook專頁，偶爾會舉辦活動，如漂碟地攤。
facebook：dokdokdei
記者：余 瑋
攝影：黃子偉
編輯：李寶筠
美術：利英豪
留言
張貼留言