20160427-渾水：忽然本土忽然離地的沈學者
渾水：忽然本土忽然離地的沈學者
2016年04月27日
圖為《立足本土的國際視野》封面。
友報星期日版是左翼跟公共知識分子的重大輿論基地，我一廂情願以為會是一篇哀鴻遍野，繼續講安裕和新聞自由。點知，洗版的卻是世界仔學者講自己如何離地，奔向更美好的前程。這也難怪，新聞自由這些價值觸不到，望不透，讀者唔buy，反而香港的現狀同精英離地搵食，大家覺得入屋會關注。無計啦，搵食先係香港最核心的價值嘛，發哥講的。
城外的人想衝進去，城裡的人想逃出來。稜角分明的我唔識國際關係，經濟本科都只係講過international trade同international economics兩科。無論初入門讀的comparative advantage定Heckscher-Ohlin model，都係講緊幾條線交錯形成均衡，講國際間的資源要流動發揮最大效益。有了數理基礎，只要加點花巧的核心價值包裝修飾，精英主義培養的世界仔頓時化身世界公民，升價十倍。
至於本土？不用理會啦，過多幾年，反正都變成「集體回憶」、「昔日情懷」，到時咪春秋二祭紀念下咪算囉。沈學者走佬離港，都係符合經濟的implication，係理性的做法。
大學者的一生比JW首歌更矛盾，本身紅底，外祖父為《大公報》掌管財務的高層，母親亦於《大公報》工作，出來搞智庫Roundtable又有CY推手葉國華出錢出力，收了人好處和利益，但對外又是一臉泛民的氣場。
出事了，又話唔評本土政治，同紅底出身的陶才子齊變抽水機。見到「本土」這個term有價值囉，咪出本書叫《立足本土的國際視野》，一聽個名就知勁啦，又本土又國際。人哋成功將externality internalize，賣書賺名又賺錢，呢啲咪世界叻仔囉。所以，人哋結婚，左中右齊出來。
講紅、講影響力，欄友前輩曾主席不輸沈學者，既然左右不是人，倒不如帶著矛盾去旅行，豁出去開地圖炮，至少有忠黨風骨又有茶後笑話。當Package咁好的劉鳴煒都係英籍，沈學者離港又有咩咁出奇。至於你點解走唔到？因為你家山無福又唔識做世界仔，這也是幾條線交錯形成均衡的理性結果。
作者為九十後財經傳媒人、粗讀經濟學的偽文青
https://www.facebook.com/muddydirtywater
2016年04月27日
圖為《立足本土的國際視野》封面。
友報星期日版是左翼跟公共知識分子的重大輿論基地，我一廂情願以為會是一篇哀鴻遍野，繼續講安裕和新聞自由。點知，洗版的卻是世界仔學者講自己如何離地，奔向更美好的前程。這也難怪，新聞自由這些價值觸不到，望不透，讀者唔buy，反而香港的現狀同精英離地搵食，大家覺得入屋會關注。無計啦，搵食先係香港最核心的價值嘛，發哥講的。
城外的人想衝進去，城裡的人想逃出來。稜角分明的我唔識國際關係，經濟本科都只係講過international trade同international economics兩科。無論初入門讀的comparative advantage定Heckscher-Ohlin model，都係講緊幾條線交錯形成均衡，講國際間的資源要流動發揮最大效益。有了數理基礎，只要加點花巧的核心價值包裝修飾，精英主義培養的世界仔頓時化身世界公民，升價十倍。
至於本土？不用理會啦，過多幾年，反正都變成「集體回憶」、「昔日情懷」，到時咪春秋二祭紀念下咪算囉。沈學者走佬離港，都係符合經濟的implication，係理性的做法。
大學者的一生比JW首歌更矛盾，本身紅底，外祖父為《大公報》掌管財務的高層，母親亦於《大公報》工作，出來搞智庫Roundtable又有CY推手葉國華出錢出力，收了人好處和利益，但對外又是一臉泛民的氣場。
出事了，又話唔評本土政治，同紅底出身的陶才子齊變抽水機。見到「本土」這個term有價值囉，咪出本書叫《立足本土的國際視野》，一聽個名就知勁啦，又本土又國際。人哋成功將externality internalize，賣書賺名又賺錢，呢啲咪世界叻仔囉。所以，人哋結婚，左中右齊出來。
講紅、講影響力，欄友前輩曾主席不輸沈學者，既然左右不是人，倒不如帶著矛盾去旅行，豁出去開地圖炮，至少有忠黨風骨又有茶後笑話。當Package咁好的劉鳴煒都係英籍，沈學者離港又有咩咁出奇。至於你點解走唔到？因為你家山無福又唔識做世界仔，這也是幾條線交錯形成均衡的理性結果。
作者為九十後財經傳媒人、粗讀經濟學的偽文青
https://www.facebook.com/muddydirtywater
留言
張貼留言