20140821-非常人語：擺擂台：謝志峰
非常人語：擺擂台：謝志峰
2014年08月21日
沒有論壇的日子，謝志峰仍要做《左右紅藍綠》監製。「左右」代表香港的左派、右派，「紅」代表中共，「藍綠」是台灣泛藍、泛綠勢力。節目名意指廣納兩岸三地的各方意見，他總想擔當橋樑角色，《左右紅藍綠》是獨腳戲，《城市論壇》就是群眾交鋒。
八月，《城市論壇》抖暑。維園靜了，但香港不見得更和諧。謝志峰是個擺擂台的人，逢週日在維園廣邀各派唇槍舌劍，謝絕粗口與暴力，近期卻開始失守。論壇上，亮鎅刀者有之、跳上枱者有之；還要就嘉賓爭拗、觀眾吵鬧作仲裁。做完一個鐘節目，他像被打了一身，下午返家即倒頭大睡，「八、九點起身，先似番個人形。」
十年前，他接任《城市論壇》主持。每次有重大爭議，論壇必然火爆，例如○五、一○年的政改，今年尤甚，「凡係社會躁動、兩極勢力對壘，就會反映番去論壇裡面。」就算論壇不在，矛盾仍在，「佢哋只會改去政總度嘈。」但現時門常開都已被閘住。
明年便滿六十，「被退休」的傳聞甚囂塵上。「本來就係兩袖清風一個窮記者，嚟就嚟啦。」當年不獲港台續約的周融，今日可紅得很，危中有機乎？「咁佢做嘅嘢，我做唔到囉。」君子有所為，有所不為。個別人士行為過激，尚算事小；高官簽名反佔中、帶頭鼓動群眾鬥群眾，才真正叫他心寒。
周融被炒魷後，一直不願出席港台節目，未有在《城市論壇》上與戴耀廷交鋒。（羅國輝攝）
鏡頭前，謝志峰是個好好先生，甚少落人面，龜縮的官員除外。前年反國教，他贈吳克儉一張空凳，被廣播處長鄧忍光公開炮轟。今年六、七月，八次《城市論壇》都與政改有關，「政改三人組」卻從未蒲頭，他在論壇上發難，「每次都有請相關官員，但近年佢哋好似當呢個節目透明咁。」空凳都擺過，「仲有咩橋啫？一係擺佢哋幅玉照、整個紙板公仔啦。」
「以前林瑞麟一有政制嘢就嚟，佢話：『責任所在呀，政策性嘅嘢，唔可以假手於人，講錯一句半句點搞？』做得呢個位就要揹。」繼老懵董後，我們竟到了懷念人肉錄音機的地步，原來肯現身播放官方立場，已經好俾面。
《城市論壇》一九八○年啟播，是本地首個官民同場論政的直播節目。前廣播處長張敏儀憶述，論壇推出頭幾年，場面冷清。因為那時的香港人仍未有發聲的概念：在公共空間拿起咪、講出自己的想法，是怎麼一回事。三十多年過去，民智漸開。維園阿伯嘈嘈閉，不守秩序，但阿伯駁嘴時有句名言：「我喺香港幾十年，我係呢度嘅主人，點解唔可以講呀？」謝志峰好鍾意，「這就是《城市論壇》的精神。每個人都有這氣概，香港就不會死。」
台下
上月十三日，有男觀眾跳上枱展示「反佔中」標語。雖然圓枱有保安弱點，但為提升觀眾參與的氣氛，謝志峰暫時不想改變。（《蘋果日報》圖片）
鏡頭後，謝志峰其實嬉皮笑臉，蠱蠱惑惑，論壇上禁講的助語詞，他運用得流暢自如。七歲由大陸來港，此前在三面紅旗的饑荒下，日日與其他小孩捉蛇捕雀填肚，甚至成群去搶公家糧。到港後，住在龍蛇混雜的九龍城，練成一副街童性格。別人嫌《城市論壇》似街市罵戰，他就愛其草根味，「啱晒我。」
主持論壇，猶如食四方飯。泛民建制，阿伯阿哥，甚至「愛港」團體的高達斌、傅振中，踩場鬧事後，謝志峰還是可以跟他們飲茶灌水。「始終要保持溝通關係。世界唔係黑就黑、白就白，喺做節目嘅角度出發，都希望大家可以有偈傾，唔係一見面就要鬧交。」
但近來情況有變。七月十三日，一名「反佔中」男觀眾跳上枱。謝志峰事後翻看影帶，暗暗心驚，「佢之前好冷靜㗎。當我一介紹到大嚿，佢就跨過第一級樓梯，踏上鐵欄，跳上枱，葉問咁嘅身手！」他不禁倒抽一口涼氣，「時間嘅控制，上落之準繩，身手之決斷，你會覺得係 train過晒，有晒計劃。」他隱隱覺得來者不善，「維園阿伯是個人身份，志同道合就行埋，一齊噓你咁。」但「愛字頭」不是散兵游勇，「佢地組織性更加強，而且好似有隊形咁，你打前我打後，你攻左我就攻右，令你難於應付。」
場內本來已有三個滅火筒，以防機器過熱着火。「企枱男」出現後，他加多兩個，防備公眾席出事，「今次跳上枱，點知下次會唔會淋火水？」又急急訂製三呎高的膠板，分隔嘉賓席。「我哋本身唔希望有警察喺場內，因為要保證言論自由，唔想好似有人儫實你。」他一直跟維園所屬的北角警署有默契，場內秩序由港台工作人員負責，場外才由警察出手。但近期屢生衝突，他見到便衣警員入場待命，也只能隻眼開隻眼閉。「依家真係警察多過觀眾的。」
從前論壇是一張長枱，四年前換上圓枱，嘉賓圍坐在群眾中間，是謝志峰的構想。這設計易攻難守，但他暫仍未想改變，「長枱無乜現場氣氛，你影住個嘉賓講嘢時，就睇唔到觀眾反應；圓枱影任何人都連住後面一班觀眾，完全睇到佢哋嘅喜怒哀樂，好有現場感。」觀眾也深明此道，近年製作標語牌愈發用心，逢講者發言時便賣力地攝入鏡，「舉牌都係一種溝通，佢覺得我嘅聲音俾人聽到，社會俾我發表意見。如果突然唔俾佢舉牌，就同論壇開放言路的精神相違背。」
席上
嘉賓要有齊左中右三派，方算齊章。有譚耀宗便要有長毛、有黃之鋒也要有蔣麗芸，「呢個對壘形態，係將社會嘅角力反映喺台上面。」但有戴耀廷時為何不見周融？「我有請佢㗎，但佢話『阿峰，你叫我上城市論壇，站在朋友關係，係完全無問題的，但香港電台嘅節目，我係唔做嘅！』」原來有人競逐台長失敗後被炒，懷恨在心。「我話公家嘢，唔好講呢啲啦，但佢係都唔制。」
開得壇，總希望有精彩對戰。但高官唔俾面，只剩下溫吞油膩少頭髮的張建宗，以及笑騎騎的劉江華，「佢好 welcome你嘅問題、好盡力回答你咁樣，點攻佢都係耍八段錦，陰陰柔柔就推番出去。呢種 presentation方式呢，老實講，劉慧卿就要學吓喇。」
但在他心目中，建制派最善辯的，是劉夢熊，「佢以一敵三完全無問題，論述水平同記憶能力，令人刮目相看。」可惜官司纏身，不便邀他上節目。另一因官非而殞落的彗星，是任亮憲，「佢轉數好快，一語中的講出問題核心，好短時間就 present到一個 statement出嚟。記得佢第一次上我節目，我連續比佢發言三次，同台上嘅人交鋒。」維園阿哥淡出，謝志峰甚是惋惜。
除了旁觀，他有時也要出手。上月中蔣麗芸、黃之鋒、鄭宇碩同台講政改，黃之鋒說立法會直選都是公民提名，蔣無法反駁，忽然發明「公民」新定義，說自己由「三粒星」的香港永久居民選出，不是由「公民」所選，「那什麼是公民？」謝志峰問。蔣轉頭去攻擊鄭宇碩有外國國籍。黃之鋒還拖，指曾鈺成都是加拿大人、譚耀宗的子女是澳洲籍，愈扯愈遠。
眼見黃、鄭二人都捉不到問題重心，謝志峰再問，「如果係三粒星永久居民提名，你同唔同意？」蔣顧左右而言他：「你答我同唔同意吖？我問你呀，你代表民建聯喎。」事後蔣麗芸埋怨：「你做主持人嘅做咩郁我？」謝說：「我梗係要郁你啦，我有責任將個節目導向合理嘅討論吖嘛。如果唔係，擺個機械人喺度計時就得啦。」
謝志峰常為新聞自由與 AO處長鄧忍光對着幹，明年他將屆六十之齡，很可能「被退休」不獲續約。（歐陽江攝）
城市論壇雖然吵鬧，但往往是政要和議員表達立場、甚至透露底線的場合。（李育明攝）
每次城市論壇開始前都有造型師為謝志峰化妝 set頭。（《蘋果日報》圖片）
但撐建制的群眾不這樣想，「佢哋喺現場已經講㗎喇，你謝志峰唔公道，大家一齊寫信，搞到佢份工無埋為止。」結果收到七十多封投訴信，史無前例。港台跟公務員規矩，有投訴不能不覆，足足處理了幾個星期。「我當時心諗，你唔搞我，份工都就嚟無㗎啦。」
前路
真正會令他「冇咗份工」的，是由上而下的勢力。謝志峰屬非公務員合約（ NCSC），十多年一直未能轉正做公務員。最近他發現港台正在招聘同級的職位，分明要用人，但偏偏不要他，「我五十八歲之前你唔請人，過咗之後你就請到冚冚聲？」皆因公務員慣例不會請兩年內退休的「老人家」。去年六月，港台貼出內部通告，說 NCSC員工也要依公務員規定，做滿六十歲退休，結果英文部的敢言監製貝格里（ Gary Pollard），今年六十一歲即要執包袱走人，謝估計自己也凶多吉少。「佢個監製位也在招聘，不斷降低要求還未請到人，就是要趕他走。」
「當日企咗出嚟，都知道無運行㗎啦。」除了擺空凳令官員尷尬，近年 AO處長企圖取消《議事論事》、又要調《頭條新聞》和《鏗鏘集》到亞視播，還有助理廣播處長施永遠因拒絕執行政治任務遭「燉冬菇」等，謝志峰都站出來撐到行，發公開信給鄧忍光。「對我個人嚟講，本來無一物，望臨尾發達就傻㗎啫。」但他擔心的是整個港台遭打壓。港台新大樓起不成，各黨都有議員私下跟謝志峰講：「大家知咩事啦，幾廿億喺香港算得乜嘢？問題係俾你做大咗，你連僅有空間都可能無埋。做個鵪鶉台，咪俾你講吓。做大咗，就要ၻ你囉。」
前途暗淡，「如果我單身寡佬就無乜嘢驚，但係女細老婆嫩呢。」謝志峰近年清瘦不少，因為○九年兩度中風，幸急救得快，仍行動如常，只是每天多吃幾款降血壓、降膽固醇、降血脂藥，「好正㗎，減埋脂肪。中完風返嚟，全部西裝鬆泡泡，唔啱著。」
從前他被稱為「腩霸」，原來他七歲來港後繼續「乜都食」，行船的爸爸在家招呼朋友，剩下的煙酒盡歸他所有。中學成績一般，沒考上香港的大學，平平地留學台灣，入讀政大新聞系，畢業回港做報紙佬，煙抽得更兇，女兒出世才戒掉；港台從前有酒吧，放工例牌啤一啤。九七年移民加拿大，不出五年又回流，原因之一竟是「使晒啲錢」，「大使慣呀，日日出去飲茶食飯飲咖啡飲啤酒，我又鍾意請朋友。」
謝志峰銀包裡隨身的舊照，童年時他（中）隨母親（左）來港，逃離飢餓、投奔自由，大姐（右）卻一直拿不到單程證，一家人骨肉分離。
謝志峰（右一）在台灣國立政治大學新聞系畢業，是「堅哥」葉一堅（左一）的小師弟。
星期一至五做《左右紅藍綠》、星期六日做《城市論壇》，謝志峰多年沒陪 14歲的細女去沙灘了。
香港再壞，大不了返加拿大？「如果喺度生活已經無咗安全感，只剩下不平等、壓迫嘅感覺，我無理由逼我家人過呢種恐怖生活。但非不得已唔走。」說起八九六四清場夜，他眼見軍人已把人民英雄紀念碑重重包圍，就帶攝製隊撤到公廁頂，「紀念碑是學生指揮的核心，一定被集中攻擊，留在那裡，人同影帶都不保。」行家鬧他貪生怕死，但在台灣讀書時受過軍訓的他，知驚。後來坦克真的開進，機關槍掃射，他留下這條命，成為每年六四的見證者。「做到幾多就幾多。我唔係烈士，但在可能範圍內會盡力。」對工作亦然，「港台的存活，其實係表現晒整個社會氣氛，而《城市論壇》就作為第一個堡壘，在死頂，讓這點自由空氣唔好被人消滅。」
撰文：林茵
攝影：高仲明
mailto:news@nextmedia.com
壹傳媒互動有限公司 版權所有 不得轉載
2014年08月21日
沒有論壇的日子，謝志峰仍要做《左右紅藍綠》監製。「左右」代表香港的左派、右派，「紅」代表中共，「藍綠」是台灣泛藍、泛綠勢力。節目名意指廣納兩岸三地的各方意見，他總想擔當橋樑角色，《左右紅藍綠》是獨腳戲，《城市論壇》就是群眾交鋒。
八月，《城市論壇》抖暑。維園靜了，但香港不見得更和諧。謝志峰是個擺擂台的人，逢週日在維園廣邀各派唇槍舌劍，謝絕粗口與暴力，近期卻開始失守。論壇上，亮鎅刀者有之、跳上枱者有之；還要就嘉賓爭拗、觀眾吵鬧作仲裁。做完一個鐘節目，他像被打了一身，下午返家即倒頭大睡，「八、九點起身，先似番個人形。」
十年前，他接任《城市論壇》主持。每次有重大爭議，論壇必然火爆，例如○五、一○年的政改，今年尤甚，「凡係社會躁動、兩極勢力對壘，就會反映番去論壇裡面。」就算論壇不在，矛盾仍在，「佢哋只會改去政總度嘈。」但現時門常開都已被閘住。
明年便滿六十，「被退休」的傳聞甚囂塵上。「本來就係兩袖清風一個窮記者，嚟就嚟啦。」當年不獲港台續約的周融，今日可紅得很，危中有機乎？「咁佢做嘅嘢，我做唔到囉。」君子有所為，有所不為。個別人士行為過激，尚算事小；高官簽名反佔中、帶頭鼓動群眾鬥群眾，才真正叫他心寒。
周融被炒魷後，一直不願出席港台節目，未有在《城市論壇》上與戴耀廷交鋒。（羅國輝攝）
鏡頭前，謝志峰是個好好先生，甚少落人面，龜縮的官員除外。前年反國教，他贈吳克儉一張空凳，被廣播處長鄧忍光公開炮轟。今年六、七月，八次《城市論壇》都與政改有關，「政改三人組」卻從未蒲頭，他在論壇上發難，「每次都有請相關官員，但近年佢哋好似當呢個節目透明咁。」空凳都擺過，「仲有咩橋啫？一係擺佢哋幅玉照、整個紙板公仔啦。」
「以前林瑞麟一有政制嘢就嚟，佢話：『責任所在呀，政策性嘅嘢，唔可以假手於人，講錯一句半句點搞？』做得呢個位就要揹。」繼老懵董後，我們竟到了懷念人肉錄音機的地步，原來肯現身播放官方立場，已經好俾面。
《城市論壇》一九八○年啟播，是本地首個官民同場論政的直播節目。前廣播處長張敏儀憶述，論壇推出頭幾年，場面冷清。因為那時的香港人仍未有發聲的概念：在公共空間拿起咪、講出自己的想法，是怎麼一回事。三十多年過去，民智漸開。維園阿伯嘈嘈閉，不守秩序，但阿伯駁嘴時有句名言：「我喺香港幾十年，我係呢度嘅主人，點解唔可以講呀？」謝志峰好鍾意，「這就是《城市論壇》的精神。每個人都有這氣概，香港就不會死。」
台下
上月十三日，有男觀眾跳上枱展示「反佔中」標語。雖然圓枱有保安弱點，但為提升觀眾參與的氣氛，謝志峰暫時不想改變。（《蘋果日報》圖片）
鏡頭後，謝志峰其實嬉皮笑臉，蠱蠱惑惑，論壇上禁講的助語詞，他運用得流暢自如。七歲由大陸來港，此前在三面紅旗的饑荒下，日日與其他小孩捉蛇捕雀填肚，甚至成群去搶公家糧。到港後，住在龍蛇混雜的九龍城，練成一副街童性格。別人嫌《城市論壇》似街市罵戰，他就愛其草根味，「啱晒我。」
主持論壇，猶如食四方飯。泛民建制，阿伯阿哥，甚至「愛港」團體的高達斌、傅振中，踩場鬧事後，謝志峰還是可以跟他們飲茶灌水。「始終要保持溝通關係。世界唔係黑就黑、白就白，喺做節目嘅角度出發，都希望大家可以有偈傾，唔係一見面就要鬧交。」
但近來情況有變。七月十三日，一名「反佔中」男觀眾跳上枱。謝志峰事後翻看影帶，暗暗心驚，「佢之前好冷靜㗎。當我一介紹到大嚿，佢就跨過第一級樓梯，踏上鐵欄，跳上枱，葉問咁嘅身手！」他不禁倒抽一口涼氣，「時間嘅控制，上落之準繩，身手之決斷，你會覺得係 train過晒，有晒計劃。」他隱隱覺得來者不善，「維園阿伯是個人身份，志同道合就行埋，一齊噓你咁。」但「愛字頭」不是散兵游勇，「佢地組織性更加強，而且好似有隊形咁，你打前我打後，你攻左我就攻右，令你難於應付。」
場內本來已有三個滅火筒，以防機器過熱着火。「企枱男」出現後，他加多兩個，防備公眾席出事，「今次跳上枱，點知下次會唔會淋火水？」又急急訂製三呎高的膠板，分隔嘉賓席。「我哋本身唔希望有警察喺場內，因為要保證言論自由，唔想好似有人儫實你。」他一直跟維園所屬的北角警署有默契，場內秩序由港台工作人員負責，場外才由警察出手。但近期屢生衝突，他見到便衣警員入場待命，也只能隻眼開隻眼閉。「依家真係警察多過觀眾的。」
從前論壇是一張長枱，四年前換上圓枱，嘉賓圍坐在群眾中間，是謝志峰的構想。這設計易攻難守，但他暫仍未想改變，「長枱無乜現場氣氛，你影住個嘉賓講嘢時，就睇唔到觀眾反應；圓枱影任何人都連住後面一班觀眾，完全睇到佢哋嘅喜怒哀樂，好有現場感。」觀眾也深明此道，近年製作標語牌愈發用心，逢講者發言時便賣力地攝入鏡，「舉牌都係一種溝通，佢覺得我嘅聲音俾人聽到，社會俾我發表意見。如果突然唔俾佢舉牌，就同論壇開放言路的精神相違背。」
席上
嘉賓要有齊左中右三派，方算齊章。有譚耀宗便要有長毛、有黃之鋒也要有蔣麗芸，「呢個對壘形態，係將社會嘅角力反映喺台上面。」但有戴耀廷時為何不見周融？「我有請佢㗎，但佢話『阿峰，你叫我上城市論壇，站在朋友關係，係完全無問題的，但香港電台嘅節目，我係唔做嘅！』」原來有人競逐台長失敗後被炒，懷恨在心。「我話公家嘢，唔好講呢啲啦，但佢係都唔制。」
開得壇，總希望有精彩對戰。但高官唔俾面，只剩下溫吞油膩少頭髮的張建宗，以及笑騎騎的劉江華，「佢好 welcome你嘅問題、好盡力回答你咁樣，點攻佢都係耍八段錦，陰陰柔柔就推番出去。呢種 presentation方式呢，老實講，劉慧卿就要學吓喇。」
但在他心目中，建制派最善辯的，是劉夢熊，「佢以一敵三完全無問題，論述水平同記憶能力，令人刮目相看。」可惜官司纏身，不便邀他上節目。另一因官非而殞落的彗星，是任亮憲，「佢轉數好快，一語中的講出問題核心，好短時間就 present到一個 statement出嚟。記得佢第一次上我節目，我連續比佢發言三次，同台上嘅人交鋒。」維園阿哥淡出，謝志峰甚是惋惜。
除了旁觀，他有時也要出手。上月中蔣麗芸、黃之鋒、鄭宇碩同台講政改，黃之鋒說立法會直選都是公民提名，蔣無法反駁，忽然發明「公民」新定義，說自己由「三粒星」的香港永久居民選出，不是由「公民」所選，「那什麼是公民？」謝志峰問。蔣轉頭去攻擊鄭宇碩有外國國籍。黃之鋒還拖，指曾鈺成都是加拿大人、譚耀宗的子女是澳洲籍，愈扯愈遠。
眼見黃、鄭二人都捉不到問題重心，謝志峰再問，「如果係三粒星永久居民提名，你同唔同意？」蔣顧左右而言他：「你答我同唔同意吖？我問你呀，你代表民建聯喎。」事後蔣麗芸埋怨：「你做主持人嘅做咩郁我？」謝說：「我梗係要郁你啦，我有責任將個節目導向合理嘅討論吖嘛。如果唔係，擺個機械人喺度計時就得啦。」
謝志峰常為新聞自由與 AO處長鄧忍光對着幹，明年他將屆六十之齡，很可能「被退休」不獲續約。（歐陽江攝）
城市論壇雖然吵鬧，但往往是政要和議員表達立場、甚至透露底線的場合。（李育明攝）
每次城市論壇開始前都有造型師為謝志峰化妝 set頭。（《蘋果日報》圖片）
但撐建制的群眾不這樣想，「佢哋喺現場已經講㗎喇，你謝志峰唔公道，大家一齊寫信，搞到佢份工無埋為止。」結果收到七十多封投訴信，史無前例。港台跟公務員規矩，有投訴不能不覆，足足處理了幾個星期。「我當時心諗，你唔搞我，份工都就嚟無㗎啦。」
前路
真正會令他「冇咗份工」的，是由上而下的勢力。謝志峰屬非公務員合約（ NCSC），十多年一直未能轉正做公務員。最近他發現港台正在招聘同級的職位，分明要用人，但偏偏不要他，「我五十八歲之前你唔請人，過咗之後你就請到冚冚聲？」皆因公務員慣例不會請兩年內退休的「老人家」。去年六月，港台貼出內部通告，說 NCSC員工也要依公務員規定，做滿六十歲退休，結果英文部的敢言監製貝格里（ Gary Pollard），今年六十一歲即要執包袱走人，謝估計自己也凶多吉少。「佢個監製位也在招聘，不斷降低要求還未請到人，就是要趕他走。」
「當日企咗出嚟，都知道無運行㗎啦。」除了擺空凳令官員尷尬，近年 AO處長企圖取消《議事論事》、又要調《頭條新聞》和《鏗鏘集》到亞視播，還有助理廣播處長施永遠因拒絕執行政治任務遭「燉冬菇」等，謝志峰都站出來撐到行，發公開信給鄧忍光。「對我個人嚟講，本來無一物，望臨尾發達就傻㗎啫。」但他擔心的是整個港台遭打壓。港台新大樓起不成，各黨都有議員私下跟謝志峰講：「大家知咩事啦，幾廿億喺香港算得乜嘢？問題係俾你做大咗，你連僅有空間都可能無埋。做個鵪鶉台，咪俾你講吓。做大咗，就要ၻ你囉。」
前途暗淡，「如果我單身寡佬就無乜嘢驚，但係女細老婆嫩呢。」謝志峰近年清瘦不少，因為○九年兩度中風，幸急救得快，仍行動如常，只是每天多吃幾款降血壓、降膽固醇、降血脂藥，「好正㗎，減埋脂肪。中完風返嚟，全部西裝鬆泡泡，唔啱著。」
從前他被稱為「腩霸」，原來他七歲來港後繼續「乜都食」，行船的爸爸在家招呼朋友，剩下的煙酒盡歸他所有。中學成績一般，沒考上香港的大學，平平地留學台灣，入讀政大新聞系，畢業回港做報紙佬，煙抽得更兇，女兒出世才戒掉；港台從前有酒吧，放工例牌啤一啤。九七年移民加拿大，不出五年又回流，原因之一竟是「使晒啲錢」，「大使慣呀，日日出去飲茶食飯飲咖啡飲啤酒，我又鍾意請朋友。」
謝志峰銀包裡隨身的舊照，童年時他（中）隨母親（左）來港，逃離飢餓、投奔自由，大姐（右）卻一直拿不到單程證，一家人骨肉分離。
謝志峰（右一）在台灣國立政治大學新聞系畢業，是「堅哥」葉一堅（左一）的小師弟。
星期一至五做《左右紅藍綠》、星期六日做《城市論壇》，謝志峰多年沒陪 14歲的細女去沙灘了。
香港再壞，大不了返加拿大？「如果喺度生活已經無咗安全感，只剩下不平等、壓迫嘅感覺，我無理由逼我家人過呢種恐怖生活。但非不得已唔走。」說起八九六四清場夜，他眼見軍人已把人民英雄紀念碑重重包圍，就帶攝製隊撤到公廁頂，「紀念碑是學生指揮的核心，一定被集中攻擊，留在那裡，人同影帶都不保。」行家鬧他貪生怕死，但在台灣讀書時受過軍訓的他，知驚。後來坦克真的開進，機關槍掃射，他留下這條命，成為每年六四的見證者。「做到幾多就幾多。我唔係烈士，但在可能範圍內會盡力。」對工作亦然，「港台的存活，其實係表現晒整個社會氣氛，而《城市論壇》就作為第一個堡壘，在死頂，讓這點自由空氣唔好被人消滅。」
撰文：林茵
攝影：高仲明
mailto:news@nextmedia.com
壹傳媒互動有限公司 版權所有 不得轉載
留言
張貼留言