20140928-阿果--袁天佑：不妨天真一點
袁天佑：不妨天真一點
10:30 28/9/2014
「我諗咗好耐，應該講啲咩好呢？」袁天佑牧師，香港基督教循道衛理聯合教會會長，是基督教界其中一位領袖人物。訪問前一天，他代表基督教界出席宗教界國慶茶會，同場除了有各宗教代表，還有中聯辦官員及政府高官。為了席上要發表的那份賀辭，他十分苦惱，「你知好多人講的賀辭通常係點㗎啦！哈哈！」
「我最擔心的是，有些香港人睇阿爺面色，只講啲阿爺鍾意聽嘅說話。」
結果，袁天佑選擇用愛心說誠實話。賀辭中他直言人大常委的框架「並沒有解決社會所面對的撕裂」，表明港人「期望着一個真正代香港市民心聲的普選」，不希望有「作虛弄假，指鹿為馬的情况出現。」言者有心，聽者又有何反應？「啲官員都明白嘅……他們未必鍾意，但我作為一個基督徒、一個牧師，甚至是一個香港人，我覺得都應該將現實話畀佢哋聽。我最擔心的是，有些香港人睇阿爺面色，只講啲阿爺鍾意聽嘅說話。」袁天佑坦承，這樣做根本無法改變現實，但至少算是盡了本分，香港人的本分、基督徒的本分。
過去一年政局動盪，袁天佑所屬教會，是少有竭力為時代發聲的主流教派——年初舉辦研討會，請朱耀明與梁美芬對談，同場附送李偲嫣與傅振中嗆聲助興；七一過後，教會舉行祈禱會，邀請幾位在遮打道被捕的會友，向其他信徒分享經歷；八月中，牧師部向會眾發表牧函，申明立場，抗拒篩選：「我們所關心的不單是一人一票選舉特首的權利，我們同樣關注選民的選擇權」。兩星期後，大閘落下，有基督徒發起「守望香港宣言」聯署，對禮樂崩壞的香港社會表示憤慨，袁天佑一樣有份參與。
「諗吓咩叫公義，咩叫平等，咩叫誠實。然後將這些價值持守下去、深化下去，先至會有盼望，民主的路終有一日會達成。」
一直以來，許多人批評香港教會政治冷感，為何袁牧一反常態？「上帝創造每一個人都係平等的，每個人都有權利同責任去管理呢個社會，貧或富都係。政府不過係被授予權力去管理，而權力應該來自普通市民。所以，一個比較公平的普選係大家都應該爭取的。」因此，他和教會決定在政改諮詢的關鍵時候闡明立場，「坦白講，寫的時候都知無咩可能，但我覺得唔介意架，有些人話『唓！明知唔得，點解仲要講？』，但如果最後無人講呢，政府就會話『市民無呢個意見』。明知唔得，唔代表唔可以講架嘛。」袁天佑立場堅定，但言談間，總是不經意流露出一種天真和純粹的氣質。
對於佔中，袁牧一樣從悲觀中擁抱希望。「如果講要成功爭取普選，咁佔中可以話係失敗的。」他不相信人大會改變決定，但又認為過去一年有關佔中的討論，提高了港人的公民意識：「就以基督徒來講，以前啲人只會傳福音、拯救喪失靈魂，到呢個問題出現呢，做到一個效應，就係大家都要反思，喂，我哋基督徒應唔應該去佔中呢，話晒佔中三子都有兩個半係基督徒。」袁牧回想，在反思的過程當中，信徒有的贊成、有的反對，但大家最少學習到一件事：立場可以不同，但彼此要有尊重。作為教會領袖，他從未講明支持佔中運動，卻表示教會已組成義務律師團，盡力支持在前台爭取民主的會友。
牧師樂觀是一回事，但人大落閘以後，港人一同心灰，集體哀鳴。袁牧可有同感？港人又可以怎樣走下去？「咁我又唔覺得失望喎。都係要延續爭取，千祈唔好灰心，唔好絕望。能夠用和平方式去爭取梗係好啦，但就算係佔中，原意都唔係想用暴力方式，我亦唔反對。」袁天佑又認為，香港人要反思過往的信念，持受適當的核心價值：「以前香港人成日諗住經濟好緊要，又覺得自己可以影響大陸。𠵱家知道啦，香港在大陸眼中好微小，佢自己的安全緊要過你啦……香港人要識分是非黑白，諗吓咩叫公義，咩叫平等，咩叫誠實。然後將這些價值持守下去、深化下去，先至會有盼望，民主的路終有一日會達成。」
「在罪惡的世界入面呢，更加唔好話唔表達你的聲音。基督徒要有咁嘅guts」
在這個講究政治現實的時代，怕不怕被人批評為太天真？袁天佑先是大笑，然後沉思：「點講呢？我諗……（頓了半秒）在我的信仰裏面，有個信念叫already but not yet，已臨到但未完成，例如耶穌話天國在我地心中，但天國亦尚未來臨。」袁牧借用神學概念解釋，港人也應該活在這個拉扯當中，現實擺在眼前，但不代表要放棄理想：「在罪惡的世界入面呢，更加唔好話唔表達你的聲音。基督徒要有咁嘅guts，其他人會講『唉算啦，做生意緊要呀。』我哋唔好理佢，天真啲，做要做嘅嘢。」天真，源於對理想的偏執，天國如是，民主也如是。
當然，天真地追求理想，並不等同擱下思考。「基督徒應該成日去反思，我過去所信嘅嘢，係咪受得起挑戰呢、有無錯誤呢？」袁牧不諱言，過去一年無論社會抑或教會，一樣意見分歧，屢生齟齬，但他又覺得，辯論有助尋找真理，也是好事。只是他擔心有些人將自己眼中的公義當成上帝的公義，「所以我成日提醒會友，話你可以聽我講，但我唔係絕對的。講到政治，有些係個人立場，有些係聖經睇法，（牧者）一定要分清楚。」
佔中之後，要持續爭取公義，是許多人的集體共識。但究竟何謂「公義」？向來難講。問袁牧是否覺得拆教堂不公義、是否願意為此抗命，他笑了幾聲，吐出意外答案：「我又唔覺得一定係唔公義喎。社會裏面，有人無屋住，就係唔公義喇！我個人覺得，基督徒有無禮拜堂聚會，唔係咁緊要啦。拆教堂你要嘈，係因為覺得『我』的權益被損害嘛。但公義並唔係講緊你的權益被損害，而係人哋權益被損害，你都要出聲。咁先係公義，係咪？」
天真的氣質裏頭，盛載着少有的牧者心腸。
文/阿果
10:30 28/9/2014
「我諗咗好耐，應該講啲咩好呢？」袁天佑牧師，香港基督教循道衛理聯合教會會長，是基督教界其中一位領袖人物。訪問前一天，他代表基督教界出席宗教界國慶茶會，同場除了有各宗教代表，還有中聯辦官員及政府高官。為了席上要發表的那份賀辭，他十分苦惱，「你知好多人講的賀辭通常係點㗎啦！哈哈！」
「我最擔心的是，有些香港人睇阿爺面色，只講啲阿爺鍾意聽嘅說話。」
結果，袁天佑選擇用愛心說誠實話。賀辭中他直言人大常委的框架「並沒有解決社會所面對的撕裂」，表明港人「期望着一個真正代香港市民心聲的普選」，不希望有「作虛弄假，指鹿為馬的情况出現。」言者有心，聽者又有何反應？「啲官員都明白嘅……他們未必鍾意，但我作為一個基督徒、一個牧師，甚至是一個香港人，我覺得都應該將現實話畀佢哋聽。我最擔心的是，有些香港人睇阿爺面色，只講啲阿爺鍾意聽嘅說話。」袁天佑坦承，這樣做根本無法改變現實，但至少算是盡了本分，香港人的本分、基督徒的本分。
過去一年政局動盪，袁天佑所屬教會，是少有竭力為時代發聲的主流教派——年初舉辦研討會，請朱耀明與梁美芬對談，同場附送李偲嫣與傅振中嗆聲助興；七一過後，教會舉行祈禱會，邀請幾位在遮打道被捕的會友，向其他信徒分享經歷；八月中，牧師部向會眾發表牧函，申明立場，抗拒篩選：「我們所關心的不單是一人一票選舉特首的權利，我們同樣關注選民的選擇權」。兩星期後，大閘落下，有基督徒發起「守望香港宣言」聯署，對禮樂崩壞的香港社會表示憤慨，袁天佑一樣有份參與。
「諗吓咩叫公義，咩叫平等，咩叫誠實。然後將這些價值持守下去、深化下去，先至會有盼望，民主的路終有一日會達成。」
一直以來，許多人批評香港教會政治冷感，為何袁牧一反常態？「上帝創造每一個人都係平等的，每個人都有權利同責任去管理呢個社會，貧或富都係。政府不過係被授予權力去管理，而權力應該來自普通市民。所以，一個比較公平的普選係大家都應該爭取的。」因此，他和教會決定在政改諮詢的關鍵時候闡明立場，「坦白講，寫的時候都知無咩可能，但我覺得唔介意架，有些人話『唓！明知唔得，點解仲要講？』，但如果最後無人講呢，政府就會話『市民無呢個意見』。明知唔得，唔代表唔可以講架嘛。」袁天佑立場堅定，但言談間，總是不經意流露出一種天真和純粹的氣質。
對於佔中，袁牧一樣從悲觀中擁抱希望。「如果講要成功爭取普選，咁佔中可以話係失敗的。」他不相信人大會改變決定，但又認為過去一年有關佔中的討論，提高了港人的公民意識：「就以基督徒來講，以前啲人只會傳福音、拯救喪失靈魂，到呢個問題出現呢，做到一個效應，就係大家都要反思，喂，我哋基督徒應唔應該去佔中呢，話晒佔中三子都有兩個半係基督徒。」袁牧回想，在反思的過程當中，信徒有的贊成、有的反對，但大家最少學習到一件事：立場可以不同，但彼此要有尊重。作為教會領袖，他從未講明支持佔中運動，卻表示教會已組成義務律師團，盡力支持在前台爭取民主的會友。
牧師樂觀是一回事，但人大落閘以後，港人一同心灰，集體哀鳴。袁牧可有同感？港人又可以怎樣走下去？「咁我又唔覺得失望喎。都係要延續爭取，千祈唔好灰心，唔好絕望。能夠用和平方式去爭取梗係好啦，但就算係佔中，原意都唔係想用暴力方式，我亦唔反對。」袁天佑又認為，香港人要反思過往的信念，持受適當的核心價值：「以前香港人成日諗住經濟好緊要，又覺得自己可以影響大陸。𠵱家知道啦，香港在大陸眼中好微小，佢自己的安全緊要過你啦……香港人要識分是非黑白，諗吓咩叫公義，咩叫平等，咩叫誠實。然後將這些價值持守下去、深化下去，先至會有盼望，民主的路終有一日會達成。」
「在罪惡的世界入面呢，更加唔好話唔表達你的聲音。基督徒要有咁嘅guts」
在這個講究政治現實的時代，怕不怕被人批評為太天真？袁天佑先是大笑，然後沉思：「點講呢？我諗……（頓了半秒）在我的信仰裏面，有個信念叫already but not yet，已臨到但未完成，例如耶穌話天國在我地心中，但天國亦尚未來臨。」袁牧借用神學概念解釋，港人也應該活在這個拉扯當中，現實擺在眼前，但不代表要放棄理想：「在罪惡的世界入面呢，更加唔好話唔表達你的聲音。基督徒要有咁嘅guts，其他人會講『唉算啦，做生意緊要呀。』我哋唔好理佢，天真啲，做要做嘅嘢。」天真，源於對理想的偏執，天國如是，民主也如是。
當然，天真地追求理想，並不等同擱下思考。「基督徒應該成日去反思，我過去所信嘅嘢，係咪受得起挑戰呢、有無錯誤呢？」袁牧不諱言，過去一年無論社會抑或教會，一樣意見分歧，屢生齟齬，但他又覺得，辯論有助尋找真理，也是好事。只是他擔心有些人將自己眼中的公義當成上帝的公義，「所以我成日提醒會友，話你可以聽我講，但我唔係絕對的。講到政治，有些係個人立場，有些係聖經睇法，（牧者）一定要分清楚。」
佔中之後，要持續爭取公義，是許多人的集體共識。但究竟何謂「公義」？向來難講。問袁牧是否覺得拆教堂不公義、是否願意為此抗命，他笑了幾聲，吐出意外答案：「我又唔覺得一定係唔公義喎。社會裏面，有人無屋住，就係唔公義喇！我個人覺得，基督徒有無禮拜堂聚會，唔係咁緊要啦。拆教堂你要嘈，係因為覺得『我』的權益被損害嘛。但公義並唔係講緊你的權益被損害，而係人哋權益被損害，你都要出聲。咁先係公義，係咪？」
天真的氣質裏頭，盛載着少有的牧者心腸。
文/阿果
留言
張貼留言