20140929-葉朗程--情陷夜中環：中環父子
情陷夜中環：中環父子
20:53 29/9/2014
■中環「尋子記」的故事流傳很久，但故事中的父親與兒子的恩怨，不是很多人知道。 資料圖片
父子的關係，從來都是一條複雜到不得了的感情線。父給予女的溺愛，母給予子的寵愛，母給予女的關愛，簡簡單單，明明白白，沒有甚麼好說。但父子嘛，總之是一言難盡。
今時今日，幹我們這一行，要接觸富二代的次數越來越頻繁。有很多富二代，雖然含着金鎖匙出世，但絕非如外人想像般無能。佢哋明知自己父親好勁，但就是不願意活在上一代的影子下，希望憑兩手創出自己一片天。局外人當然知道，任第二代如何努力發奮，也沒有可能超越父親建立的王國。雖然徒勞無功，但這種富二代力求青出於藍的決心也值得嘉許。同呢種富二代溝通好簡單，天南地北乜都講得，但係就盡量唔好提佢老竇，總之當佢係一個獨立個體就得。
年輕富二代 目中無人
有啲富二代，可以話係阻住地球正常運行，對呢個世界毫無建樹。無論佢哋去到邊度，都會有句搣唔甩嘅口頭禪：「你知唔知我老竇係邊個？」蘭桂坊入club要等位，「要我等？你知唔知我老竇係邊個？」入去名店，鍾意件衫嘅最後一件都俾人買咗，「冇晒貨？你知唔知我老竇係邊個？」
最離譜嗰次，親耳所聞。某家高級日本料理內，某個20歲以下的所謂富家子弟跟幾個朋友吃飯，佢哋講嘢好大聲。講句公道話，一班人食飯，食得高興，大聲咗啲，在所難免。但當有客人投訴，就算萬般不願意都好，點都應該應酬式講句「唔好意思我會盡量細聲啲」。點知呢位小朋友，唔知係飲大兩杯定係真係咁冇修養，竟然大大聲同人講：「一班人食飯係咁嘈㗎啦，你要靜靜哋食，唔好去殯儀館食？你知唔知我老竇係邊個呀？」
但以上提及的兩種富二代，我也很少接觸。第一種，來頭太猛，亞洲各地冇乜幾個，少接觸是正常的；第二種，年紀太輕，未有直接需要去了解家族的財富配置計劃，而他們也樂得遊戲人間，暫時一個月幾萬都仲夠使，仲未去到想問屋企攞幾百個嚟買架Azimut Yacht嘅階段。我接觸最多嗰種富二代，係最麻煩嗰種，佢哋屋企又麻煩，佢哋自己又麻煩，有時候覺得做private banker好似做社工咁。
呢種富二代喺外國浸完返嚟，梗係想一展拳腳，希望老父嘅企業喺佢哋新一代嘅領導之下，做得更強更大。但事情不是這麼簡單，因為做老竇嘅非常矛盾。一方面，已經準備好晒，第時自己有乜冬瓜豆腐，一定畀晒個仔；但另一方面，過錢又唔想過權，因為老竇會覺得個仔經驗尚淺，仲未擔到大旗。做仔梗係冇癮，於是把心一橫，直情去第二間公司做，搞到老竇更加唔高興。就算到個老竇最後真係肯交個權出嚟，個仔入到公司，又俾嗰啲世叔伯嘅固有思想諸多左右，然後自己老竇又唔多為自己出聲，最後個仔又話要走。
就在很久之前，中環曾經瘋傳一幕充滿戲味的「尋子記」。很多人該有所聞，我盡量含糊地講重點。話說，因為兒子某個決定，觸動權力人士神經，父親希望為兒子急忙補鑊，所以想找兒子面談。但一直想獨當一面的兒子不接父親電話，耐性盡耗的父親只好在保鑣陪同下，大駕光臨兒子的中環總部。把守總部第一關的receptionist小姐忙着照鏡化妝，一抬頭看見老闆的父親，嚇到花容失色。
「Peter（假名）喺邊度？」父親問，語氣不耐煩。平時主要工作都是照鏡化妝的receptionist小姐，入職時的內部指引完全沒有提過「如果老闆老竇搵老闆應該點算」的應變措施，唯有口窒窒說：「陳……陳生（假姓）……老……老闆唔喺公司。」跟住父親嘅對白十分頂癮，呢幕「尋子記」我聽過好多唔同版本，但呢句對白喺每個版本都有出現，所以我相信「父親」真的這樣說過。「你知唔知我係邊個？我係Peter嘅爸爸，究竟Peter喺邊度？」父親問嚟多餘，因為全香港應該冇乜人唔知佢係邊個。
難為了平時主要工作是照鏡化妝的receptionist小姐，俾太上皇嚇一嚇，幾乎嚇到失禁，但點嚇佢都冇用，因為「兒子」真係唔喺公司。「老……老闆佢……出咗trip……」她說。被這個忽然口吃的receptionist弄得更不耐煩的父親，本來諗住收隊回摷，再謀對策，怎料，就在這時候，隔籬的會議室傳來兒子的聲音。
父親望一望會議室關着的大門，然後再凶神惡煞地回望receptionist小姐。俾太上皇呢個眼神矋一矋，可憐的receptionist小姐應該當場失咗禁。「又話Peter唔喺度？」父親的聲線沒有提高，語氣平淡，但就係咁先得人驚。「陳生，老闆真係出咗 trip！」receptionist小姐說，極度驚慌反而治好她的口吃，但她斗大般的淚珠快要流出眼框。
縱鬧大交 最終會冇事
「咁點解我會聽到佢把聲？」父親指着會議室的大門說。眾目睽睽之下，receptionist小姐幾乎想跪在太上皇面前，求他放她一馬。「陳生，老闆真係出咗trip，Mr. Alexis（假名，公司的 CEO）佢哋應該係同老闆喺裏面開緊video conference，所以你聽到老闆把聲。」父親皺眉，但量那個卑微的小職員也不敢胡言亂語，太上皇最後正式收兵，剩下仍然顫抖着的receptionist小姐，和那條應該要拿拿臨攞去乾洗的套裝裙。
身為一個兒子，我絕對明白父子相處之道所謂何事。基本上，我有好多方面都好似我老竇。信我，兩父子唔會因為「似」就會關係好啲，反而越似越大鑊。好多時，如果唔係要畀面在場觀戰嗰位阿媽，肯定好快大打出手。但兩父子關係的微妙，就在於無論吵到幾大鑊，最後都會乜事都冇。人哋話，兩父子會冇隔夜仇，我唔同意。每次我同老竇有仇，都肯定唔只一兩日嘅事。但總之去到某個時候，就總是會自自然然地好起來的。你看「尋子記」的父子便知道了，幾年前個仔搞到一鑊粥，激到個老竇生蝦咁跳。今時今日，老竇笑晒口同人講，無論個仔想點，都會全力支持。
做仔難，定做老竇難？我未做過老竇，所以冇資格判斷，但我覺得做一個好老竇同做一個好仔都唔容易。我聽過一句說話，好有意思。如果一個女仔想知道，你身邊嗰位男朋友嫁唔嫁得過，有乜嘢方法？好簡單，你只需閉上眼，然後想像：如果你將來有個仔，而呢個仔長大成人後，就係好似呢你而家呢位男朋友咁樣，你會唔會感到驕傲？如果會嘅話，即嫁。
葉朗程
20:53 29/9/2014
■中環「尋子記」的故事流傳很久，但故事中的父親與兒子的恩怨，不是很多人知道。 資料圖片
父子的關係，從來都是一條複雜到不得了的感情線。父給予女的溺愛，母給予子的寵愛，母給予女的關愛，簡簡單單，明明白白，沒有甚麼好說。但父子嘛，總之是一言難盡。
今時今日，幹我們這一行，要接觸富二代的次數越來越頻繁。有很多富二代，雖然含着金鎖匙出世，但絕非如外人想像般無能。佢哋明知自己父親好勁，但就是不願意活在上一代的影子下，希望憑兩手創出自己一片天。局外人當然知道，任第二代如何努力發奮，也沒有可能超越父親建立的王國。雖然徒勞無功，但這種富二代力求青出於藍的決心也值得嘉許。同呢種富二代溝通好簡單，天南地北乜都講得，但係就盡量唔好提佢老竇，總之當佢係一個獨立個體就得。
年輕富二代 目中無人
有啲富二代，可以話係阻住地球正常運行，對呢個世界毫無建樹。無論佢哋去到邊度，都會有句搣唔甩嘅口頭禪：「你知唔知我老竇係邊個？」蘭桂坊入club要等位，「要我等？你知唔知我老竇係邊個？」入去名店，鍾意件衫嘅最後一件都俾人買咗，「冇晒貨？你知唔知我老竇係邊個？」
最離譜嗰次，親耳所聞。某家高級日本料理內，某個20歲以下的所謂富家子弟跟幾個朋友吃飯，佢哋講嘢好大聲。講句公道話，一班人食飯，食得高興，大聲咗啲，在所難免。但當有客人投訴，就算萬般不願意都好，點都應該應酬式講句「唔好意思我會盡量細聲啲」。點知呢位小朋友，唔知係飲大兩杯定係真係咁冇修養，竟然大大聲同人講：「一班人食飯係咁嘈㗎啦，你要靜靜哋食，唔好去殯儀館食？你知唔知我老竇係邊個呀？」
但以上提及的兩種富二代，我也很少接觸。第一種，來頭太猛，亞洲各地冇乜幾個，少接觸是正常的；第二種，年紀太輕，未有直接需要去了解家族的財富配置計劃，而他們也樂得遊戲人間，暫時一個月幾萬都仲夠使，仲未去到想問屋企攞幾百個嚟買架Azimut Yacht嘅階段。我接觸最多嗰種富二代，係最麻煩嗰種，佢哋屋企又麻煩，佢哋自己又麻煩，有時候覺得做private banker好似做社工咁。
呢種富二代喺外國浸完返嚟，梗係想一展拳腳，希望老父嘅企業喺佢哋新一代嘅領導之下，做得更強更大。但事情不是這麼簡單，因為做老竇嘅非常矛盾。一方面，已經準備好晒，第時自己有乜冬瓜豆腐，一定畀晒個仔；但另一方面，過錢又唔想過權，因為老竇會覺得個仔經驗尚淺，仲未擔到大旗。做仔梗係冇癮，於是把心一橫，直情去第二間公司做，搞到老竇更加唔高興。就算到個老竇最後真係肯交個權出嚟，個仔入到公司，又俾嗰啲世叔伯嘅固有思想諸多左右，然後自己老竇又唔多為自己出聲，最後個仔又話要走。
就在很久之前，中環曾經瘋傳一幕充滿戲味的「尋子記」。很多人該有所聞，我盡量含糊地講重點。話說，因為兒子某個決定，觸動權力人士神經，父親希望為兒子急忙補鑊，所以想找兒子面談。但一直想獨當一面的兒子不接父親電話，耐性盡耗的父親只好在保鑣陪同下，大駕光臨兒子的中環總部。把守總部第一關的receptionist小姐忙着照鏡化妝，一抬頭看見老闆的父親，嚇到花容失色。
「Peter（假名）喺邊度？」父親問，語氣不耐煩。平時主要工作都是照鏡化妝的receptionist小姐，入職時的內部指引完全沒有提過「如果老闆老竇搵老闆應該點算」的應變措施，唯有口窒窒說：「陳……陳生（假姓）……老……老闆唔喺公司。」跟住父親嘅對白十分頂癮，呢幕「尋子記」我聽過好多唔同版本，但呢句對白喺每個版本都有出現，所以我相信「父親」真的這樣說過。「你知唔知我係邊個？我係Peter嘅爸爸，究竟Peter喺邊度？」父親問嚟多餘，因為全香港應該冇乜人唔知佢係邊個。
難為了平時主要工作是照鏡化妝的receptionist小姐，俾太上皇嚇一嚇，幾乎嚇到失禁，但點嚇佢都冇用，因為「兒子」真係唔喺公司。「老……老闆佢……出咗trip……」她說。被這個忽然口吃的receptionist弄得更不耐煩的父親，本來諗住收隊回摷，再謀對策，怎料，就在這時候，隔籬的會議室傳來兒子的聲音。
父親望一望會議室關着的大門，然後再凶神惡煞地回望receptionist小姐。俾太上皇呢個眼神矋一矋，可憐的receptionist小姐應該當場失咗禁。「又話Peter唔喺度？」父親的聲線沒有提高，語氣平淡，但就係咁先得人驚。「陳生，老闆真係出咗 trip！」receptionist小姐說，極度驚慌反而治好她的口吃，但她斗大般的淚珠快要流出眼框。
縱鬧大交 最終會冇事
「咁點解我會聽到佢把聲？」父親指着會議室的大門說。眾目睽睽之下，receptionist小姐幾乎想跪在太上皇面前，求他放她一馬。「陳生，老闆真係出咗trip，Mr. Alexis（假名，公司的 CEO）佢哋應該係同老闆喺裏面開緊video conference，所以你聽到老闆把聲。」父親皺眉，但量那個卑微的小職員也不敢胡言亂語，太上皇最後正式收兵，剩下仍然顫抖着的receptionist小姐，和那條應該要拿拿臨攞去乾洗的套裝裙。
身為一個兒子，我絕對明白父子相處之道所謂何事。基本上，我有好多方面都好似我老竇。信我，兩父子唔會因為「似」就會關係好啲，反而越似越大鑊。好多時，如果唔係要畀面在場觀戰嗰位阿媽，肯定好快大打出手。但兩父子關係的微妙，就在於無論吵到幾大鑊，最後都會乜事都冇。人哋話，兩父子會冇隔夜仇，我唔同意。每次我同老竇有仇，都肯定唔只一兩日嘅事。但總之去到某個時候，就總是會自自然然地好起來的。你看「尋子記」的父子便知道了，幾年前個仔搞到一鑊粥，激到個老竇生蝦咁跳。今時今日，老竇笑晒口同人講，無論個仔想點，都會全力支持。
做仔難，定做老竇難？我未做過老竇，所以冇資格判斷，但我覺得做一個好老竇同做一個好仔都唔容易。我聽過一句說話，好有意思。如果一個女仔想知道，你身邊嗰位男朋友嫁唔嫁得過，有乜嘢方法？好簡單，你只需閉上眼，然後想像：如果你將來有個仔，而呢個仔長大成人後，就係好似呢你而家呢位男朋友咁樣，你會唔會感到驕傲？如果會嘅話，即嫁。
葉朗程
留言
張貼留言